Iwinna 10:4 - Edo Bible (E Baibol Ẹdo) Version 1996

⁴ Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Iwinna 10:4 ပူးပေါင်းရင်းမြစ်များ

II Krọnikol 32:24

Vbe odẹ ẹghẹ na, e Hẹzekaia ne ọba kegha khuọnmwi te ọ ghi te ra wu; ọ keghi na erhunmwu, e Nọyaẹnmwa keghi rhie ama ma rẹn wẹ ọ gha fe.

II Krọnikol 6:33

Rọn erhunmwu ẹnrẹn. Họn ọghe ọe vbe ẹrinmwi ne u ye, ne u ru emwi ne ọ nọ rẹn ne ẹẹn, ne emwa ne agbọn hia miẹn ehe na rẹn ruẹn, ne iran vbe gha họn ẹmwẹ ruẹn vbene ivbi Izrẹl ne emwa ruẹn ru. Ẹghẹ nii, iran ghi do rẹn wẹ, Ọgua Osa ne I bọe na ọrọre ehe ne a gha na gha ga a.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Psalm 20:3

Te ọ gha rhan obọ miẹn emwi imuohan ruẹn hia, ne ẹko ẹre vbe rhiẹnrhiẹn ye izọ ese ruẹ hia.

Aizaia 43:26

“Wa gie ima gha rrie iko ẹzọ, wa viọ ẹzọ ne uwa mwẹ ne uwa ra gui rre. Wa do ta ne unu uwa, ne uwa rhie ma ighẹ wa ma rria abe.

Aizaia 45:19

I ma ta ẹmwẹ rhọkpa vbe ẹkhokho ra ne I rhie emwi ne I ra ru lẹre I ma kha wẹ ne ivbi Izrẹl, ya gha gualọ mwẹ vbe ehe ne ọ dihoi rua. Mẹ ọrọre Nọyaẹnmwa, ẹmwata ọ re I vbe ta; I ghi vbe gie emwa rẹn emwi ne ọ re ẹmwata.”

Daniẹl 10:11

Odibosa keghi tama mwẹ wẹẹ, “E Daniẹl, Osanobua ho ẹmwẹ ruẹn, kpaegbe, gbe ehọ kotọ danmwehọ ẹmwẹ ne I ra tama ruẹn, te a gie mwẹ bu ruẹ gha dee.” Ọ ghi ta ẹmwẹ na nẹ, I keghi kpaegbe mudia, sokpan, I keghi ye gha guọ kpẹkpẹkpẹ.

Levitikọs 2:2

Ọ ghi mu ẹẹn bu ohẹn Errọn gha dee. Ohẹn ne ọ ru ugamwẹ ghi zẹ uguobọ ọkpa irhuarhua nii, ọ ghi giẹn ọnrẹn uan vbe aka ne a ya rhie ma wẹ te a ya ẹe zọ ese ghe Nọyaẹnmwa. Uwinhinmwẹ emwi ihaoko evbare vbenian yẹ Nọyaẹnmwa.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Matiu 26:13

Wa yi ẹre ẹro, ehe ne a rhirhi na kporhu iyẹn ne ọ maa na vbe uhunmwu otọe agbọn hia, a gha vbe gha ta emwi ne ọ ru na ya ye ẹre rre.”

Iyẹn ne ọ Maan Ọghe Luk 1:29

Ẹmwẹ ne odibosa na tama Meri keghi rueghe ẹre orhiọn ẹsẹse, ọ kegha rorẹe wẹ, De emwi ne a yae kha.

Iyẹn ne ọ Maan Ọghe Luk 24:5

Ohan mu ikhuo ni ẹsẹse, iran keghi mu ẹko rhu otọ vbe odaro iran, ikpia ni keghi tama iran wẹẹ, “Vbọzẹ ne uwa na gualọ ọmwa ne ọ rre agbọn vbe uwu ẹbu avbe orinmwi?

Iwinna 10:31

ọ wẹẹ, ‘Kọniliọs, Osanobua họn erhunmwu ruẹn nẹ, ọ vbe ye iwinna itohan ruẹn rre.

Iwinna 14:9

Ọ kegha danmwehọ e Pọl vbe ọ guan. Pọl keghi miẹn wẹ ọ mwẹ iyayi, ọ gha gie a mu ẹre egbe rran, rhunmwuda ọnii, ọ keghi ghe ẹre sun uun.

Iwinna 22:10

Mẹ keghi nọ wẹẹ, ‘Vbe i a gha ru yi Nọyaẹnmwa?’ Nọyaẹnmwa keghi tama mwẹ wẹ, ‘Kpaegbe ne u gha rrie Damaskọs, odọ nii a gha na tama ruẹn emwi ne Nọyaẹnmwa mwamwa ye otọ khẹ ruẹ ne u gha ru.’

Iwinna 3:4

Iran keghi ziẹn aro ye ọre egbe, Pita keghi tama rẹn wẹẹ, “Gha ghe ima.”

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

Hibru 13:16

Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.

Arhie Maan 8:4

Ighoghoi eturari nii, keghi deba erhunmwu emwa Osanobua hin odukhunmwu ke obọ odibosa nii ne ọ mudia vbe odaro Osanobua kpao.

I Samuẹl 3:10

E Nọyaẹnmwa kegha dee, ọ keghi mudia vbe evba, ọ keghi dọlegbe tie zẹ vbene ọ ka tie yi, “Samuẹl! Samuẹl!” E Samuẹl keghi wanniẹn wẹẹ, “Gha guan; ọguọmwadia ruẹ danmwẹ ehọ.”