Iwinna 11:23 - Edo Bible (E Baibol Ẹdo) Version 1996

²³ U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 11:23 ပူးပေါင်းရင်းမြစ်များ

II Ọba 18:6

Rẹn keghi wa rhie ekhọe ye ẹmwẹ e Nọyaẹnmwa, ọ ma vbe rra uhi ẹre, sokpan, ọ keghi hẹko rhie uhi ẹre hia mwẹ, avbe uhi hia ne Nọyaẹnmwa rhie ne Mosis.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Itan 23:15

Ovbi mwẹ, ẹko gha rhiẹnrhiẹn mwẹ gbe adeghẹ u waan.

Itan 23:28

Iran gba khẹ ọmwa vbe oyi, iran ghi gha gie ikpia nibun khian ni sakaan.

Daniẹl 1:8

E Daniẹl keghi wa yan yọ wẹ rẹn i ra ya egbe hẹ awua vbekpa ne irẹn gha na rri evbare kevbe ne irẹn vbe gha da ayọn ẹguae, ọ keghi rhunmwuda ọnii rinmwian Aspenaz wẹ ne ọ ru iyobọ ne irẹn.

Matiu 16:24

Jesu keghi tama avbe erhuanegbe ẹre wẹẹ, “Ọmwaikọmwa ne ọ ho ne irẹn lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Iyẹn ne ọ Maan Ọghe Mak 2:5

Jesu ghi miẹn vbene iran mwẹ iyayi hẹ, ọ tama ọmwa ne arọ kinmwi ni wẹ, “Ovbi mwẹ, a ye orukhọ ruẹ bọọ.”

Iyẹn ne ọ Maan Ọghe Jọn 15:4

Wa ya egbe ba mwẹ ne imẹ miẹn ehe na vbe ya egbe ba uwa. Vbe ẹ i re te uwa di uwu imẹ ya, wa i sẹtin mọ, zẹ vbe ne abọ i sẹtin mọ deghẹ ọ ma sikan mu erhan azara.

Iwinna 13:43

Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Iwinna 14:26

Evba nii i ọre iran ghi ke gua okọ gha die Antiọk, ehe ne a na ka rhie iran ne ẹsọhẹ Osanobua gha gbe aro ghe vbe uwu iwinna ne iran ghi do winna fo na.

Iwinna 15:40

Pọl keghi zẹ Sailas, ọ na kpao, avbe etẹn keghi rhie ẹre yan ẹsọhẹ Osanobua obọ ne ọ gha gbe aro ghe ẹre.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

Iwinna 4:36

Ẹghẹ ni ọre Josẹf, e Livai ọkpa ne a biẹe vbe Saiprọs, ne avbe ukọ he ẹre Banabas (emwi ne a ye ọnii kha ọre ọmwa ne ọ ye udu hu ọmwa,)

Ebe ne Pọl gbẹẹn gie emwa Rom 12:8

Deghẹ ne a gha rhie igiọdu ne emwa ọvbehe nọ, gie a gha ru vberriọ, ọmwa ẹ ọ ghae ne emwa ọvbehe vbe emwi ẹnrẹn, giẹe gha ye ẹkoata ruẹe, ọmwa ne ọ mwẹ asẹ, wẹ ne ọ gha winna ẹsẹse, ọmwa ne ọ tohan emwa ọvbehe, giẹe gha ye aro ne ọ hian rẹn vbe uhunmwu ruẹe.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

II Kọrinti 1:17

Vbene I te mwamwa ẹn na, ọ khọ ọghe ọmwa ne ẹ i sẹtin mu emwi guọbọ ra? Vbene I mwamwa emwi na, wa yayi ighẹ ọghe nọ rẹn ọghọe ọkpa nọ ra, ne I gha na sẹtin gha ya unu ọkpa ni tie “Ẹn” kevbe “Ẹn o.”

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

Kọlose 1:6

Nene iyẹn ne ọ maa rhie afiangbe rre, ọ vbe vẹ gba uhunmwu otọ agbọn hia, zẹ vbene ọ ru vbe uwu uwa ke ẹdẹ ne uwa na họn ẹmwẹ ẹsọhẹ Osanobua gha dee, ne uwa na do rẹn ọnrẹn vbene ọ gele wa ye.

II Timoti 3:10

Sokpan, aro ruẹ sẹ emwi ne I ma emwa ẹre, kevbe uyinmwẹ mwẹ, u vbe miẹn iyayi mwẹ, izin egbe mwẹ, aho ẹmwẹ ọmwa mwẹ, kevbe vbene I hia hẹ.

Jọsua 22:5

Wa gia miẹn wẹ wa ru zẹ vbe uhi kevbe iyi ne Mosis ne ọguọmwadia e Nọyaẹnmwa viọ ne uwa, wa gha ho ẹmwẹ e Nọyaẹnmwa Osanobua rua, wa gha ru iho ẹre, wa gha ya uhi ẹre ru emwi, wa giee gba ẹko uwa, wa ye ekhọe uwa hia kevbe orhiọn uwa hia ga ẹe.”

Jọsua 23:8

Wa rhie ekhọe lele e Nọyaẹnmwa zẹ vbene uwa ru do sẹ ẹdẹnẹrẹ na.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.

I Jọn 2:28

Erriọ nọ, wa ne ivbi mwẹ, wa mudia vbe uwu irẹn, ne afianma ghẹ fian ima vbe ẹdẹ ne ọ gha ya egbe ladian, ne ima ghẹ ya ya ekhọe lẹre hin ehe ne ọ ye rre, vbe Ẹdẹ ne ọ gha rre.

III Jọn 1:4

Emwi ọkpa i rrọọ ne ọ ghi ya ẹko mwẹ rhiẹnrhiẹn gberra ọnii vbe i họn wẹ ivbi mwẹ wa rrọọ vbe uwu ẹmwata nii.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.