Iwinna 11:22 - Edo Bible (E Baibol Ẹdo) Version 1996

²² Ogbigbi ẹmwẹ na keghi ya gha vba esọsi ne ọ rre Jerusalẹm. Iran keghi rhunmwuda ọnii gie Banabas gha rrie Antiọk.

Iwinna 11:22 ပူးပေါင်းရင်းမြစ်များ

Iwinna 11:1

Avbe Apọsol kevbe etẹn ni rre otọ Judia hia keghi họn ighẹ avbe iran ne ẹ i re Ju vbe rhan obọ miẹn ẹmwẹ Osanobua.

Iwinna 11:19

Ukpokpo ne ọ suẹn rẹn vbe iran gbe Stivin nẹ, kegha zagha emwa ni hia kua. Eso vbe uwu iran keghi khian ya sẹ Fonisia, Saiprọs kevbe Antiọk, iran kegha kpe orhu ma avbe Ju ọkpa.

Iwinna 11:20

Sokpan ivbi iyayi eso ni ke Saiprọs kevbe Sairin rre kegha rrie Antiọk, iran keghi vbe ya kpe orhu ma emwa eso ne ẹ i re Ju, iran kegha ta ẹmwẹ Iyẹn Ne ọ maa ọghe Nọyaẹnmwa Jesu ma iran.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 11:27

Ẹghẹ nii avbe akhasẹ eso keghi ke Jerusalẹm gha rrie Antiọk.

Iwinna 15:2

Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.

Iwinna 15:22

Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn.

Iwinna 18:22

Ọ ghi sẹ Sisaria, ọ na gha rrie Jerusalẹm, ọ na ya datuẹ esọsi, ọ na vbe dọlegbe gha die Antiọk,

Iwinna 6:5

Iro ne avbe ukọ zẹe na keghi yẹ iran hia, rhunmwuda ọnii, iran keghi zẹ Stivin, ọmwa ne ọ vuọn ne Iyayi ke Orhiọn Ne Ọ Huanrẹn, ke Filip, Prokorọs, Nikanọ, Timọn, Pamenas, Nikolas ne ovbi Antiọk, ne ẹ i te re Ju ne ọ ghi degbe la e Ju.

Iwinna 8:14

Avbe ukọ ni rre Jerusalẹm keghi họn wẹ emwa ni rre Sameria rhan obọ miẹn ẹmwẹ Osanobua, iran na gie Pita vbe Jọn bu iran yo.

Iwinna 9:27

Ẹghẹ nii ọre Banabas na rre ọ keghi rhie ẹre bu avbe ukọ ọ keghi rhan otọ vbene Sọl miẹn Nọyaẹnmwa hẹ vbe odẹ kevbe wẹ Nọyaẹnmwa gu ẹe guan. Ọ keghi vbe tama iran vbe ne Sọl wa gha kpe orhu eni Jesu hẹ vbe Damaskọs vbe ne a i na fian afianma.

Galatia 2:11

Ugbẹn vbe Pita sẹ Antiọk, uwu ẹbu ọre I na gha gu ẹe gui, rhunmwuda emwi ne ọ ru ma kei hiehiere.

I Tẹsalonaika 3:6

Banbanna nian, e Timoti ke ehe ne uwa ye rre do vba ima nẹ, ọ keghi vbe do na iyẹn esiesi ọghe iyayi kevbe aho ẹmwẹ ọmwa uwa. Ọ tama ima wẹ, ẹko ima wa ma uwa ẹghẹ hia, kevbe wẹ, vbene ima ho ne ima miẹn uwa, erriọ wa vbe ho ne uwa miẹn ima.