Iwinna 13:15 - Edo Bible (E Baibol Ẹdo) Version 1996

¹⁵ Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.”

Iwinna 13:15 ပူးပေါင်းရင်းမြစ်များ

Iyẹn ne ọ Maan Ọghe Mak 5:22

Jairọs, ne ọ vbe rre ukpo ọdakha vbe Ọgua ediọn keghi gha dee, ugbẹn vbe ọ ghi bẹghe Jesu, ọ mu ẹko rhu otọ vbe akharha ẹre.

Iyẹn ne ọ Maan Ọghe Luk 16:16

“Avbe Uhi e Mosis kevbe emwi ne avbe akhasẹ gbẹnnẹ ye otọ wa gha rre atẹ do sẹ ẹghẹ e Jọn ne Ọsamẹ. Sokpan ke ẹghẹ nii gha dee, vbe a ghi kpe orhu Iyẹn Ne ọ maa ọghe Arriọba Osanobua nẹ, ẹki udu ọre emwa hia ghi ya larọ.

Iwinna 1:16

“Wa ne etẹn mwẹ: Ẹ i mwẹ ne ẹmwẹ ne ebe ta ẹe ghẹ sẹ zẹ vbene Orhiọn Ne Ọ Huanrẹn la unu Devid ta ẹe ye otọ ighe ẹmwẹ Judas ne ọ ma iran ni do mu Jesu odẹ.

Iwinna 13:27

Rhunmwuda, iran ni rre Jerusalẹm kevbe avbe ọkaolotu iran, ma rẹn wẹ rẹn ọrọre ọmiọnmwafan, vberriọ, ẹmwẹ avbe akhasẹ ne a tie vbe Ẹdẹ Ikẹtin hia ma gie iran rẹn otọ ẹre. Levba Sevba, iran keghi gie ẹmwẹ avbe akhasẹ nii sẹ vbe ne iran na bu abe uwu gbe Jesu.

Iwinna 15:21

Rhunmwuda ọkpẹre ne a kegha tie Uhi e Mosis vbe Ọgua ediọn vbe Ẹdẹ Ikẹtin hia, a vbe kpe orhu ẹmwẹ ọnrẹn vbe ẹvbo hia.”

Iwinna 15:7

Ugbẹn vbe iran ghi zẹ ta ẹe yo ta ẹe rre, Pita keghi kpaegbe ọ wẹẹ, “Etẹn mwẹ, wa rẹnrẹn wẹẹ vbe ẹghẹ ne ọ kpẹe fua, Osanobua zẹ mwẹ vbe uwu ẹbu uwa wẹ ne I ya kpe orhu ẹmwẹ Iyẹn Ne ọ maa ma iran ne ẹ i re Ju, ne iran miẹn ehe na họn ne iran vbe yayi.

Iwinna 18:17

Iran keghi de obọ mu Sọstenes ne ọka Ọgua ediọn iran keghi gbe ẹe vbe odaro iko. Sokpan Galio ma zẹdẹ zẹ yọ.

Iwinna 18:8

Krispọs ne ọre ọka Ọgua ediọn keghi ya Nọyaẹnmwa yi, ke irẹn kevbe ẹgbẹe ọre hia. Emwa ni bun ọvbehe keghi vbe họn iyẹn ne ọ maa ni vbe Kọrinti, iran yayi, a keghi sa amẹ ne iran.

Iwinna 2:29

“Wanwanna etẹn mwẹ, I gha rhan otọ ẹmwẹ Devid ne erhamwa odede ma uwa. Ọ wu, a keghi re ẹre. Idin ẹnrẹn ye gu ima rre emwa do sẹ ẹdẹ ne ẹre na.

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

Iwinna 2:4

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Iwinna 20:2

Ọ keghi lele isoko ni hia gaa, ọ kegha ye ẹmwẹ ni bun rhie igiẹdu ne iran. Ọ keghi ke evba kpao gha die Gris, ehe ne ọ na do gbe uki eha.

Iwinna 22:1

“Ikpia, etẹn ne ikpia kevbe avbe erha mwa, wa danmwehọ mwẹ ne I zẹ ene unu mwẹ ma uwa!”

Iwinna 4:36

Ẹghẹ ni ọre Josẹf, e Livai ọkpa ne a biẹe vbe Saiprọs, ne avbe ukọ he ẹre Banabas (emwi ne a ye ọnii kha ọre ọmwa ne ọ ye udu hu ọmwa,)

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Ebe ne Pọl gbẹẹn gie emwa Rom 12:8

Deghẹ ne a gha rhie igiọdu ne emwa ọvbehe nọ, gie a gha ru vberriọ, ọmwa ẹ ọ ghae ne emwa ọvbehe vbe emwi ẹnrẹn, giẹe gha ye ẹkoata ruẹe, ọmwa ne ọ mwẹ asẹ, wẹ ne ọ gha winna ẹsẹse, ọmwa ne ọ tohan emwa ọvbehe, giẹe gha ye aro ne ọ hian rẹn vbe uhunmwu ruẹe.

I Kọrinti 14:3

Sokpan, ọmwa ne ọ kpe orhu Osanobua, emwa ne agbọn ọre ọ gu guan, ọ ghi gha rhie iyobọ, igiẹdu kevbe ifuẹko ne iran.

II Kọrinti 3:14

Vbe ẹmwata, te a rhie emwi rhu iran ekhọe, ye do sẹ ẹdẹ nẹ rẹ na, te a ye rhie ukpọn nii rhu iran ekhọe vbe iran a gha tie ehe ile nẹdẹ. Ọmwa gha ghi ya egbe ba Kristi nẹ ọkpa, ọre a ghi na rhie ukpọn nii hin rre.

I Tẹsalonaika 2:3

Rhunmwuda, ẹmwẹ ne ima do gu uwa guan i re ne a ye abakuru muhẹn, ra ne ọ mwẹ emwi ọvbehe ne a gualọ vbọ, erriọ, ma ma vbe ho ne a do ọmwa rhọkpa ọzua.

Hibru 13:22

I rinmwian uwa etẹn mwẹ, ne uwa ye i ziengbe danmwehọ ikporhu igiẹdu na, rhunmwuda ebe ne I gbẹn gie uwa na ma tan gbe.