Iwinna 10:20 - Edo Bible (E Baibol Ẹdo) Version 1996

²⁰ Rhunmwuda ọnii mu egbe ne u tuorre, ghẹ vbe gbe ọkhọnmwẹ ẹ i khọnmwẹ lele iran ighẹ mẹ ọre ọ gie iran gha dee.”

Iwinna 10:20 ပူးပေါင်းရင်းမြစ်များ

Aizaia 48:16

“Banbanna nian, wa sikẹ mwẹ ne uwa họn ẹmwẹ ne I guan. Ke omuhẹn gha dee, te iwa ta ẹmwẹ mwẹ vbe azagba I keghi vbe gha ru ẹe ne ẹmwẹ mwẹ sẹ.” (Banbanna nian, e Nọyaẹnmwa ne Udazi rhie ẹtin ẹnrẹn mẹ nẹ, ọ na gie mwẹ.)

Iyẹn ne ọ Maan Ọghe Mak 16:15

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

Iwinna 10:21

Rhunmwuda ọnii Pita tuorre, ọ keghi tama iran, “Mẹ ọrọre ọmwa ne uwa gualọ khian. Vbe ọ ya uwa gha dee?”

Iwinna 11:12

Orhiọn keghi tama mwẹ wẹ ne I lele iran vbe ne a i na gbe ọkhọn mwẹ ẹ i khọn mwẹ. Avbe etẹn ima ne ehan na vbe lele mwẹ gha rrie Sisaria, ma hia keghi la owa Kọniliọs.

Iwinna 13:4

Ugbẹn vbe Orhiọn Ne Ọ Huanrẹn ghi gie Banabas kevbe Sọl nẹ, iran kegha rrie Sẹlusia, iran keghi ke evba la okọ gha rrie Saiprọs ne ẹvbo ne amẹ lẹga.

Iwinna 8:26

Odibo Nọyaẹnmwa ọkpa keghi tama Filip wẹẹ, “Mu egbe ne u la odẹ ne ọ laghe odẹ okuọ, odẹ ne ọ ke Jerusalẹm rrie Gaza.” (Uwu ato ọre odẹ na la gberra.)

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Iwinna 9:17

Rhunmwuda ọnii Ananaias kegha khian, ọ keghi la owa, ọ na viọ obọ yan rẹn, ọ keghi kha wẹẹ, “Sọl ne ọtẹn mwẹ, Nọyaẹnmwa Jesu Kristi ọmwa ne u miẹn vbe odẹ vbe ẹghẹ ne u na gha dee ọre ọ tobọ ẹre gie mwẹ gha dee, ne u miẹn ehe na dọlegbe gha dẹghe, kevbe ne u vbe vuọn ne Orhiọn Ne Ọ Huanrẹn.”

Jems 1:6

Sokpan, u gha na erhunmwu, u ghi yayi vbe ne a i na ba iro eva hiehiere, rhunmwuda, ọmwa ne ọ ba iro eva, te ọ yevbe ihu okun ne ẹhoho mu yo mu rre.