Iwinna 13:16 - Edo Bible (E Baibol Ẹdo) Version 1996

¹⁶ Pọl keghi kpaegbe, ọ ghi ya obọ gbe ekhakha nẹ, ọ keghi suẹn gha guan, ọ wẹẹ, “Ivbi Izrẹl ne iho mwa, kevbe uwa ne ẹ i re Ju ni vbe ga Osanobua, wa danmwehọ mwẹ!

Iwinna 13:16 ပူးပေါင်းရင်းမြစ်များ

I Ọba 8:40

Ne emwa ruẹn miẹn ehe na gha mu ohan ruẹn vbe ẹghẹ hia ne iran gha ya vbe otọe ne u mu ne avbe erha iran odede.

Psalm 135:20

Wa rho e Nọyaẹnmwa, wa ne avbe Livai, wa rho ẹre, wa hia ni ga ẹe.

Psalm 67:7

Osanobua fiangbe ima nẹ te emwa hia ni rre ehe hia gha ya ọghọ ne ẹẹn.

Psalm 85:9

Vbe ẹmwata rẹn mu egbe, ne ọ miẹn iran ni ya ọghọ ne ẹẹn fan, aguọmwarrọ ne ọ miẹn ọmwa fan ọghọe gha gui ima yin otọe mwa.

Matiu 11:15

Ne ọ mwẹ ehọ gie ẹ họn.

Iyẹn ne ọ Maan Ọghe Luk 1:22

Ugbẹn vbe ọ ghi ladian, ọ ma sẹtin gu iran guan, iran ghi na la evba rẹn ighe te ọ miẹn umian vbe uwu Ọgua Osa. Ugbẹn vbe ọ ma ghi sẹtin guan, obọ ọre ọ ghi ya zẹ edu ma iran.

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Iyẹn ne ọ Maan Ọghe Luk 23:40

Sokpan nọkpa keghi guẹe gui wẹẹ, “Wẹ i mu ohan Osanobua? Ghe, oya ọkpa ọre a rri ima hia re.

Iwinna 10:2

Rẹn keghi re ọmwa ne ọ mwẹ ekhọe iyayi. Osanobua ọre irẹn kevbe ẹgbẹe ọre hia wa gaa. Ọ wa vbe hia vbe odẹ hia ne ọ gha ru iyobọ ne avbe Ju ni re ivbiogue.

Iwinna 10:35

Ọmwaikọmwa ne ọ mu ohan rẹn, ọ na vbe gha yin ẹse, te irẹn gha rhan obọ miẹn rẹn, ovbi ẹvbo ne ọ rhirhi gha khin.

Iwinna 12:17

Ọ keghi ye obọ gbe iran ekhakha wẹ ne iran gie a họn ẹmwẹ ọ keghi do rhan otọ vbene Nọyaẹnmwa ya rhie irẹn ke uwu ẹwẹdọ ladian hẹ ma iran. Ọ keghi tama iran we wa ghi na iyẹn ma Jems kevbe iran ne etẹn nekpa. Rẹn keghi kpao gha rrie ehe ọvbehe.

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 19:33

Eso vbe uwu avbe emwa nii keghi wa kun ẹmwẹ ni yan Alẹkzanda rhunmwuda ighẹ avbe Ju rhie ẹre ladian nii ọ mudia ye odaro, Alẹkzanda keghi ya obọ gbe iran ekhakha, ọ keghi te ho ne ọ ze ne unu irẹn ma emwa nii.

Iwinna 2:14

Ẹghẹ ni ọre Pita ghi na guakpao, ke irẹn kevbe avbe Ukọ ne owọrọ nekpa, ọ keghi tọn urhu mu ya gu iran guan: “Wa ne Ju ne ihomwa, kevbe uwa hia ni rre Jerusalẹm, wa danmwehọ, ne I tama uwa emwi ne a ya avbe emwi na kha.

Iwinna 2:22

“Wa danmwehọ ẹmwẹ na, wa ne ivbi Izrẹl. Jesu ne ovbi Nazarẹt keghi re ọmwa ne Osanobua gie ẹre uhunmwu kpataki, ne ọ miẹn ehe na gie uwa rẹn ighe ẹmwata nọ, Osanobua keghi la ekpa ẹre winna iwinna ọyunnuan, iwinna ọ yan aro ua kevbe ama, wa tobọ uwa vbe rẹn vberriọ, rhunmwuda, sirra uwa hia ọre a na ru emwi na.

Iwinna 21:40

Ọkaokuo nii keghi rhie otọe nẹẹn, rhunmwuda ọnii, Pọl keghi mudia yan ikpawẹ, ọ na ya obọ gbe emwa ni ekhakha. Ugbẹn vbe iran ghi gbẹdọ nẹ, Pọl kegha zẹ Hibru ya gu iran guan, ọ wẹẹ:

Iwinna 22:22

Vbe Pọl te do ta ẹmwẹ na, emwa nii kegha danmwehọ ẹre, sokpan ẹghẹ na nian, iran keghi wa gha go kha wẹẹ, “Wa mu ẹn fua mwa! Gbe ẹe rua! Ọ ma kei ne ọ di agbọn ya!”

Iwinna 3:12

Ugbẹn vbe Pita ghi miẹn emwa nii hia, ọ tama iran wẹẹ, “Wa ne ivbi Izrẹl, vbọzẹ ne emwi na na yan uwa unu uan yi, vbe uwa ghi na tọn aro ye ima egbe hẹẹ? Te uwa ro ighe ẹtin obọ mwa ra umamwẹ mwa ọre ima ya ru ẹe ne okpia na na sẹtin ghe khian ra?

Arhie Maan 2:11

“Adeghẹ u mwẹ ehọ khekherriọ, u ghi danmwehọ ẹmwẹ ne Orhiọn tama avbe esọsi. Iran ni khọnmiotọ, uwu ne ogieva i ghi ra kuan iran ọvbehe.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.

Arhie Maan 2:29

“Adeghẹ u mwẹ ehọ, danmwehọ ẹmwẹ ne Orhiọn tama avbe esọsi.

Arhie Maan 2:7

“Rhunmwuda ọnii, a deghẹ u mwẹ ehọ khekherriọ, u ghi họn ẹmwẹ ne Orhiọn tama avbe esọsi. “Avbe emwa ni khọnmiotọ nẹ, I gha rhie asẹ ne iran ne iran ya re vbe ọmọ erhan ẹfe ni, ne ọ zọ re vbe uwu ogba ọghe Osanobua.