Iwinna 12:10 - Edo Bible (E Baibol Ẹdo) Version 1996

¹⁰ Iran keghi gberra ehe ne iran ni khẹ odẹ ne okaro kevbe ne ogieva ye, iran keghi do sẹ onurho ematọn ne a bi la adesẹ ore. Ẹkhu ni keghi tobọ ẹre kie ye otọ ne iran, iran keghi ladian. Iran ghi khian la uwu idunmwu ọkpa, odibo Osa ni keghi wa sẹ Pita rae vbe udomwurri.

Iwinna 12:10 ပူးပေါင်းရင်းမြစ်များ

Gẹnẹsis 40:3

Ọ na rhunmwuda ọnii hẹ iran ku ẹwẹdọ ne ọ rre uwu owa ọkaolotu avbe abodẹ, vbe ehe ọkpa ni ne a mu e Josẹf khui yi.

Gẹnẹsis 42:17

Ọ ghi guan vberriọ nẹ, ọ keghi khui iran ye uwu ẹwẹdọ la ikpẹdẹ eha.

Aizaia 21:8

Odibo ne ọ bodẹ nii keghi kha wẹẹ, “Te I wa khẹ odẹ vbe ehe ne I ye ke ẹghẹ nii gha dee, asọn kevbe avan.”

Nọmbas 15:34

Iran na rhie ẹre ne ọmwa da yi rhunmwuda iran ma he rẹn vbe ne iran gha ru ẹe hẹ.

Iyẹn ne ọ Maan Ọghe Jọn 20:19

Vbe Ẹdẹ Uzọla nii, vbe ebiebi ghi so buan nẹ vbe ota, avbe erhuanegbe khui urho ke egbe yi ye ihọkpa rhunmwuda ohan avbe Ju mu iran. Jesu rre, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 20:26

Uzọla ọkpa ghi gberra nẹ, avbe erhuanegbe vbe si egbe koko ye uwowa ọkpa, Tọmọs keghi gu iran rre evba. Te a khui urho, sokpan Jesu la owa, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iwinna 12:4

Iran ghi mu Pita nẹ, iran keghi mu ẹn fi uwu ẹwẹdọ, iran keghi zẹ oka enẹ ọghe ivbiyokuo, arhin enenẹ kevbe rre oka ọkpọkpa. Hẹrọd keghi te mwamwaẹn wẹ emwiukpo Alagberra ghẹ ghi fo nẹ, rẹn ghi do muẹn bu avbe Ju.

Iwinna 16:26

Vbe udomwurri, igbohiotọ nọkhua keghi sunu, ọ keghi mu ẹwẹdọ ni rueghe ya sẹ ẹyotọ. Ọwarọkpa nii, urho hia keghi kie ye otọ, eghan keghi kharha kua hin egbe avbe oleghan rre.

Iwinna 5:19

Sokpan vbe asọn nii, odibo e Nọyaẹnmwa keghi kie urho ẹwẹdọ nii, ọ viọ avbe ukọ ladian, ọ keghi tama iran wẹẹ,

Arhie Maan 3:7

“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.