Iwinna 11:26 - Edo Bible (E Baibol Ẹdo) Version 1996

²⁶ Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 11:26 ပူးပေါင်းရင်းမြစ်များ

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Iyẹn ne ọ Maan Ọghe Jọn 2:2

Iran keghi vbe tie Jesu kevbe avbe erhuanegbe ẹre ye nene irhiọha.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 11:20

Sokpan ivbi iyayi eso ni ke Saiprọs kevbe Sairin rre kegha rrie Antiọk, iran keghi vbe ya kpe orhu ma emwa eso ne ẹ i re Ju, iran kegha ta ẹmwẹ Iyẹn Ne ọ maa ọghe Nọyaẹnmwa Jesu ma iran.

Iwinna 11:22

Ogbigbi ẹmwẹ na keghi ya gha vba esọsi ne ọ rre Jerusalẹm. Iran keghi rhunmwuda ọnii gie Banabas gha rrie Antiọk.

Iwinna 11:27

Ẹghẹ nii avbe akhasẹ eso keghi ke Jerusalẹm gha rrie Antiọk.

Iwinna 11:29

Avbe erhuanegbe keghi ta ẹe wẹ dọmwadẹ ọghọe vbe uwu iran gha rhie vbene obọ ẹre sẹe ya ru iyobọ gie etẹn iran ni rre Judia.

Iwinna 14:20

Sokpan ivbi iyayi ghi do lẹga ẹre, ọ keghi guakpao, ọ na werriegbe gha rrie ore ẹvbo. Ikpẹdẹ ne ọ lele ẹe, rẹn vbe Banabas keghi gba gha rrie Dẹbi.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Iwinna 14:23

Iran keghi mannọ ọdiọn lele dọmwadẹ esọsi ne iran. Iran keghi ye aguẹ kevbe erhunmwu rhie iran yan Nọyaẹnmwa ne iran mu ẹtin yan obọ.

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Iwinna 14:28

Iran keghi gu ivbi iyayi tota kpẹe vbe evba ẹsẹse.

Iwinna 18:27

Apọlọs keghi wẹ rẹn rrie Gris, rhunmwuda ọnii, emwa niyayi ni rre Ẹfisọs keghi ye ọre obọ vbekpa ne iran na gbẹn ebe gie etẹn iran ni rre Gris wẹ ne iran miẹn rẹn yi vbe odọ ni. Ugbẹn vbe irẹn ghi rre, ọ kegha re emwi iyobọ nọkhua ne iran hia ni la ekpa ẹsọhẹ Osanobua khian eniyayi.

Iwinna 19:9

Sokpan eso vbe uwu iran keghi ze utun vbe ehọ, iran ma yayi, iran kegha filo unu gie Odẹ ọghe Nọyaẹnmwa sirra emwa nii hia. Pọl keghi rhunmwuda ọnii sẹ iran rae, ọna viọ avbe erhuanegbe nii, ọ kegha ma emwa emwi ẹdẹgbegbe vbe owa iruẹmwi ọghe Tiranọs.

Iwinna 20:1

Ugbẹn vbe owogho ghi dọyọ nẹ, Pọl keghi tie ivbi iyayi, ọ keghi ya ẹmwẹ igiẹdu gbe ọkhian ẹdẹ hia ne iran. Rẹn keghi kpao, ọ na gha rrie Masidonia.

Iwinna 20:30

Ẹghẹ dee ne emwa eso vbe uwu uwa gha na ta ohoghe ne iran ya bibi emwa ni yayi eso odẹ hẹ ba egbe.

Iwinna 21:4

Ma keghi miẹn ivbi iyayi eso vbe evba, ma na gu iran gbe uzọla ọkpa. Iran keghi le ekpa ẹtin Orhiọn tama Pọl ne ọ ghẹ ye Jerusalẹm.

Iwinna 26:28

Agripa keghi tama Pọl wẹ, “Vbe ovbi ẹghẹ kherhe na, wẹ yayi ighẹ u gha sẹtin ya mwẹ do ya Kristi yi ra?”

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 6:5

Iro ne avbe ukọ zẹe na keghi yẹ iran hia, rhunmwuda ọnii, iran keghi zẹ Stivin, ọmwa ne ọ vuọn ne Iyayi ke Orhiọn Ne Ọ Huanrẹn, ke Filip, Prokorọs, Nikanọ, Timọn, Pamenas, Nikolas ne ovbi Antiọk, ne ẹ i te re Ju ne ọ ghi degbe la e Ju.

Iwinna 9:19

Ọ ghi rri evbare nẹ, orhiọn keghi do la ẹre iwu. Sọl keghi gu avbe erhuanegbe tota vbe evba la ikpẹdẹ eso vbe Damaskọs.

Iwinna 9:38

Jopa ma rrei gbe vbe Lida. Avbe erhuanegbe ni rre Jopa ghi họn ighẹ Pita rre Lida, iran keghi gie arhunmwu eva bu ẹre wẹẹ, “Zẹgiẹ bu ima gha dee.”

I Kọrinti 11:18

Vbe ne okaro, a tama mwẹ wẹ otu ni gu egbe suan rre uwu esọsi uwa, I keghi vbe yayi vbe obọ ọkpa ighẹ ẹmwata nọ.

I Kọrinti 12:12

Rhunmwuda te Kristi ye vbe egbe ọkpa ne ọ mwẹ ina ughughan, egbe ọkpa ye nọ, a gha rhe miẹn ighẹ ina ughughan ọ re ọ rrọọ.

I Kọrinti 14:23

A deghẹ esọsi ghi si egbe koko, agbọn hia na wa suẹn gha ya urhu ne a ma rẹn guan, a deghẹ ọmwa kẹkan ra eni ma yayi eso la owa, ẹ i re te ọ ra kha ighẹ te uwa hia mwẹmwẹ?

I Kọrinti 4:17

Rhunmwuda ọnii ọre I ra na gie Timoti bu uwa gha dee. Ọmọ ne ọ ghan kevbe ne ọ gie a mu ẹtin yan, ọre ọ khin mwẹ re vbe uwu Nọyaẹnmwa. Ọ gha ma uwa owẹ ne I vin ne I ru emwi lele vbe ẹdẹ agbọn mwẹ vbe uwu Kristi Jesu, ne I vbe ma emwa re vbe esọsi hia vbe ehe hia.

Ẹfisọs 3:15

Ọmwa ne ọ he ẹgbẹe hia ni rre ẹrinmwi kevbe agbọn eni ne eni.

Jems 2:7

Iran ọrọre emwa ni ya ukpẹ sakan eni esiesi nii, ne a rhie ne uwa.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.

I Pita 4:16

Sokpan, deghẹ u rri oya rhunmwuda ighẹ, u re ọguọmwadia Kristi, ghẹ gie ekhue ẹre mu uẹn, sokpan gha kpọnmwẹ Osanobua wẹ, u vbe khuẹnniẹn eni Kristi.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.

Arhie Maan 3:18

Rhunmwuda ọnii, I gu uẹ zẹ iro nian ne u do gun mwẹ dẹ igoru, igoru ne a ma gua, ne u miẹn ehe na fe. Vbe dẹ ogbọnmwọkpa ya gha mu egbe, ne u rhuan ẹn gue irhunmwirhun efaa ne u ye. U ghi vbe dẹ ukhunmwu eso gha ya ye aro, ne u miẹn ehe na gha dẹghe.