Iwinna 12:20 - Edo Bible (E Baibol Ẹdo) Version 1996

²⁰ Ohu emwa Saidọn kevbe Taia keghi gha mu Hẹrọd, iran keghi si egbe koko ya miẹn ọẹn. Iran keghi ka de Blastọs ne ọka ẹguae ba egbe. Iran keghi bu Hẹrọd gha khian ya rinmwian ne ọ mu ẹzọ fua rhunmwuda, ẹvbo Ọba na ọre a ke hẹ evbare ne avbe ẹvbo na re rre.

Iwinna 12:20 ပူးပေါင်းရင်းမြစ်များ

Gẹnẹsis 10:15

Kenan kegha re erha Saidọn ne ovbi ẹre nokpia nọdiọn, Hẹt ọrọre erha odede iran ne a hẹ ẹre eni gie iran.

Gẹnẹsis 10:19

Odẹ Gera ya sẹ Gaza gha rrie odẹ Sọdom, Gomorra, Adma kevbe Zẹboim yasẹ Lasa.

II Krọnikol 2:10

Zẹ vbe evbare ne emwa ruẹn gha re, I gha viọ etọni ọka arriaisẹn iyisẹn (100,000) guẹ kevbe etọni ọka irhuarhua arriaisẹn iyisẹn (100,000), egalọn ayọn igbe yan iyisẹn (110) kevbe egalọn ofigbọn igbe yan iyisẹn (1,100).”

II Krọnikol 2:15

Rhunmwuda ọnii nian, viọ nene avbe ọka, ọka irhuarhua, ayọn, kevbe ofigbọn oliv ne u kha re rre.

Ẹzra 3:7

Emwa nii keghi zẹ igho ne a ha ne iran ni ya okuta bọ owa kevbe avbe owinna, iran keghi vbe ni evbare kevbe ayọn kevbe ofigbọn oliv, ne a viọ gha rrie Taia kevbe vbe Saidọn, ne a ya dẹlẹ erhan vbe ẹgbo e Lebanọn, kevbe ne a vbe guae la okun gha rrie Jopa. E Sairọs ne ọgbaisi ọghe Pẹsia kue yọ nẹ, a kegha ru avbe emwi na hia.

Itan 17:14

Omuhẹn imuanmwẹ, te ọ yevbe ehe ne ekẹn ne a gbe khiọ orogho amẹ na ha uvun, zẹgiẹgiẹ ran rẹn ọ te fannọ uan.

Itan 20:18

U gha miẹn ne ọ bu ruẹ ude esi, ọ gha dunna nuẹn; ghẹ wa khọn la uwu okuo vbene u i na ka mwamwaẹn nẹ.

Itan 25:8

Ghẹ gha rhulẹ yo iko ba ẹmwẹ emwi ne arọ ruẹ sẹe. Adeghẹ osẹe ọvbehe ghi do rhan otọ ẹre, a na ghi do miẹn wẹ ohoghe ọ re u ta vbo, vbua ghi ra ru hẹ?

Asan-Ibo 10:4

Adeghẹ ọmwa ne ọ khaemwisẹ yan ruẹn mu ohu ruẹ, ghẹ wa gbẹn ebe I i ghi winna mu gie ẹe. A sẹtin wa ye abakuru nọkhua bọ ọmwa adeghẹ ọ ma balegbe.

Ezikiẹl 27:17

E Juda kevbe Izrẹl ya ọka, owọn, ofigbọn oliv kevbe oziza ha osa ye emwi ne iran gu uẹ dẹlẹ.

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Iwinna 12:21

Vbe ẹdẹ ne iran mwamwaẹn yi, e Hẹrọd keghi hẹ ukpọn ọba ẹre ye egbe, ọ keghi tota ye ẹkete ẹre, ọ na ke evba gha gu emwa rẹn guan.

Iwinna 21:3

Ma keghi do sẹ ehe ne ima ke gha bẹghe Saiprọs, ma keghi gua okọ ghe efẹn ne ogienẹ vbọ ghe Siria. Ma keghi tuorre vbe Taia, ehe ne okọ na gha fannọ ihẹ ye otọ.

Iwinna 21:7

Ma keghi deyan okhian ma na gua ke Taia gha rrie Pitolemais ehe ne ima na ya van tuẹ avbe etẹn, a keghi vbe gu iran gbe ikpẹdẹ ọkpa.

Jọsua 19:29

Uwu keghi laghe odẹ Rama, ọ keghi ya sẹ Taia ne ẹvbo ne a gbe ekẹn gaa, ọ na ghi laghe odẹ Hosa, ọ na ya fo ye Okun Meditẹrrenian. Usun avbe ẹvbo ni rrọọ kegha re: Mabalab, Akzib.