Iwinna 11:8 - Edo Bible (E Baibol Ẹdo) Version 1996

⁸ Sokpan mẹ keghi kha wẹẹ, ‘Hiehiere, Nọyaẹnmwa emwi awua kevbe ne ọ ma huan ma he la mwẹ unu ẹdẹ.’

Iwinna 11:8 ပူးပေါင်းရင်းမြစ်များ

Hozia 9:3

Ivbi Izrẹl i ra vbe gha rre otọe e Nọyaẹnmwa, sokpan, te iran ra werriegbe gha rrie Igipt, iran ghi vbe ya gha rri evbare awua vbe Asiria.

Levitikọs 10:10

Wa ghi gha rẹn emwi ne ọ re ọghe Nọyaẹnmwa hin ne ọ re ne agbọn hia lo rre, kevbe emwi ne awua gue kevbe nẹ i gue.

Levitikọs 11:47

Wa ghẹ mianmian ne a gha rẹn alughaẹn ne ọ rre emwi ne awua ye kevbe nẹ i ye, aranmwẹ ne ọ kere ne a gha re kevbe ne ọ ma ke ne a gha re.

Iyẹn ne ọ Maan Ọghe Mak 7:2

Iran miẹn wẹ eso vbe uwu avbe erhuanegbe ye obọ “Ne ọ ma huan” rri evbare, ọ ni nọ wẹ iran ma lele ọbakpe obọ zẹ vbe ne avbe Farisi mwamwa ẹn na gha ruẹ. (

Iwinna 11:7

I keghi họn vbe urhu ọkpa tama mwẹ wẹ, ‘kpaegbe, gbe ne u gha re.’

Iwinna 11:9

Urhu nii keghi dọlegbe guan ke ẹrinmwi rre wẹẹ, ‘Emwi ne Osanobua tie ẹre ne ọ huanrẹn nẹ, ghẹ ghi kae ye ne ọ ma huan.’

Ebe ne Pọl gbẹẹn gie emwa Rom 14:14

Akugbe ne I mwẹ ba Kristi, rhie ma mwẹ vbe ne aro na da ẹe wẹẹ emwi ọkpa i rrọọ ne ọ wa tobọ ẹre re ne ọ ma huan, sokpan deghẹ ọmwaikọmwa na ghi ka emwi ọkpa ye ne ọ ma huan nẹ, emwi ni khian ne ọ ma huan ne irẹn.

I Kọrinti 7:14

Rhunmwuda ọdọ ne ọ ma yayi ni ghi do gha re ne Osanobua rhan obọ miẹn rhunmwuda ne a na ku ẹe kugbe ba amwẹ ọnrẹn, amwẹ ne ọ ma yayi ni ghi vbe do gha re ne Osanobua sẹtin rhan obọ miẹn rhunmwuda ne a na ku ẹe gbe ba ọdọ ne ọ yayi. Akpawẹ ẹ i ye vberriọ, te ivbi iran ghẹ gha ye vbe ivbi e ne ọ ma yayi, sokpan vbene ọ ghi ye na, iran khian ne Osanobua sẹtin rhan obọ miẹn.