Iwinna 11:12 - Edo Bible (E Baibol Ẹdo) Version 1996

¹² Orhiọn keghi tama mwẹ wẹ ne I lele iran vbe ne a i na gbe ọkhọn mwẹ ẹ i khọn mwẹ. Avbe etẹn ima ne ehan na vbe lele mwẹ gha rrie Sisaria, ma hia keghi la owa Kọniliọs.

Iwinna 11:12 ပူးပေါင်းရင်းမြစ်များ

Matiu 1:20

Vbene ọ wa ziro na vbekhọe, odibo ọghe Nọyaẹnmwa keghi rhiegbe ma rẹn vbe imina, ọ na tama rẹn wẹẹ, “Josẹf ne ovbi uniẹn Devid, ghẹ fian afianma ya rhie Meri ne amwẹ ọn la owa rhunmwuda ọmọ ne ọ hanmwa ni, ke obọ Orhiọn Ne Ọ Huanrẹn rre nọ.

Iyẹn ne ọ Maan Ọghe Jọn 16:13

Sokpan Orhiọn ẹmwata ni gha ghi rre, ọ gha gban uwa ghe ehe ne ẹmwata ye.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 10:23

Pita keghi viọ emwa ni la owa iran na gbe asọn nii vbe evba. Ẹdẹ ghi gbe, rẹn keghi mu egbe, ọ na lele iran, eso vbe uwu avbe etẹn ni rre Jopa kevbe lele ẹe gha khian.

Iwinna 10:45

Unu keghi wa yan avbe Ju ne ivbi iyayi ni ke Jopa gha dee wẹ Osanobua vbe tue ọhẹ Orhiọn Ne Ọ Huanrẹn yan avbe iran ne ẹ i re Ju.

Iwinna 11:13

Ọ keghi tama ima vbene irẹn miẹn odibosa hẹ, vbene ọ mudia ye uwu owa irẹn hẹ, ọ na tama irẹn wẹẹ, ‘Gie ọmwa gha rrie Jopa ne u ya tie ọmwa ọkpa ne a tie eni ẹnrẹn Saimọn Pita.

Iwinna 13:2

Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”

Iwinna 13:4

Ugbẹn vbe Orhiọn Ne Ọ Huanrẹn ghi gie Banabas kevbe Sọl nẹ, iran kegha rrie Sẹlusia, iran keghi ke evba la okọ gha rrie Saiprọs ne ẹvbo ne amẹ lẹga.

Iwinna 15:7

Ugbẹn vbe iran ghi zẹ ta ẹe yo ta ẹe rre, Pita keghi kpaegbe ọ wẹẹ, “Etẹn mwẹ, wa rẹnrẹn wẹẹ vbe ẹghẹ ne ọ kpẹe fua, Osanobua zẹ mwẹ vbe uwu ẹbu uwa wẹ ne I ya kpe orhu ẹmwẹ Iyẹn Ne ọ maa ma iran ne ẹ i re Ju, ne iran miẹn ehe na họn ne iran vbe yayi.

Iwinna 15:9

Ọ ma vbe rhie alughaẹn ye ẹkpo ima vbe iran, ọ ya orukhọ iran bọ iran rhunmwuda ighẹ iran yayi.

Iwinna 28:15

Etẹn ni rre Rom ghi họn ẹmwẹ ima, iran keghi khian bu ima. Ugbẹn vbe Pọl ghi miẹn iran, ọ na kpọnmwẹ Osanobua, orhiọn keghi la ẹre iwu.

Iwinna 8:29

Orhiọn Ne Ọ Huanrẹn keghi tama Filip wẹẹ, “Tua okhian ne u sikẹ ikẹkẹ okhuae na.”

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

II Tẹsalonaika 2:2

wa ghẹ gie vbene uwa roro ẹe gha rherhe lighi ye uwa aro, ra ne uwa gi ẹe gbe uwa orhiọn, ighẹ ne iran na ta ẹe khian wẹ, rẹn rre nẹ. Ọ gha kẹe, ọmwa ne ọ guan ye otọ vbe akhasẹ ra ọmwa ne ọ kpe orhu, ọre ọ ta ẹmwẹ na. Ra emwa sẹtin wa tae wẹ, ma ọre ọ gbẹn ọẹn ye ebe rre.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.