Iwinna 11:29 - Edo Bible (E Baibol Ẹdo) Version 1996

²⁹ Avbe erhuanegbe keghi ta ẹe wẹ dọmwadẹ ọghọe vbe uwu iran gha rhie vbene obọ ẹre sẹe ya ru iyobọ gie etẹn iran ni rre Judia.

Iwinna 11:29 ပူးပေါင်းရင်းမြစ်များ

Ẹzra 2:69

Iran keghi zẹ ọhẹ ne obọ iran gbare hia ye iwinna na, ehia kegha re uwan igoru ọgban yan arria isẹn (1,030) uwan esiliva arria isẹn deba iyeva yan iyisẹn ihinrọn (5,740) kevbe avbe ohẹn iyisẹn (100).

Nehimaia 5:8

I tama iran wẹẹ, “Te ima hia vbene ẹtin mwa sẹe, ne a ya gha dẹlẹ iran werriegbe ighẹ avbe Ju ni khiẹnnẹ egbe iran eviẹn ne avbe orhunmwuyẹn, wanwanna nian, te uwa ghi sua avbe etẹn uwa ne iran gha khiẹnnẹ egbe iran ne uwa ne Ju ne ihua iran.” Avbe ọkaolotu nii keghi hunwan kpọi, iran ma miẹn ẹmwẹ ta.

Matiu 25:17

Erriọ zẹẹ, ne a mu enaira arriaisẹn eva na, keghi vbe miẹn enaira arriaisẹn eva vbe ere.

Iyẹn ne ọ Maan Ọghe Jọn 2:2

Iran keghi vbe tie Jesu kevbe avbe erhuanegbe ẹre ye nene irhiọha.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 11:1

Avbe Apọsol kevbe etẹn ni rre otọ Judia hia keghi họn ighẹ avbe iran ne ẹ i re Ju vbe rhan obọ miẹn ẹmwẹ Osanobua.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 13:52

Avbe erhuanegbe ni rre Antiọk keghi vuọn ne oghọghọ kevbe Orhiọn Ne ọ Huanrẹn.

Iwinna 14:20

Sokpan ivbi iyayi ghi do lẹga ẹre, ọ keghi guakpao, ọ na werriegbe gha rrie ore ẹvbo. Ikpẹdẹ ne ọ lele ẹe, rẹn vbe Banabas keghi gba gha rrie Dẹbi.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Iwinna 24:17

“Ọ ghi rre omwa ukpo eso ne I ghi kpa vbe Jerusalẹm rre, I keghi vbe dọlegbe gha khian ne I rhie igho eso gie emwa mwẹ, kevbe ne I vbe ya zọ ese.

Iwinna 4:34

A ma vbe miẹn arhiọnkpa ne ọ rre ivbabọ vbe uwu iran. Iran ni mwẹ owa kevbe ni mwẹ ugbo keghi ya gha viọ khiẹn.

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 9:19

Ọ ghi rri evbare nẹ, orhiọn keghi do la ẹre iwu. Sọl keghi gu avbe erhuanegbe tota vbe evba la ikpẹdẹ eso vbe Damaskọs.

Iwinna 9:25

Sokpan ọ ghi sẹ asọn ọkpa, iran ni lele Sọl khian keghi muẹn ye okhuae, iran na muẹn la uvun ekẹn ladian.

I Kọrinti 13:5

Aho ẹmwẹ ọmwa ẹ i yin uyinmwẹ ọrhiae, emwi i da ẹe, egbe i kan ẹn, aho ẹmwẹ ọmwa i vin ọgbọ emwi abakuru.

Galatia 2:10

Emwi ọkpa ne iran ghi kha ọrọre wẹ, ne ima gha ye avbe emwa ne ẹ i mwẹ ni rre ehe ne iran ye rre, mẹ ka tobọ mwẹ mu aro yọ nẹ ne I ru ọnọna.