Iwinna 11:20 - Edo Bible (E Baibol Ẹdo) Version 1996

²⁰ Sokpan ivbi iyayi eso ni ke Saiprọs kevbe Sairin rre kegha rrie Antiọk, iran keghi vbe ya kpe orhu ma emwa eso ne ẹ i re Ju, iran kegha ta ẹmwẹ Iyẹn Ne ọ maa ọghe Nọyaẹnmwa Jesu ma iran.

Iwinna 11:20 ပူးပေါင်းရင်းမြစ်များ

Matiu 27:32

Ugbẹn vbe iran ghi ladian, iran miẹn ọmwa Sairin ọkpa ne a tie ẹre Saimọn, iran keghi ya ẹtin mu ẹn ne ọ mu ugbugbe Jesu.

Iyẹn ne ọ Maan Ọghe Jọn 7:35

Avbe Ju kegha gu egbe guan wẹẹ, “De ehe ne ọ khian gha rrie ne ima i ra na miẹn ọẹn yi? Te ọ khian bu avbe Ju ni rre ẹvbo avbe Grik ra ne ọ ya gha ma iran ne Grik emwi?

Iwinna 11:19

Ukpokpo ne ọ suẹn rẹn vbe iran gbe Stivin nẹ, kegha zagha emwa ni hia kua. Eso vbe uwu iran keghi khian ya sẹ Fonisia, Saiprọs kevbe Antiọk, iran kegha kpe orhu ma avbe Ju ọkpa.

Iwinna 11:22

Ogbigbi ẹmwẹ na keghi ya gha vba esọsi ne ọ rre Jerusalẹm. Iran keghi rhunmwuda ọnii gie Banabas gha rrie Antiọk.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 11:27

Ẹghẹ nii avbe akhasẹ eso keghi ke Jerusalẹm gha rrie Antiọk.

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

Iwinna 14:26

Evba nii i ọre iran ghi ke gua okọ gha die Antiọk, ehe ne a na ka rhie iran ne ẹsọhẹ Osanobua gha gbe aro ghe vbe uwu iwinna ne iran ghi do winna fo na.

Iwinna 15:22

Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn.

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 15:30

Iran ghi gbe okhian ẹwerẹ ne iran nẹ, iran ne a gie ẹre uhunmwu nii kegha rrie Antiọk, iran keghi si avbe emwa ni yayi hia koko, iran na rhie ebe ni ne iran.

Iwinna 17:18

Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?” Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe.

Iwinna 18:22

Ọ ghi sẹ Sisaria, ọ na gha rrie Jerusalẹm, ọ na ya datuẹ esọsi, ọ na vbe dọlegbe gha die Antiọk,

Iwinna 2:10

Ke Frigia Pamfilia, kevbe Igipt kevbe iwewe Libya, ọkpẹn Sairin kevbe Rom rre.

Iwinna 4:36

Ẹghẹ ni ọre Josẹf, e Livai ọkpa ne a biẹe vbe Saiprọs, ne avbe ukọ he ẹre Banabas (emwi ne a ye ọnii kha ọre ọmwa ne ọ ye udu hu ọmwa,)

Iwinna 5:42

Iran kegha yo Ọgua Osa ugbugbẹhia. iran keghi vbe gha ya dọmwadẹ owa ya gha ma emwa emwi kevbe ne iran gha kpe orhu Iyẹn Ne ọ maa ọghe Jesu ne Mẹzaia.

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 6:5

Iro ne avbe ukọ zẹe na keghi yẹ iran hia, rhunmwuda ọnii, iran keghi zẹ Stivin, ọmwa ne ọ vuọn ne Iyayi ke Orhiọn Ne Ọ Huanrẹn, ke Filip, Prokorọs, Nikanọ, Timọn, Pamenas, Nikolas ne ovbi Antiọk, ne ẹ i te re Ju ne ọ ghi degbe la e Ju.

Iwinna 6:9

Sokpan emwa eso kegha kpankan ẹre ẹmwẹ, iran na kegha re emwa Ọgua ediọn Eniyan Egbe iran (zẹ vbene emwa tie iran) uwu iran na ọre avbe Ju ni ke Sameria kevbe Alẹkzandria rre ye. Iran na kevbe avbe Ju eso ni ke Silisia kevbe Asia rre keghi suẹn gha muan Stivin ẹmwẹ.

Iwinna 8:35

Filip keghi suẹn gha guan, ọ ke ehe ne ọ tie re vbe ebe na la rọ, ọ na kpe orhu Iyẹn Ne ọ maa ọghe Jesu ma rẹn.

Iwinna 8:5

Filip kegha rrie adesẹ ore ẹvbo Sameria, ọ ya kpe orhu ẹmwẹ Mẹzaia ma emwa ni rre evba.

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

Iwinna 9:29

Ọ keghi vbe gu emwa Ju ne a biẹ ye ẹvbo Grik guan, ọ keghi vbe gu iran gha muan ẹmwẹ, sokpan iran te ra gbe ẹe rua.

I Kọrinti 2:2

Rhunmwuda, te I mobọ wa yan ta ẹe ighẹ I gha rre ehe ne uwa ye, emwi ọvbehe i rrọ ne I gha yerre gberra ẹmwẹ Jesu, kpataki, ọghe uwu ne ọ wu vbe uhunmwu ugbugbe.

Galatia 2:11

Ugbẹn vbe Pita sẹ Antiọk, uwu ẹbu ọre I na gha gu ẹe gui, rhunmwuda emwi ne ọ ru ma kei hiehiere.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.