Iwinna 13:12 - Edo Bible (E Baibol Ẹdo) Version 1996

¹² Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.

Iwinna 13:12 ပူးပေါင်းရင်းမြစ်များ

Matiu 27:54

Ugbẹn vbe ọkaokuo kevbe ivbiyokuo ẹre ni mudia gha ghe Jesu ghi miẹn igbohiotọ kevbe emwi hia ni sunu, ohan keghi mu iran, iran wẹẹ, “Vbe ẹmwata, Ovbi Osanobua te gele nọ.”

Iyẹn ne ọ Maan Ọghe Luk 4:22

Ẹmwẹ ọnrẹn keghi rhiẹnrhiẹn iran ẹsẹse, unu keghi yan iran ye ẹmwẹ, nọ rhiẹnrhiẹn ne ọ guan, iran wẹẹ “Ọna i re ovbi e Josẹf?”

Iyẹn ne ọ Maan Ọghe Luk 7:16

Ohan keghi mu emwa hia, iran keghi rhie uyi ne Osanobua wẹẹ, “Akhasẹ nọkhua zọ ladian vbe uwu ima,” kevbe wẹ, “Osanobua rre do miẹn emwa rẹn fan!”

Iyẹn ne ọ Maan Ọghe Jọn 7:46

Avbe ọgbalegbe wanniẹn wẹẹ, “A ma he miẹn ọmwa ne ọ guan vbe okpia na ẹdẹ!”

Iwinna 13:48

Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.

Iwinna 13:49

Ẹmwẹ Nọyaẹnmwa, kegha vẹ. khian vbe ehe hia vbe iwewe nii.

Iwinna 13:7

Rẹn keghi re ọse Enogie ne ọ rre ẹvbo ne amẹ lẹga ni, a keghi tie eni ẹnrẹn Segiọs Pọlọs, ọmwa ne ọ wan ẹsẹse nọ. Enogie nii keghi gie ne a tie Banabas kevbe Sọl rhunmwuda, ọho ne ọ họn ẹmwẹ Osanobua.

Iwinna 13:8

Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre.

Iwinna 15:35

Pọl kevbe Banabas keghi gbe omwa ẹghẹ eso vbe Antiọk. Iran keghi deba emwa ni bun ọvbehe, iran kegha ma emwa emwi, iran na gha kpe orhu ẹmwẹ Nọyaẹnmwa.

Iwinna 15:36

Ọ ghi kpẹe fua kherhe, Pọl keghi khama Banabas wẹẹ, “Gie ima werriegbe gha rrie ẹvbo hia ne ima na kpe orhu ẹmwẹ Nọyaẹnmwa ne ima ya tuẹ avbe etẹn ne a vbe ghe vbene ẹmwẹ Nọyaẹnmwa ghi ye iran hẹ.”

Iwinna 18:12

A ghi ma Galio ne ọ khaemwisẹ ne ovbi e Rom yan Gris nẹ, avbe Ju keghi si uma, iran keghi mu Pọl, iran na si ẹe gha rrie iko.

Iwinna 19:10

Ukpo eva ọre a ya gha ru ọna sẹrriọ wẹ emwa hia ni rre ikinkin Esia, kevbe avbe Ju kevbe ni i re Ju keghi họn ẹmwẹ Nọyaẹnmwa.

Iwinna 19:20

Vbe nian ọre ẹmwẹ Nọyaẹnmwa na gha mu otọ yọ vbe odẹ ne ọ wo vbe egbe, ọ na vbe gha gba otọ khian.

Iwinna 19:38

Deghẹ Demetriọs kevbe emwa ne ọ ya winna mwẹ ẹzọ ne iran gha gu emwa eso gui, ẹdẹ ne a bu iko yi rrọọ, iran ni yan asẹ vbe rre evba, iran sẹtin ya gu egbe gui vbe odọ.

Iwinna 19:7

Iran keghi re ikpia iweva.

Iwinna 28:7

Otọe okpia ọkpa ne a tie eni ẹnrẹn Publiọs keghi sikẹ evba, rẹn ọre ọ vbe re enogie ẹvbo ni. Rẹn keghi wa miẹn ima yi, ma na gbe ikpẹdẹ eha vbe owa ẹre.

Iwinna 6:10

Sokpan Orhiọn keghi rhie ẹwaẹn nọkhua ne Stivin, sẹrriọ wẹ, a ma miẹn ọmwa ne ọ sẹtin mu aro da Stivin.

Iwinna 8:25

Iran ghi na iyẹn ọma ne iran miẹn nẹ, iran na vbe kpe orhu e Nọyaẹnmwa. Iyeke ọnii Pita kevbe Jọn keghi werriegbe gha rrie Jerusalẹm. Vbe iran vbe khian vbe odẹ, iran kegha vbe kpe orhu Iyẹn Ne ọ maa vbe igue Sameria ni bun.