Iwinna 12:6 - Edo Bible (E Baibol Ẹdo) Version 1996

⁶ Asọn ne ọ lele ẹdẹ ne Hẹrọd te ra rhie Pita gie avbe emwa, Pita kegha vbiẹ vbe adesẹneva ivbiyokuo eva. A keghi ya eghan eva rro ẹre, emwa eso keghi vbe gha khẹ odẹ vbe onurho ẹwẹdọ nii.

Iwinna 12:6 ပူးပေါင်းရင်းမြစ်များ

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

Psalm 4:8

I gha lovbiẹ, I ghi vbiẹ ua vbe ọfumwegbe wẹ ọkpa kẹkan, Nọyaẹnmwa, ọre ọ rhie mwẹ lẹre vbe ne a i na mwẹ ẹbe.

Jerimaia 40:1

E Nebuzaradan ne arowa ivbiyokuo ghi fan mwẹ fua nẹ, vbe Rama, e Nọyaẹnmwa keghi gunmwẹ guan. Te a ya ọgiọrọ rro mwẹ mu gha rrie evba deba avbe emwa nekpa ne ivbi e Jerusalẹm kevbe Juda ne a viọ ẹre oghunmwu rrie Babilọn.

Jerimaia 40:4

Banbanna nian, I ra rhan ọgiọrọ hin ruẹn urhu abọ rre ne I fan an fua. A deghẹ u ho ne u lele mwẹ gha rrie Babilọn, u sẹtin ru vberriọ, I gha gbearoghe ruẹ. Sokpan, a deghẹ u i ho ne u gha khian, ai ra vbe gba ru ẹe. Otọe ẹvbo na hia rre evba ne u gha na zẹ, u sẹtin gha rrie ehe ne ọ yẹ ruẹ.”

Matiu 28:4

Iran ni khẹ odẹ keghi runran, iran kegha guọ zẹzẹzẹ, iran keghi ye vbe emwa ni wulo.

Iwinna 12:5

Iran keghi rhunmwuda ọnii khui e Pita ye uwu ẹwẹdọ sokpan ivbi e esọsi keghi wa kakabọ gha na erhunmwu ghe Osanobua nẹẹn.

Iwinna 21:33

Ọkaokuo keghi bu e Pọl gha khian, ọ mu ẹn, ọ na wẹ ne a guọ eghan eva ye ọre obọ. Ọ keghi nọ iran wẹ, “Vbe okpia na ke rre yi? Vbe ọ ru?”

Iwinna 28:20

Ọnii ọ siẹe ne I na wẹ I ho ne I miẹn uwa ne I vbe gu uwa guan, rhunmwuda wẹ, rhunmwuda omwa ne Izrẹl la ekpa re mwẹ idaehọ, ọre a na guọ eghan na yọ mwẹ obọ.”

Iwinna 5:23

“Ma sẹ ẹwẹdọ ni, ma do vba ighẹ a khui urho ẹre hia, iran ni khẹ odẹ keghi vbe mudia ye dọmwadẹ onurho, sokpan ma ghi kie urho nian, ma ma miẹn ọmwarhọkpa vbe uwu ẹre!”

Ẹfisọs 6:20

Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

Diuteronomi 32:26

Te I gha te fuẹn iran an fẹẹrẹ, ne a ghẹ ghi ye iran rre ọvbehe.

II Timoti 1:16

Nọyaẹnmwa ne ọ tohan igiowa Onisiforọs, rhunmwuda, ẹghẹ hia ọre ọ do ya gha mu mwẹ aro ze. Ekhue eghan ni ye ma mu ẹn.

Hibru 13:6

Rhunmwuda ọnii, wa gie ima din ne a kha wẹẹ, “Nọyaẹnmwa ọrọre ne ọ yọ mwẹ obọ, ohan ighi mu mwẹ. De emwi ne ọmwa gha sẹtin ru mwẹ re?”