Iwinna 10:25 - Edo Bible (E Baibol Ẹdo) Version 1996

²⁵ Ugbẹn vbe Pita ghi ra la owa, Kọniliọs keghi bu ẹre rre, ọ de fi ọre akharha, ọ keghi mu ẹko rhu otọ vbe odaro ẹre.

Iwinna 10:25 ပူးပေါင်းရင်းမြစ်များ

Daniẹl 2:30

“Wanwanna nian, a rhie emwi oro na ma mwẹ, ẹ i re wẹ rhunmwuda ighe I wan sẹ emwa nekpa, sokpan rhunmwuda ne u miẹn ehe na rẹn emwi ne a ya imina ruẹn kha, Umogun, kevbe ne u rẹn emwi ne a ya iro ne a mu guẹ kha.

Daniẹl 2:46

E Nebukiadneza ne Ọba keghi ghughẹ ya uhunmwu rhanmwẹ otọ, ọ na wẹ, ne a zọ ese kevbe ne a vbe yo imuohan gie Daniẹl.

Matiu 14:33

Avbe, erhuanegbe ni rre uwu okọ keghi ya uhunmwu rhanmwẹ otọ ne Jesu, iran wẹẹ, “Vbe ẹmwata, Ovbi Osanobua ọre u gele khin.”

Matiu 8:2

Ọmwa ọkpa ne ọre ọkhọmwọ alalọ keghi bu ẹre rre, ọ keghi diguẹ nẹẹn, ọ wẹẹ, “Dọmọ o, deghẹ u hoo, u gha sẹtin sinmwi mwẹ.”

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.