Iwinna 11:24 - Edo Bible (E Baibol Ẹdo) Version 1996

²⁴ Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Iwinna 11:24 ပူးပေါင်းရင်းမြစ်များ

II Samuẹl 18:27

Ọbodẹ nii keghi kha wẹẹ, “I miẹn nian wẹ ọmwa ne okaro rhulẹ vbe Ahimaz.” Ọba keghi kha wẹẹ, “Ọmwa esi nọ, iyẹn oghọghọ ọ re ọ dee do na.”

Psalm 112:5

Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Psalm 37:23

E Nọyaẹnmwa ọ re ọ dia ọmwa ye odẹ ne ọ gha la, ọ ghi vbe gha degue iran ni ru vbene ọ yẹ ọre.

Itan 12:2

Ẹko emwa esi ghi gha rhiẹnrhiẹn e Nọyaẹnmwa, sokpan, ọ ghi gha bu abe gbe iran ni zẹ iro emwi dan.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 14:14

Emwa dan gha miẹn emwi ne ọ ma iran. A gha san emwa esi ẹse ye emwi esi ne iran ru.

Matiu 12:35

Aza emwi esi ne ọ mwẹ, ọre ọmwa esi ke viọ emwi esi ladian. Aza emwi dan ne ọ mwẹ, ọre ọmwa dan ke viọ emwi dan ladian.

Matiu 19:17

Jesu wanniẹn tama rẹn wẹẹ, “Vbọzẹ ne u na gualọ otọ emwi ne ọ maa vbe obọ mwẹ yi? Ọmwa Ne ọ maa ọkpa kẹkan ọre ọ rrọọ. Deghẹ u hoo ne ẹfe ne ẹ i fo sẹ uẹ obọ, gha mu uhi sẹ.”

Iyẹn ne ọ Maan Ọghe Luk 23:50

Okpia ọkpa keghi rrọọ ne a tie ẹre Josẹf, ovbi ẹvbo ne a tie ẹre Arimatia adazẹ ne ekhọe esi ọre nọ, ọ kevbe, diakhẹ ẹghẹ ne Arriọba Osanobua gha ya rre. A gha rhe miẹn ighe ọkpa vbe uwu Iko iran ni bu ohiẹn nọ, ọma ye egbe ba iran vbe ẹmwẹ ne iran tae kevbe emwi ne iran ru.

Iyẹn ne ọ Maan Ọghe Jọn 7:12

Ẹbu ni hia kegha talọ ivbi ọta vbe ekpa ẹre. Emwa eso wẹ, “Ọmwa esi nọ,” eso kevbe wẹẹ, “Ohoghe nọ, te ọ hiẹ agbọn mu ru.”

Iwinna 11:21

Ẹtin Nọyaẹnmwa kegha gu iran rrọọ, emwa ni bun ẹsẹse keghi yayi, iran na fiwerriẹ bu Nọyaẹnmwa gha dee.

Iwinna 2:4

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

Iwinna 5:14

Sokpan, emwa ni bun ni ya Nọyaẹnmwa yi, ke ikpia kevbe ikhuo, kegha ya egbe ba iran.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

Iwinna 6:5

Iro ne avbe ukọ zẹe na keghi yẹ iran hia, rhunmwuda ọnii, iran keghi zẹ Stivin, ọmwa ne ọ vuọn ne Iyayi ke Orhiọn Ne Ọ Huanrẹn, ke Filip, Prokorọs, Nikanọ, Timọn, Pamenas, Nikolas ne ovbi Antiọk, ne ẹ i te re Ju ne ọ ghi degbe la e Ju.

Iwinna 6:8

E Stivin keghi re ọmwa ne Osanobua fiangbe ẹsẹse kevbe ne ọ vbe mwẹ ẹtin, rẹn keghi winna iwinna ama, kevbe ọyunnuan ni bun vbe ẹbu emwa nii.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ebe ne Pọl gbẹẹn gie emwa Rom 15:15

Sokpan vbe ebe ne I gbẹn gie uwa, emwi ne I ta ẹe vbọ, I ma vbe zẹdẹ rhie aranmwẹ kọ ẹho guan. Emwi ne ọ ya mwẹ si agbada vbe unu guan ọrọre rhunmwuda ukpo ne Osanobua mu mwẹ yi.

Ebe ne Pọl gbẹẹn gie emwa Rom 5:7

Emwi ne ọ lọghọ nọ ọmwa te do wu ba ẹmwẹ ọmwa ne ẹ i ba emwi ku ru. Ughaghe a ghi miẹn ọmwa ne ọ gha sẹtin wu ne ọmwa esi.