Iwinna 12:4 - Edo Bible (E Baibol Ẹdo) Version 1996

⁴ Iran ghi mu Pita nẹ, iran keghi mu ẹn fi uwu ẹwẹdọ, iran keghi zẹ oka enẹ ọghe ivbiyokuo, arhin enenẹ kevbe rre oka ọkpọkpa. Hẹrọd keghi te mwamwaẹn wẹ emwiukpo Alagberra ghẹ ghi fo nẹ, rẹn ghi do muẹn bu avbe Ju.

Iwinna 12:4 ပူးပေါင်းရင်းမြစ်များ

Ẹsta 3:13

Iran keghi viọ ne emwa ni rhulẹ, ne iran viọ ẹre gba iyaẹvbo ni rre otọe arriọba nii hia. Emwi ne a gbẹn yọ ọrọre wẹ, a rhie ẹdẹ ọkpa ye otọ, ọnii nọ wẹ ikpẹdẹ ne ogiwera ọghe Ada, a ghi gbele avbe Ju hia kevbe ọmaẹn kevbe ẹghele, ikpia kevbe ikhuo, a wẹ ne a gbele iran an, vbe ne a i na vbe tohan ọmwa, wa ghi vbe viọ emwi iran hia.

Ẹksọdọs 12:1

E Nọyaẹnmwa keghi tama e Mosis kevbe Errọn vbe otọ Igipt wẹẹ,

Itan 19:21

Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.

Itan 27:1

Ghẹ rhuọ khẹ ẹdẹ nakhuẹ; wẹ ma rẹn emwi ne ọ gha sunu ke ẹghẹ na kpao ya sẹ ẹghẹ nii.

Eve Orriara 3:37

Iho e Nọyaẹnmwa ọkpa, ọ re a ru vbe ẹghẹ hia.

Matiu 24:9

“A gha vbe munọ uwa, a ghi vbe viọ uwa gie emwa ni gha rri uwa oya. Emwa hia ghi gha khuiwu uwa ba ẹmwẹ mwẹ.

Matiu 26:5

Iran wẹẹ, “Ọ ma kei ne a ruẹe vbe uwu emwiukpo na ne otutu ghẹ ya tu.”

Iyẹn ne ọ Maan Ọghe Mak 14:1

Ikpẹdẹ eha ọre ọ ghi kẹe ne a suẹn Emwiukpo Alagberra kevbe Eka Ne ọ ma hue. Avbe igie ohẹn kevbe avbe iran ni ma emwa Uhi kegha gualọ vbene iran gha ya do mu Jesu hẹ ne iran gbe ẹe rua.

Iyẹn ne ọ Maan Ọghe Luk 21:12

Sokpan, vbe avbe emwi na te do gha sunu, iran gha munọ uwa, iran ghi gha zẹ uwa kpokpo, iran ghi silo uwa gha rrie Ọgua ediọn ne a ya gu uwa gui, a ghi filo uwa ku eghan, a ghi silo uwa gie avbe ọba kevbe irriegie rhunmwuda mwẹ.

Iyẹn ne ọ Maan Ọghe Luk 22:33

Pita wanniẹn wẹẹ, “Nọyaẹnmwa, mẹ mu egbe ne I ya lele uẹ la eghan ra ne I wu lele uẹ.”

Iyẹn ne ọ Maan Ọghe Jọn 19:23

Avbe ivbiyokuo ghi kan Jesu mu ugbugbe nẹ, iran viọ ukpọn rẹn, iran ke ghae ẹre ye ihe enẹ ọkpọkpa ne ivbiyokuo ọkpọkpa. Iran keghi vbe mu ẹwu ẹre ne a do ke otọ ya sẹ ukhunmwu vbe ne ẹ i na mwẹ ehe ne a na dọlọ ẹe kugbe.

Iyẹn ne ọ Maan Ọghe Jọn 21:18

Ne I te ẹmwata ma ruẹn, ẹghẹ ne u na gha rre igbama, wẹ ọre ọ te tobọ ruẹ rhie ugbẹkun gba, u ghi gha rrie ehe ne ọ khọn ruẹn. Sokpan, u gha ghi khian ọmaẹn nẹ, u ghi nien obọ ruẹ ladian, ọmwa ọvbehe ghi gba ẹe, ọ ghi siọ gha rrie ehe ne ọ ma te khọn ruẹn.”

Iwinna 12:3

Ọ ghi miẹn ighẹ emwi na rhiẹnrhiẹn avbe ju, ọ na vbe ya mu Pita. (Ẹghẹ Emwiukpo ebrẹd Ne ọ ma hue ọre emwi na na sunu.)

Iwinna 12:5

Iran keghi rhunmwuda ọnii khui e Pita ye uwu ẹwẹdọ sokpan ivbi e esọsi keghi wa kakabọ gha na erhunmwu ghe Osanobua nẹẹn.

Iwinna 4:28

Iran si egbe koko, ne iran ru avbe emwi ni ne uwẹ ya ẹtin ruẹn kevbe iho ọwuẹ ta ye otọ nẹ wẹẹ, ọ gha sunu.

Iwinna 4:3

Rhunmwuda ọnii, iran mu nọ iran, iran keghi khui iran ye ẹwẹdọ vbe ẹdẹ te ya gbe, rhunmwuda ẹdẹ khian nẹ.

Iwinna 5:18

Iran keghi munọ avbe ukọ, iran keghi khui iran ye ẹwẹdọ.

Iwinna 8:3

Sokpan e Sọl kegha hia ne ọ wa fuẹn esọsi rua fẹẹrẹ, ọ na gha ke owa ọkpa la ọvbehe, ọ na gha munọ emwa ni yayi hia ikpia kevbe ikhuo, ọ na gha hẹ iran ku ẹwẹdọ.