Iwinna 10:45 - Edo Bible (E Baibol Ẹdo) Version 1996

⁴⁵ Unu keghi wa yan avbe Ju ne ivbi iyayi ni ke Jopa gha dee wẹ Osanobua vbe tue ọhẹ Orhiọn Ne Ọ Huanrẹn yan avbe iran ne ẹ i re Ju.

Iwinna 10:45 ပူးပေါင်းရင်းမြစ်များ

Iwinna 10:23

Pita keghi viọ emwa ni la owa iran na gbe asọn nii vbe evba. Ẹdẹ ghi gbe, rẹn keghi mu egbe, ọ na lele iran, eso vbe uwu avbe etẹn ni rre Jopa kevbe lele ẹe gha khian.

Iwinna 11:2

Ugbẹn vbe Pita ghi sẹ Jerusalẹm, ivbi iyayi ni re Ju keghi gha gu ẹe gui, iran wẹẹ,

Iwinna 11:3

“Owa emwa ne ẹ i re Ju, ni ma rhuẹ ọre u gha rrie, u keghi vbe gu iran gha rri evbare.”

Iwinna 2:33

A tọẹn mu gha rrie obọ erha ọmwa Osanobua, ne ọ ya miẹn ẹre Orhiọn Ne Ọ Huanrẹn ne Erha ẹe ve ẹre. Emwi ne uwa ghi bẹghe na nian, kevbe ne uwa vbe họn, emwi ne ọ ya ru ima ẹse nọ, ọ keghi hihiẹe yan ima.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.

Galatia 2:15

Vbe ẹmwata, ivbi eseserese vbe uwu e Ju ma khin ighẹ ẹ i re emwa orukhọ ne ẹ i re Ju.

Ẹfisọs 2:11

Wa ne a biẹlẹ ẹre emwa ne ẹ i re Ju, ne iran ne Ju tie ẹre ne ọ ma rhuẹ, iran ni tie egbe iran ne ọ rhuẹre (vbe ekpa emwi ne emwa ne agbọn ye obọ ru ye iran egbe,) wa ghi yerre emwi ne uwa te khin ẹghẹ ne ọ gberra.