Iwinna 10:33 - Edo Bible (E Baibol Ẹdo) Version 1996

³³ Ọre I na gie ne a tie ruẹ rre ọwarọkpa, wẹ ne ọ maa na wa vbe gha dee. Banbanna nian, odaro Osanobua ma ghi ye na, ma mu egbe ne a ya họn ẹmwẹ ne Nọyaẹnmwa wẹ ne u ta.”

Iwinna 10:33 ပူးပေါင်းရင်းမြစ်များ

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Itan 1:5

Avbe itan na gha sẹtin rhie ba ẹwaẹn avbe umẹwaẹn, ọ ghi vbe ru igiodẹ ma emwa ni rẹn ehe.

Itan 18:15

Ọ rre ekhọe avbe umẹwaẹn, iran vbe mu egbe ne iran ruẹ emwi vbe ẹghẹ hia.

Itan 25:12

Ude ne ọmwa ne ọ kpẹ agbọn rhie ne ọmwa ne ọ mu egbe ne ọ ya danmwehọ, ọ re ọ maa sẹẹ avbe oroka igoru emwitegbe ne a ye igoru ne ọ maa sẹẹ ru.

Matiu 18:4

Ọmwa ne ọ mu egbe ẹre rriotọ ọ na do gha ye vbe ọvbokhan na, ọrọre ne ọ kpọlọ sẹ vbe Arriọba ẹrinmwi.

Matiu 19:30

Sokpan ni bun vbe uwu iran ni ke aro nian gha do khian ni ke iyeke, iran ni te ke iyeke ghi do ke odaro.

Iyẹn ne ọ Maan Ọghe Mak 10:15

Ne I tama uwa, ọmwa ne ọ ma rhan obọ miẹn Arriọba Osanobua zẹ vbe ọvbokhan, ẹ i sẹtin la uwu ẹre.”

Iwinna 10:32

Gie emwa gha rrie Jopa ne u ya tie ọmwa ọkpa ne a tie eni ẹnrẹn Saimọn Pita. Owa Saimọn ne Ọsohian ne ọ rre ọkpẹn ẹzẹ ọre ọ dia.’

Iwinna 10:34

Pita keghi suẹn gha guan ọ wẹẹ, “Mẹ miẹn wẹ vbe ẹmwata, aro ọkpa ọre Osanobua ya ghe emwa hia.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

I Kọrinti 3:18

Ọmwa rhọkpa ghẹ rẹrẹ egbe. Deghẹ a miẹn ọmwa ọkpa vbe uwu uwa ne ọka egbe ẹre ye umẹwaẹn, zẹ vbene emwa ne agbọn ya kha ighẹ ọmwa wan, wẹ ne ọ heko khian akpa, ne ọ miẹn ehe na do gha wan vbe ẹmwata.

Galatia 4:14

Sokpan wa ma sọnnọ mwẹ, ra ne uwa sua mwẹ fua, egbe ne a ya miẹn wẹ egbe ihe ne egbe mwẹ gha ye, edanmwẹ nọkhua ọre ọ wa gha khin ne uwa. Sokpan, wa keghi rhan obọ miẹn mwẹ, vbene a miẹn wẹ odibo Osanobua ọre I khin, wa na rhan obọ miẹn mwẹ, vbene uwa gha vbe ya rhan obọ miẹn Kristi Jesu.

Diuteronomi 30:13

Vbe rriọ ẹ i vbe re iyeke okun nọkpa ọ re ọ ye amawẹ wa gha kha wẹẹ, ‘Gha ọ ghi ra fian okun rra ne ọ ya rhie ẹre gie ima, ne ima miẹn ehe na họn ẹẹn ne a vbe gha ya ẹe ru emwi?’ Ẹ i re erriọ,

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.