Iwinna 11:5 - Edo Bible (E Baibol Ẹdo) Version 1996

⁵ “Jopa ọre I gha ye, ugbẹn vbe I ghi na erhunmwu, I keghi miẹn umian. I keghi miẹn emwi ọkpa ne ọ ye vbe ukpọn ne a taẹn, ne a de ẹre abọ enenẹ, a keghi mu ẹn tuorre ke odukhunmwu dee, ọ keghi mudia vbe odaro mwẹ.

Iwinna 11:5 ပူးပေါင်းရင်းမြစ်များ

Ezikiẹl 2:9

I keghi miẹn obọ ne a niẹn da mwẹ, ọ keghi vbe da ebe ohian yi.

Emọs 8:2

E Nọyaẹnmwa keghi nọọn wẹẹ, “Emọs, de emwi ne u bẹghe yi?” Mẹ keghi wanniẹn wẹẹ, “Okhuae ọmọ erhan.” E Nọyaẹnmwa keghi kha wẹẹ, “Ufomwẹ Izrẹl ne emwa mwẹ rre nẹ. Mẹ i ghi dọlegbe fi ekhọe werriẹ vbe ekpa oya ne I gha rri iran re.

Iwinna 22:17

“I keghi dọlegbe gha rrie Jerusalẹm, ugbẹn vbe I ghi na erhunmwu vbe uwu Ọgua Osa, I keghi miẹn umian.

Iwinna 9:10

Ọrhuanegbe ọkpa ne a tie ẹre Ananaias keghi re Damaskọs ugbẹn vbe ọ ghi miẹn umian, Nọyaẹnmwa tama rẹ wẹẹ, “Ananaias!” Rẹn keghi wanniẹn wẹẹ, “Ghe mwẹ Nọyaẹnmwa.”

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Iwinna 9:38

Jopa ma rrei gbe vbe Lida. Avbe erhuanegbe ni rre Jopa ghi họn ighẹ Pita rre Lida, iran keghi gie arhunmwu eva bu ẹre wẹẹ, “Zẹgiẹ bu ima gha dee.”

Iwinna 9:42

Emwi na keghi wa gbigbi la Jopa hia, emwa ni bun keghi ya Nọyaẹnmwa yi.