Iwinna 11:28 - Edo Bible (E Baibol Ẹdo) Version 1996

²⁸ Ọkpa vbe uwu iran, ne a tie eni ẹnrẹn Agabus keghi kpaegbe, ọ keghi ya ẹtin Orhiọn ta ẹe ye otọ ighẹ ukhunmwu nọkhua ra do fi la otọ agbọn hia. (Emwi na gele sunu vbe ẹghẹ ne Klọdiọs na gha re Nọgbaisi.)

Iwinna 11:28 ပူးပေါင်းရင်းမြစ်များ

Gẹnẹsis 41:38

Ọ keghi khama iran wẹẹ, “De ehe ne a gha na miẹn ọmwa ọvbehe nẹ ọ maa sẹẹ Josẹf ne ọ mwẹ orhiọn Osanobua.”

Matiu 24:14

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Matiu 24:7

Ẹvbo na gha mu okuo gie nọkpa, otọ arriọba na ghi mu okuo gie nọkpa. Ukhumwu kevbe igbohiotọ ghi gha rre ehe hia.

Iyẹn ne ọ Maan Ọghe Luk 2:1

Ẹghẹ nii, Ọgbaisi Ọgọstọs keghi yi iyi wẹ ne emwa ni rre otọe irẹn hia ya gbẹnnẹ eni ye otọ vbene a ra ya ka ẹvbo.

Iyẹn ne ọ Maan Ọghe Luk 3:1

Ọ ghi rre ukpo ekesugie ne Ọgbaisi Taibirọs la ẹkete. Pọntiọs Pailet kegha re ne ọ khaemwisẹ vbe Judia Hẹrọd kegha re enogie vbe Galili, ọtiọnrẹn ighẹ Filip kegha gbe aro ghe isoko Ituria kevbe Trakonitis, Lisanias kegha gbe aro ghe otọ Abileni.

Iwinna 18:2

Ọ keghi do vba e Ju ọkpa vbe evba, a keghi tie eni ẹnrẹn Akuila, Pọntus ọre a na biẹ ọe, ọ ma he kpẹe ne irẹn vbe Priskila ne amwẹ ọnrẹn gba ke Itali gha dee, rhunmwuda ighẹ Klọdiọs ne Ọgbaisi wẹ ne ivbi e Ju hia kpao vbe Rom rre. Pọl keghi ya tuẹ iran.

Iwinna 21:10

Ọ ghi rre omwa ẹdẹ eso ne ima sẹ evba, akhasẹ ọkpa ne a tie eni ẹnrẹn Agabus keghi ke Judia rre.