Iwinna 10:22 - Edo Bible (E Baibol Ẹdo) Version 1996

²² Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Iwinna 10:22 ပူးပေါင်းရင်းမြစ်များ

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Habakọk 2:4

Nene uhunmwu ne a gie ọ re ọna khin: ‘Iran ni re emwa dan i ra miẹn uhunmwu, sokpan ni re ẹmwata gha di agbọn ya rhunmwuda iran mudia ke Osanobua.’ ”

Matiu 1:19

Josẹf ne a yae na keghi re ọmẹhẹ, ọ ma ho ne ọ fa Meri ua ma emwa hia, ọ kegha gualọ odẹ vbene irẹn gha ya fẹko do sọrae hẹ.

Matiu 2:12

Osanobua keghi tama iran vbe imina wẹ ne iran ghẹ ghi van ọghe Hẹrọd, iran keghi la odẹ ọvbehe gha rrie.

Iyẹn ne ọ Maan Ọghe Mak 6:20

Ohan Jọn kevbe mu e Hẹrọd rhunmwuda ọ rẹnrẹn ighe ọmwa ẹmwata ne ọ huanrẹn ọre Jọn khin, ọ na tan ifuẹn gue ẹre. Ẹghẹ hia ọre ọ ya ho ne ọ gha danmwehọ ẹmwẹ ne ọta, a gha rhe miẹn wẹ ẹghẹ ne ọ rhirhi ya danmwehọ hia, ọre ọ ya zẹ afianma ye ọre egbe.

Iyẹn ne ọ Maan Ọghe Mak 8:38

Rhunmwuda ọnii, deghẹ ọmwaikọmwa mu ekhue mwẹ kevbe ekhue iyẹn ne ọ maa vbe agbọn ọrhiae ne ọ maa rẹn Osanobua na, Ovbi Ọmwa gha vbe mu ekhue ẹre vbe ọ gha rre vbe uyi ọghe Erha ẹe deba avbe odibosa ni huanrẹn.”

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iyẹn ne ọ Maan Ọghe Luk 23:50

Okpia ọkpa keghi rrọọ ne a tie ẹre Josẹf, ovbi ẹvbo ne a tie ẹre Arimatia adazẹ ne ekhọe esi ọre nọ, ọ kevbe, diakhẹ ẹghẹ ne Arriọba Osanobua gha ya rre. A gha rhe miẹn ighe ọkpa vbe uwu Iko iran ni bu ohiẹn nọ, ọma ye egbe ba iran vbe ẹmwẹ ne iran tae kevbe emwi ne iran ru.

Iyẹn ne ọ Maan Ọghe Luk 9:26

Deghẹ ekhue mu ọmwaikọmwa ba ẹmwẹ mwẹ ra iruemwi mwẹ, ẹmwẹ ọnrẹn gha vbe mu Ovbi Ọmwa ekhue vbe ẹghẹ ne ọ gha ya rre vbe uwu uyi ẹre kevbe ọghe Erha ẹe kevbe ọghe avbe odibosa.

Iyẹn ne ọ Maan Ọghe Jọn 13:20

Ẹmwata ọre I tama uwa. Ọmwa ne ọ rhirhi rhan obọ miẹn ọmwa ne imẹ gie, ọ vbe rhan obọ miẹn mwẹ. Ọmwa ne ọ rhirhi rhan obọ miẹn mwẹ vbe rhan obọ miẹn ọmwa ne ọ gie mwẹ.”

Iyẹn ne ọ Maan Ọghe Jọn 17:20

“Ẹ i re iran na ọkpa ọre I na erhunmwu na, sokpan kevbe iran hia ne ọ gha la ekpa ikporhu iran do ya mwẹ yi.

Iyẹn ne ọ Maan Ọghe Jọn 17:8

Rhunmwuda uhunmwu ne u gie mwẹ re, I tama iran nẹ, iran vbe miẹn rẹn nẹ, iran rẹnrẹn wẹ ọghuẹ mẹ ke gha dee vbe ẹmwata, iran vbe yayi nẹ ighẹ wẹ ọre ọ gele gie mwẹ.

Iyẹn ne ọ Maan Ọghe Jọn 5:24

“Ẹmwata I tama uwa, ọmwa ne ọ rhirhi họn ẹmwẹ mwẹ ọ na vbe ya ọmwa ne ọ gie mwẹ yi, mwẹ ẹfe ne ẹ i fo. A i ghi bu ohiẹn ọnrẹn, ọ fian uwu rra la ẹfe nẹ.

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Iyẹn ne ọ Maan Ọghe Jọn 6:68

Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.

Iwinna 10:2

Rẹn keghi re ọmwa ne ọ mwẹ ekhọe iyayi. Osanobua ọre irẹn kevbe ẹgbẹe ọre hia wa gaa. Ọ wa vbe hia vbe odẹ hia ne ọ gha ru iyobọ ne avbe Ju ni re ivbiogue.

