Iwinna 12:7 - Edo Bible (E Baibol Ẹdo) Version 1996

⁷ Vbe udomwurri, odibo e Nọyaẹnmwa ọkpa keghi mudia vbe evba, uwanmwẹ keghi wan ladian vbe uwu eghan nii. Odibosa nii keghi rueghe Pita izabọ, ọ na huẹn ọnrẹn, ọ tama rẹn wẹẹ, “Zẹgiẹgiẹ! Kpaegbe!” vbe ọwarọkpa nii, eghan ni keghi kuọ kua vbe obọ ẹre.

Iwinna 12:7 ပူးပေါင်းရင်းမြစ်များ

II Samuẹl 22:29

Nọyaẹnmwa, wẹ ọrọre uwanmwẹ mwẹ, u zagha ebiebi mwẹ kua.

I Ọba 19:5

Ọ keghi lovbiẹ ye ototọ erhan nii, ovbe na rhie ẹre. Vbe udomwurri, odibo Osa keghi ya obọ kan rẹn, ọ wẹẹ, “Kpaegbe ne u rri evbare.”

I Ọba 19:7

Odibo e Nọyaẹnmwa kevbe werriegbe bu ẹre ukpogieva, ọ huẹn ọnrẹn ọ keghi tama rẹn wẹẹ, “Kpaegbe ne u rri evbare ne a ghẹ do miẹn wẹ ẹtin ruẹn ma sẹ okhian na.”

Psalm 107:14

Ọ viọ iran ke uwu akhiẹ kevbe ebiebi ladian, ọ keghi bunnọ ọgiọrọ iran hẹ kua.

Psalm 116:16

Ọguọmwadia ruẹ mẹ khin Nọyaẹnmwa, te imẹ ga uwẹ, zẹ vbene iye mwẹ vbe ru, wẹ miẹn mwa fan vbe obọ uwu nẹ.

Psalm 146:7

ọ bu ohiẹn ne ọmwa ne a zẹ kpokpo, ọ ghi gha rhie evbare ne ọmwa ne ohanmwẹ gbe. E Nọyaẹnmwa fannọ avbe oleghan kua.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Psalm 68:6

Ọ rhie owa ne ọmwa ne ọ rre uwu ohioro dia, ọ keghi vbe viọ iran ni rre ẹwẹdọ ladian, gha rriẹ oghọghọ ọmwa ne ẹ i rre imu. Sokpan, iran ni sọtẹ gha rre otọe ne ọ dihoi rua.

Aizaia 37:30

Ẹre Aizaia na tama Hẹzekaia ne ọba wẹẹ, “Ghe igiemwi emwi ne ọ gha sunu. Ukpo na kevbe ukpo ne ọ gha lele ẹe, avbe ọka ni de zọ ọ re uwa ra re, sokpan, vbe ukpo ne ọ ghi lele ẹe, wa gha sẹtin kọ ọka, wa ghi vbe rhọ ẹre, wa ghi vbe kọ azara, wa ghi vbe rri ọmọ ẹnrẹn.

Aizaia 60:1

Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Jerimaia 40:1

E Nebuzaradan ne arowa ivbiyokuo ghi fan mwẹ fua nẹ, vbe Rama, e Nọyaẹnmwa keghi gunmwẹ guan. Te a ya ọgiọrọ rro mwẹ mu gha rrie evba deba avbe emwa nekpa ne ivbi e Jerusalẹm kevbe Juda ne a viọ ẹre oghunmwu rrie Babilọn.

Ezikiẹl 43:2

I keghi ya bẹghe uwanmwẹ ne wainwain ne a ya rẹn ighe Osanobua Izrẹl rre evba vbe ọ ke odẹ ahọ dee. Urhu e Nọyaẹnmwa keghi ye vbe uvannọmwẹ okun, uwanmwẹ ne wainwain nii keghi wan mu otọ hia.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.

Habakọk 3:11

Ugbẹn vbe ifẹnmwẹ ruẹn tin khian ọ filo usanna kua, deba umozo ruẹ ne ọ de wainwain, uki kevbe owẹn keghi mudia hiii.

Habakọk 3:4

Ọ dee ke ẹe kevbe awanwan ayan, ayan yan ladian vbe obọ ẹre, evba nii ọrọre ehe ne a rhie ẹtin ẹnrẹn lẹre yi.

Matiu 2:13

Ugbẹn vbe iran ghi kpao vbe evba nẹ, odibo e Nọyaẹnmwa keghi rhiegbe ma e Josẹf vbe imina, ọ tama rẹn wẹẹ, “Kpaegbe, mu ọmọ ni kevbe iye ẹe lẹ gha rrie Igipt, di evba ya I te do tama ruẹn ne ukpa vba. Hẹrọd gha gualọ ọmọ na ne irẹn gbe ẹe rua.”

Iyẹn ne ọ Maan Ọghe Luk 2:9

Odibosa e Nọyaẹnmwa rhie egbe ma iran, awanwan Nọyaẹnmwa keghi wan lẹga iran, ohan keghi mu iran ẹsẹse.

Iyẹn ne ọ Maan Ọghe Luk 24:4

Ugbẹn vbe iran ghi mudia, vbe iran ma rẹn vbene emwi rhọkpa ghi ye hẹ, udomwurri, ikpia eva ni yọ ẹwu ni fi wain wain keghi do mudia ke iran.

Iwinna 10:30

Kọniliọs keghi kha wẹẹ, “Odẹ ẹghẹ vbe nian vbe nẹghẹdia, I kegha na erhunmwu vbe uwu owa mwẹ, vbe ẹghẹ ẹgogo eha ọghe avan. Vbe udomwurri, orhiọnkpa ne ọ ya ukpọn nọ fi wain wain mu egbe, keghi mudia ye odaro mwẹ,

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

Iwinna 12:6

Asọn ne ọ lele ẹdẹ ne Hẹrọd te ra rhie Pita gie avbe emwa, Pita kegha vbiẹ vbe adesẹneva ivbiyokuo eva. A keghi ya eghan eva rro ẹre, emwa eso keghi vbe gha khẹ odẹ vbe onurho ẹwẹdọ nii.

Iwinna 12:8

Odibosa nii keghi kha wẹẹ, “Tua ugbẹkun ruẹn ne u vbe gbalọ ibata ruẹ.” Pita keghi ru vberriọ, odibosa nii keghi kha wẹẹ, “Mu agbada ẹwu ruẹ yọ ne u lele mwẹ.”

Iwinna 16:26

Vbe udomwurri, igbohiotọ nọkhua keghi sunu, ọ keghi mu ẹwẹdọ ni rueghe ya sẹ ẹyotọ. Ọwarọkpa nii, urho hia keghi kie ye otọ, eghan keghi kharha kua hin egbe avbe oleghan rre.

Iwinna 2:24

Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.

Iwinna 5:19

Sokpan vbe asọn nii, odibo e Nọyaẹnmwa keghi kie urho ẹwẹdọ nii, ọ viọ avbe ukọ ladian, ọ keghi tama iran wẹẹ,

Iwinna 9:3

Vbene ọ wa rrie Damaskọs nii, ugbẹn vbe ọ ghi sikẹ ore ẹvbo nẹ, uwanmwẹ ne ọ ke odukhunmwu re keghi wa wan lẹga ẹre vbe udomwurri.

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Arhie Maan 18:1

Vbe iyeke ọnọna, I keghi vbe ya bẹghe odibosa ọvbehe vbe ọ tuorre ke ẹrinmwi dee. Ọ kegha mwẹ asẹ nọkhua, awanwan rẹn keghi gba otọ agbọn hia.