Iwinna 10:48 - Edo Bible (E Baibol Ẹdo) Version 1996

⁴⁸ Rẹn keghi yi iyi wẹ ne a ya eni Jesu Kristi sa amẹ ne iran. Iran keghi wẹ ne ọ gbe ikpẹdẹ eso vbe ehe ne iran ye.

Iwinna 10:48 ပူးပေါင်းရင်းမြစ်များ

Iyẹn ne ọ Maan Ọghe Jọn 4:2

(Sokpan, Jesu ma tobọ ẹre sa amẹ ne ọmwa rhọkpa avbe erhuanegbe ẹre ọre ọ sa amẹ ne emwa.)

Iyẹn ne ọ Maan Ọghe Jọn 4:40

Ugbẹn vbe avbe emwa Sameria ni ghi bu ẹre rre, iran rinmwian ne ọ gu iran tota, Jesu keghi gbe ikpẹdẹ eva vbe evba.

Iwinna 16:15

A keghi sa amẹ ne ẹn ke ẹe kevbe owa ẹre. Rẹn keghi tama ima wẹẹ, “Deghẹ wa gele ka mwẹ ye ọmwa ne ọ ya Nọyaẹnmwa yi vbe ẹmwata, wa do di owa mwẹ ya.” Rẹn keghi rherhe ima viọ gha khian.

Iwinna 19:5

Iran ghi họn ọnọna, a keghi ya eni Nọyaẹnmwa Jesu sa amẹ ne iran.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 8:12

Sokpan iran ghi ya ikporhu e Filip yi, ikporhu ọghe Iyẹn Ne ọ maa ọghe Arriọba Osanobua kevbe eni Jesu Kristi, a kegha sa amẹ ne iran, ke ikpia kevbe ikhuo.

Iwinna 8:16

Rhunmwuda Orhiọn Ne Ọ Huanrẹn ma he tuorre yan iran rhọkpa, te a he ya eni Nọyaẹnmwa Jesu sa amẹ ne iran kẹkan.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.