Iwinna 10:34 - Edo Bible (E Baibol Ẹdo) Version 1996

³⁴ Pita keghi suẹn gha guan ọ wẹẹ, “Mẹ miẹn wẹ vbe ẹmwata, aro ọkpa ọre Osanobua ya ghe emwa hia.

Iwinna 10:34 ပူးပေါင်းရင်းမြစ်များ

II Krọnikol 19:7

Wa gha mu ohan e Nọyaẹnmwa ne uwa vbe gha ru emwi hẹnnẹhẹnnẹ, rhunmwuda, e Nọyaẹnmwa Osanobua mwa i zẹdẹ ho ne ọ họn ẹmwẹ ebikhuikhui, ra ohiẹn ikpanro ra igho odieke.”

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Matiu 22:16

Iran keghi rhunmwuda ọnii gie eso vbe uwu avbe erhuanegbe iran ba avbe igbesa Hẹrọd bu Jesu gha khian. Iran tama rẹn wẹẹ, “Ọmwa ẹmwata ọre ima rẹn ruẹn yi, ẹmwata ne ọ rre vbene Osanobua mu ẹmwẹ ẹdẹ agbọn emwa ne agbọn yi, ọre u ma emwa re, vbe ne u i na vbe lele ne agbọn khare, rhunmwuda ighe osi ẹrrẹe ọghe ukpo ne ọmwa ye, ẹ i si ọ.

Matiu 5:2

ọ keghi suẹn gha ma iran emwi, ọ wẹẹ:

Iyẹn ne ọ Maan Ọghe Luk 20:21

Avbe ọrhẹ ni keghi khama Jesu wẹẹ, “Ọmamwaemwi, ma rẹnrẹn ighẹ emwi ẹmwata ne ọ gbae ọre u ma emwa ẹre. Ma rẹnrẹn ighẹ osi ẹrrẹ i siọ, sokpan ẹmwata ne ọ rre vbene Osanobua mwamwa ẹmwẹ emwa ne agbọn yi ọre u ma emwa re.

Iwinna 10:33

Ọre I na gie ne a tie ruẹ rre ọwarọkpa, wẹ ne ọ maa na wa vbe gha dee. Banbanna nian, odaro Osanobua ma ghi ye na, ma mu egbe ne a ya họn ẹmwẹ ne Nọyaẹnmwa wẹ ne u ta.”

Iwinna 15:9

Ọ ma vbe rhie alughaẹn ye ẹkpo ima vbe iran, ọ ya orukhọ iran bọ iran rhunmwuda ighẹ iran yayi.

Iwinna 8:35

Filip keghi suẹn gha guan, ọ ke ehe ne ọ tie re vbe ebe na la rọ, ọ na kpe orhu Iyẹn Ne ọ maa ọghe Jesu ma rẹn.

Ebe ne Pọl gbẹẹn gie emwa Rom 2:11

Rhunmwuda, aro ọkpa ọre Osanobua ya ghe emwa hia.

Ebe ne Pọl gbẹẹn gie emwa Rom 3:29

Ra ne ne Osanobua, Osanobua ọ ghe avbe Ju ọkpa nọ ra? Ẹ i re rẹn ọre ọ vbe re Osanobua avbe iran ne ẹ i re Ju ra? Ẹsẹse, rẹn vbe nọ.

Galatia 2:6

Sokpan iran ni ye vbe avbe olotu, I tae vberriọ, rhunmwuda, emwi ne iran khin, i mwẹ esa nọ khin ne imẹ, rhunmwuda Osanobua ighe ikpakpa ya bu ohiẹn. Vbene I kha re, avbe olotu ma vbe gun mwẹ zẹ iro emwi ọgbọn.

Ẹfisọs 6:9

Wa ne arowa, wa vbe gha yin ghe eviẹn uwa vberriọ, wa da obọ aro ne a zẹ mu iran yi. Wa yerre wẹ, ke uwa kevbe eviẹn uwa, arowa ọkpa ọre uwa mwẹ vbe ẹrinmwi, obọ ọkpa ọre irẹn ya mu emwa hia.

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!

Kọlose 3:25

Ọmwa ne ọ zẹ iba, ọmwa ne ọ khọn rẹn wẹ ne ọ gha khin, a gha vbe ha ẹre osa iba ne ọ zẹe, rhunmwuda obọ ọkpa ọre Osanobua ya mu emwa hia.

Jems 2:1

Etẹn mwẹ, vbe ẹdẹ agbọn uwa zẹ vbe emwa ni ya Nọyaẹnmwa Jesu Kristi yi, ọmwa ne ọre Nọyan uyi, wa ghẹ gha ya okpan ughughan mwa ne emwa, rhunmwuda vbene iran ye vbe ikinnegbe.

Jems 2:4

Ẹghẹ nii, ẹ i re te uwa ghi zẹ egbe ẹkpe, wa keghi vbe lele iro dan gha bu ohiẹn.

Jems 2:9

Sokpan a deghẹ vbene ọmwa ye hẹẹ vbe ore egbe, ọre uwa ya ghe obọ ne uwa gha ya muẹn, wa ru orukhọ nẹ, nene Uhi ghi vbe bu abe gbe uwa zẹ vbe ne ọ rra uhi.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.