Iwinna 10:21

Rhunmwuda ọnii Pita tuorre, ọ keghi tama iran, “Mẹ ọrọre ọmwa ne uwa gualọ khian. Vbe ọ ya uwa gha dee?”

Iwinna 10:30

Kọniliọs keghi kha wẹẹ, “Odẹ ẹghẹ vbe nian vbe nẹghẹdia, I kegha na erhunmwu vbe uwu owa mwẹ, vbe ẹghẹ ẹgogo eha ọghe avan. Vbe udomwurri, orhiọnkpa ne ọ ya ukpọn nọ fi wain wain mu egbe, keghi mudia ye odaro mwẹ,

Iwinna 10:33

Ọre I na gie ne a tie ruẹ rre ọwarọkpa, wẹ ne ọ maa na wa vbe gha dee. Banbanna nian, odaro Osanobua ma ghi ye na, ma mu egbe ne a ya họn ẹmwẹ ne Nọyaẹnmwa wẹ ne u ta.”

Iwinna 10:6

Owa Ọsohian Saimọn ne ọ rre ọkpẹn ẹzẹ ọre ọ ye.”

Iwinna 11:14

Ọ gha gu uẹ guan ẹmwẹ ne uwẹ vbe ẹgbẹe ruẹ gha la miẹn imiẹnfan.’

Iwinna 22:12

“Okpia ọkpa ne a tie eni ẹnrẹn Ananaias keghi rrọọ, ọmwa ne ọ mwẹ ekhọe ne a ya ga ẹsẹse, ọ kevbe ya Uhi ima ru emwi, ọ keghi vbe gha re ne ivbi e Ju hia ni rre Damaskọs ya ọghọ na ẹsẹse.

Iwinna 24:15

Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

Ebe ne Pọl gbẹẹn gie emwa Rom 1:17

Rhunmwuda, iyẹn ne ọ maa tae ladian nẹ vbene Osanobua ya ye ọmwa khian ọmwata vbe odaro ẹre hẹ vbe ekpa iyayi ọkpa ne ọ ke omuhẹn ya sẹ ufomwẹ, rhunmwuda, Ebe ta ẹe nẹ wẹ, “Ọmwa ne a la ekpa iyayi ya khian ọmwata vbe odaro Osanobua, ọ gha fe.”

II Kọrinti 5:18

Osanobua ọre ọ ru emwi na hia, rẹn ne ọ la ekpa Kristi fi ima werriẹ hin eghian rẹn ne, do khian esiọre, ọ na ghi vbe waa iwinna ne ima, ne a vbe ya gha ye emwa ọvbehe khian esiọre.

Diuteronomi 30:13

Vbe rriọ ẹ i vbe re iyeke okun nọkpa ọ re ọ ye amawẹ wa gha kha wẹẹ, ‘Gha ọ ghi ra fian okun rra ne ọ ya rhie ẹre gie ima, ne ima miẹn ehe na họn ẹẹn ne a vbe gha ya ẹe ru emwi?’ Ẹ i re erriọ,

I Timoti 3:7

Ọ kere ne ọ gha re ọmwa ne emwa hia nii yo esọsi ya ọghọ na, ne a ghẹ ya fa ẹre ua ne ọ ya de ye ifi Esu.

Hibru 10:38

Sokpan emwa ẹmwata mwẹ gha yayi, iran gha vbe fe. sokpan deghẹ ọmwaikọmwa vbe uwu iran werriegbe, ẹko mwẹ i ra rhiẹnrhiẹn ghe ẹre.”

Hibru 11:2

Iyayi iran ọre avbe emwa nẹdẹ ya gbe rhie okun vbe obọ Osanobua.

Hibru 12:23

Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.

II Pita 3:2

I ho ne uwa ye avbe ẹmwẹ ne avbe akhasẹ tae ẹghẹ ne ọ kpẹe fua kevbe avbe iyi ni ke obọ Nọyaẹnmwa kevbe Ọmiọnmwafan mwa rre, zẹ vbene a vbe ukọ tae ma uwa.

III Jọn 1:12

Emwa hia ọre ọ wa na iyẹn Demetriọs ne ọ maa, ẹmwata tobọ ẹre vbe ta ẹmwẹ ọnrẹn ne ọ maa. Ma keghi vbe rhie osẹe ima ba ẹre, wa tobọ uwa rẹnrẹn wẹ, ẹmwẹ ne I ma ta, ẹmwata nọ.

Arhie Maan 14:10

Rẹn tobọ ẹre gha vbe wọn vbe uwu ayọn Osanobua, ayọn izohu ẹre ne ọ wa yan hihiẹ ye ukpu izohu ẹre. Iran hia ni ru ọnii, a gha rri iran oya vbe uwu erhẹn kevbe ugbofi vbe odaro avbe odibosa ni huanrẹn kevbe Oteghe Ohuan.