Iwinna 10:39 - Edo Bible (E Baibol Ẹdo) Version 1996

³⁹ Ma ọrọre osẹe emwi hia ne ọ ru vbe ẹvbo avbe Ju kevbe Jerusalẹm. Iran keghi gbe ẹe rua vbe ne iran na ya ise kan rẹn mu ugbugbe.

Iwinna 10:39 ပူးပေါင်းရင်းမြစ်များ

Iyẹn ne ọ Maan Ọghe Luk 1:2

Emwi ne iran ne aro ẹre sẹ avbe emwi na vbe omuhẹn, gha kpe orhu ẹre khian, ne iran vbe tama ima, ọre iran gbẹnnẹ ye otọ.

Iyẹn ne ọ Maan Ọghe Luk 24:48

Wa ọrọre osẹe avbe emwi na hia.

Iyẹn ne ọ Maan Ọghe Jọn 15:27

Wa ne arẹngbe gha vbe ta ẹmwẹ mwẹ rhunmwuda ma hia ọ gba gha khian ke otọ gha dee.”

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 10:41

Ẹ i re emwa hia ọre ọ miẹn ọẹn, sokpan ma ni ne Osanobua zẹ nẹ ne ọ gha re osẹe, ọre ọ miẹn ọẹn. Ma keghi guẹe re a guẹe da vbe Osanobua huẹn ọnrẹn kpaegbe nẹ vbe orinmwi.

Iwinna 13:31

Vbe ikpẹdẹ ni bun, iran ni lele ẹe ke Galili gha die Jerusalẹm miẹn ọẹn. Iran na ọre ọ ghi re osẹe ọre vbe odaro ivbi Izrẹl.

Iwinna 2:32

“Jesu ne a kha na, Osanobua huẹn ọnrẹn kpao vbe idin, ma na hia ọre osẹe ne aro ẹre sẹ ọe.

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Galatia 3:13

Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.