Iwinna 11:21 - Edo Bible (E Baibol Ẹdo) Version 1996

²¹ Ẹtin Nọyaẹnmwa kegha gu iran rrọọ, emwa ni bun ẹsẹse keghi yayi, iran na fiwerriẹ bu Nọyaẹnmwa gha dee.

Iwinna 11:21 ပူးပေါင်းရင်းမြစ်များ

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Ẹzra 8:18

Vbe ekpa ẹse ọhẹ Osanobua, iran keghi gie Siẹrebia, e Livai, ne ọ sihe, ne ovbi ẹwae Mali, bu ima gha dee, arhin evai rrọvbugie, vbe uwu avbe ivbi ẹre kevbe etiọnrẹn keghi lele ẹe gha dee.

Nehimaia 2:18

I keghi vbe tama iran vbene Osanobua wa yaba mwẹ hẹ, ọ na vbe yọmwẹ obọ, kevbe vbene ọgbaisi tama mwẹ hẹ. Iran hia keghi wanniẹn wẹẹ, “Gie ima suẹn gha dọlọ ẹe bọ nian.” Iran keghi mu egbe ne iran gha ya suẹn iwinna nii.

Nehimaia 2:8

I keghi vbe nọ wẹ ne ọ gbẹn ebe mẹ rhie gie Asaf ne ọ gbearoghe ẹgbo ọba, ne ọ khama rẹn wẹ ne ọ viọ erhan mẹ ne I ya kan ẹkhu onurho odin ne ọ degue Ọgua Osa, deba ọghe ekẹn ne a gbe lẹga ẹvbo kevbe owa ne imẹ ra dia. Ọgbaisi keghi wa viọ emwi ne I nọrẹn hia mẹ rhunmwuda, Osanobua gun mwẹ rrọọ.

Aizaia 53:1

Emwa ni keghi wanniẹn wẹẹ, “De ọmwa ne ọ gha te ya iyẹn ne ima naẹn na yi yi? De ọmwa ne ọ gha te miẹn obọ e Nọyaẹnmwa vbe emwi na.

Aizaia 59:1

Wa ghẹ gha ro wẹ e Nọyaẹnmwa ma wegbe sẹ ne ọ gha miẹn uwa fan, ra wẹ ọ yin ehọ ẹ i sẹtin họn ugomwẹ ne uwa go gualọ iyobọ.

Iyẹn ne ọ Maan Ọghe Luk 1:66

Emwa ni họn ẹn hia kegha rria ẹre wẹ, “De emwi ne ọmọ na ra khian?” Rhunmwuda aro dae wẹ ẹtin Nọyaẹnmwa gu ẹe rrọọ.

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Iwinna 15:19

Jems keghi kha wẹ, “Emwi ne ọ rre imẹ ekhọe ọrọre wẹ, ne a ghẹ kpokpo iran ne ẹ i re Ju ni bu Osanobua rre na.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

Iwinna 5:14

Sokpan, emwa ni bun ni ya Nọyaẹnmwa yi, ke ikpia kevbe ikhuo, kegha ya egbe ba iran.

Iwinna 6:7

Rhunmwuda ọnii, ẹmwẹ Osanobua kegha vẹ khian. Avbe erhuanegbe ni rre Jerusalẹm kegha muan yọ, nibun vbe uwu avbe ohẹn keghi vbe do yayi.

Iwinna 9:35

Emwa hia ni rre Lida kevbe Siarọn ghi miẹn ọẹn, iran keghi do ya Nọyaẹnmwa yi.

I Tẹsalonaika 1:5

Rhunmwuda, ẹ i re ẹmwẹ ne a guan ọkpa ma ya kpe orhu Iyẹn Ne ọ maa ni ma uwa, sokpan, ẹtin kevbe Orhiọn Ne Ọ Huanrẹn deba ẹmwata ne ẹmwata ne ọ rrọ. Ọna vbe gha re ne aro dae fo fẹẹrẹ, wa rẹn vbene ima gha ru hẹẹ, ẹghẹ ne ima na gha rre ehe ne uwa ye, rhunmwuda umamwẹ ọwua nọ.