Iwinna 12:9 - Edo Bible (E Baibol Ẹdo) Version 1996

⁹ Pita keghi lele ẹe ladian vbe uwu ẹwẹdọ sokpan ọ ma gi ẹe rẹn deghẹ ẹmwata ọre emwi ne odibosa ru khin, ọ keghi te gha ro ighẹ te irẹn miẹn umian.

Iwinna 12:9 ပူးပေါင်းရင်းမြစ်များ

Gẹnẹsis 45:26

Iran tama rẹn wẹẹ, “E Josẹf ye rre agbọn! Rẹn ọ re ọ khaemwisẹ yan Igipt hia!” Ọ keghi yan e Jekọb unuan, ọ ma ya iran yi.

Gẹnẹsis 6:22

E Noa keghi ru emwi hia ne Osanobua tama rẹn.

Psalm 126:1

Ẹghẹ ne Nọyaẹnmwa na viọ ima dọlegbe gha die Jerusalẹm, te ọ wa yevbe imina!

Iyẹn ne ọ Maan Ọghe Jọn 2:5

Iye Jesu keghi tama avbe eguọmwadia wẹẹ, “Emwi ne ọ rhirhi wẹ ne uwa ru, wa ru ẹe.”

Iwinna 10:17

Ọ keghi yan Pita unu uan wẹ de emwi ne a ya umian ne irẹn miẹn kha. Ẹghẹ na ne a kha na, emwa ne Kọniliọs gie miẹn ehe ne owa Saimọn ye nẹ, iran keghi mudia ye onurho.

Iwinna 10:3

Ẹdẹ ọkpa, vbe odẹ ihe ẹgogo eha vbe avan, rẹn keghi miẹn umian ne ọ na wa bẹghe odibo Osanobua ọkpa vbe ọ bu ẹre gha dee do tama rẹn wẹẹ, “Kọniliọs!”

Iwinna 11:5

“Jopa ọre I gha ye, ugbẹn vbe I ghi na erhunmwu, I keghi miẹn umian. I keghi miẹn emwi ọkpa ne ọ ye vbe ukpọn ne a taẹn, ne a de ẹre abọ enenẹ, a keghi mu ẹn tuorre ke odukhunmwu dee, ọ keghi mudia vbe odaro mwẹ.

Iwinna 12:8

Odibosa nii keghi kha wẹẹ, “Tua ugbẹkun ruẹn ne u vbe gbalọ ibata ruẹ.” Pita keghi ru vberriọ, odibosa nii keghi kha wẹẹ, “Mu agbada ẹwu ruẹ yọ ne u lele mwẹ.”

Iwinna 26:19

“Erriọ nọ o, Ọba Agripa, I ma fieghe uhunmwu ye ẹmwẹ umian ne ọ ke ẹrinmwi rre ne I miẹn na.

Iwinna 9:10

Ọrhuanegbe ọkpa ne a tie ẹre Ananaias keghi re Damaskọs ugbẹn vbe ọ ghi miẹn umian, Nọyaẹnmwa tama rẹ wẹẹ, “Ananaias!” Rẹn keghi wanniẹn wẹẹ, “Ghe mwẹ Nọyaẹnmwa.”

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.