Iwinna 12:12 - Edo Bible (E Baibol Ẹdo) Version 1996

¹² Rẹn ghi ghe vbene emwi hia ye hẹ. ọ kegha rrie owa Meri ne iye Jọn Mak, Emwa ni bun keghi si koko ye evba gha na erhunmwu.

Iwinna 12:12 ပူးပေါင်းရင်းမြစ်များ

Aizaia 65:24

Iran te na erhunmwu fo, erhunmwu iran mẹ họn nẹ.

Iwinna 12:25

Banabas kevbe Sọl ghi winna iwinna ne a gie iran ẹre fo nẹ, iran keghi werriegbe ke Jerusalẹm gha dee, iran keghi rhie Jọn Mak ba egbe gha dee.

Iwinna 12:5

Iran keghi rhunmwuda ọnii khui e Pita ye uwu ẹwẹdọ sokpan ivbi e esọsi keghi wa kakabọ gha na erhunmwu ghe Osanobua nẹẹn.

Iwinna 13:13

Pọl ke ẹe kevbe otu ẹre keghi gua okọ ke Pafọs gha die Pẹga ne ọ rre Pamfilia, sokpan Jọn Mak keghi sẹ iran rae vbe evba, ọ na gha rrie Jerusalẹm.

Iwinna 13:5

Iran ghi sẹ Salamis, iran kpe orhu ẹmwẹ Osanobua vbe Ọgua ediọn avbe Ju, iran keghi rhie Jọn mwẹ obọ ne ọ gha ru iyobọ ne iran vbe iwinna.

Iwinna 16:40

Pọl kevbe Sailas, keghi ke uwu ẹwẹdọ ladian, iran na gha rrie owa Lidia. Iran keghi do vba avbe etẹn vbe evba, iran ghi rhie igiẹdu ne iran ne iran nẹ, iran na kpao.

Iwinna 4:23

Iran ghi fannọ iran kua nẹ, Pita kevbe Jọn keghi bu ihua iran, iran keghi na iyẹn ma iran vbene avbe igie ohẹn kevba avbe ediọn kha hẹ.

Kọlose 4:10

Aristakọs, ọmwa ne ọ gun mwẹ rre eghan, ke ẹe kevbe Mak ne ọtẹn Banabas wẹ uwa do. (A ka tama uwa nẹ wẹ ne uwa rhan obọ miẹn rẹn vbe ọ gha rrie ehe ne uwa ye.)

II Timoti 4:11

E Luk ọkpa ma ghi gba rre emwa. Tie Mak ne u rhie ẹre ba egbe gha dee rhunmwuda, ọ gha sẹtin yo mwẹ obọ vbe iwinna na.

Failimọn 1:24

Erriọ vbe nọ, ihomwa ne ima gba winna ighẹ avbe Mak, Aristakọs, e Demas kevbe Luk vbe wẹ uwa do.

I Pita 5:13

Esọsi ne ogieva uwa ne ọ rre Babilọn, ne Osanobua vbe tobọ ẹre hannọ zẹ, wẹ uwa do, erriọ zẹẹ vbe nọ ighẹ Mak ne ovbi mwẹ.