Iwinna 13:11 - Edo Bible (E Baibol Ẹdo) Version 1996

¹¹ Obọ Nọyaẹnmwa ra vba ruẹ nian, u gha rhu aro, u i ghi ra bẹghe uwanmwẹ ẹdẹ ọ te sẹ ẹghẹ eso.” Vbe ọwarọkpa nii, Elimas ghi ghe ighogho amẹ nekhui rhu gue irẹn aro, ọ na gha bibi yo bibi rre gualọ ọmwa ne ọ gha rhie irẹn obọ.

Iwinna 13:11 ပူးပေါင်းရင်းမြစ်များ

Gẹnẹsis 19:11

Iran na rhu ikpia hia ni rre ore aro vbe ne iran ma na ghi rẹn onurho.

II Ọba 6:8

Ọba e Siria kegha gu Izrẹl khọn, ọ ghi gu avbe ekaokuo ẹre zẹ iro nẹ, ọ keghi mwamwa ehe ne irẹn gha bu agọ yi.

Job 19:21

Ọse mwẹ wa khin! Wa vbe tohan imẹ. Obọ Osanobua gbe mwẹ fi otọ nẹ.

Psalm 32:4

Ke asọn kevbe avan ọ re u ya rriọmwẹ oya, Nọyaẹnmwa, orhiọn ni mwẹ fo fẹẹrẹ, zẹ vbene ovẹn uyunmwu ka evbu.

Psalm 38:2

U ya ifẹnmwẹ ruẹn kuan mwẹ nẹ, u gbe mwẹ fi otọ nẹ.

Ẹksọdọs 9:3

I gha ya emianmwẹ dan ne I gha mu ku avbe emwirri ruẹ rri uwa oya; avbe ẹsin ruẹn, avbe ekẹtẹkẹtẹ ruẹ, ogologo, ẹmila, ohuan kevbe avbe ewe.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Iyẹn ne ọ Maan Ọghe Jọn 9:39

Jesu khama rẹn wẹẹ, “Rhunmwuda ibuohiẹn, ọre I na gha die agbọn na. Ne iran ni rhu aro sẹtin gha bẹghe, kevbe ne iran ni bẹghe khian eni rhu aro.”

Iwinna 9:17

Rhunmwuda ọnii Ananaias kegha khian, ọ keghi la owa, ọ na viọ obọ yan rẹn, ọ keghi kha wẹẹ, “Sọl ne ọtẹn mwẹ, Nọyaẹnmwa Jesu Kristi ọmwa ne u miẹn vbe odẹ vbe ẹghẹ ne u na gha dee ọre ọ tobọ ẹre gie mwẹ gha dee, ne u miẹn ehe na dọlegbe gha dẹghe, kevbe ne u vbe vuọn ne Orhiọn Ne Ọ Huanrẹn.”

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Hibru 10:31

Ọkpan udu nọ, deghẹ a defi Osanobua nọ rrọọ obọ!

II Pita 2:17

Iran na yevbe ẹzẹ ne ọ kae, iran ye vbe ubimwẹ amẹ ne ẹhoho hoho khian. Osanobua rhie otọ khẹ iran nẹ vbe uwu ebiebi ne ọ dinmwi sẹẹ ehia.

I Samuẹl 5:11

Iran keghi vbe rhunmwuda onii dọlegbe tie enigie isẹn nii, iran tama iran wẹẹ, “Wa mu Ẹkpẹti Ile ọghe Izrẹl werriegbe gha rrie ihe ẹre ne ọ ghẹ do gbele ima gbele ima emọ.” Ẹvbo hia kegha hu yo hu rre rhunmwuda Osanobua rri iran oya ẹsẹse.

I Samuẹl 5:9

Sokpan, ọ ghi sẹ evba e Nọyaẹnmwa keghi rri ẹvbo ni oya ọ keghi fian otighi fi iran egbe. Osanobua keghi ya uruvba ne ọ munọ emwa rri iran oya, ọ keghi munọ emwa hia ke ibiẹka kevbe eniwanrẹn.