Iwinna 10:2 - Edo Bible (E Baibol Ẹdo) Version 1996

² Rẹn keghi re ọmwa ne ọ mwẹ ekhọe iyayi. Osanobua ọre irẹn kevbe ẹgbẹe ọre hia wa gaa. Ọ wa vbe hia vbe odẹ hia ne ọ gha ru iyobọ ne avbe Ju ni re ivbiogue.

Iwinna 10:2 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

I Ọba 8:43

u ghi họn erhunmwu iran vbe ehe ne u ye vbe ẹrinmwi, ne u vbe ru emwi ne iran wẹ ne u ru, ne emwa ne agbọn hia miẹn ehe na rẹn ruẹn ne iran vbe gha mu ohan ruẹn zẹ vbene emwa ruẹn mu ohan ruẹn. Iran ghi do rẹn wẹ Ọgua Osa na ne I bọ ẹe na ọrọre ehe ne a na ga a.

II Krọnikol 6:33

Rọn erhunmwu ẹnrẹn. Họn ọghe ọe vbe ẹrinmwi ne u ye, ne u ru emwi ne ọ nọ rẹn ne ẹẹn, ne emwa ne agbọn hia miẹn ehe na rẹn ruẹn, ne iran vbe gha họn ẹmwẹ ruẹn vbene ivbi Izrẹl ne emwa ruẹn ru. Ẹghẹ nii, iran ghi do rẹn wẹ, Ọgua Osa ne I bọe na ọrọre ehe ne a gha na gha ga a.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Psalm 102:15

Avbe uhunmwu ẹvbo gha mu ohan e Nọyaẹnmwa, avbe ọba agbọn hia gha mu ohan ẹtin ẹnrẹn.

Psalm 119:2

Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.

Psalm 25:5

Ma mwẹ re ne I gha ya ẹmwata ruẹ ru emwi rhunmwuda, wẹ ọ re Osanobua mwẹ, ne ọ miẹn mwẹ fan. I mu ẹtin yan ruẹn vbe ẹghẹ hia.

Psalm 41:1

Afiangbe nọ ne ọmwa ne ọ mu ọghe ovbiogue ro; e Nọyaẹnmwa gha ye iran obọ vbe ẹghẹ ibaro.

Psalm 55:17

Owiẹ, avan kevbe asọn ọ re ovian kevbe utumwẹ obalọ mwẹ ya bu ẹre yo, ọ gha họn urhu mwẹ.

Psalm 86:3

Wẹ ọrọre Osanobua mwẹ, rhunmwuda ọnii, tohan mwẹ, ẹdẹ biiri ọ re I ya na erhunmwu ghe ruẹ.

Psalm 88:1

E Nọyaẹnmwa Osanobua ọmiọnmwafan mwẹ te I wa tu ne ebi ro, ọ ghi sẹ asọn, I keghi bu ruẹ gha dee.

Asan-Ibo 7:18

Gie emwi hia gha re oreghe. Adeghẹ u ya ọghọ ne Osanobua, ẹ i mwẹ ọ ma dunna nuẹn.

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Matiu 25:17

Erriọ zẹẹ, ne a mu enaira arriaisẹn eva na, keghi vbe miẹn enaira arriaisẹn eva vbe ere.

Iyẹn ne ọ Maan Ọghe Luk 18:1

Jesu keghi kpa itan na ma iran ne ọ ya ma iran ẹre wẹ ne iran ghẹ gie egbe erhunmwu ne a na wọ iran.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Iwinna 10:31

ọ wẹẹ, ‘Kọniliọs, Osanobua họn erhunmwu ruẹn nẹ, ọ vbe ye iwinna itohan ruẹn rre.

Iwinna 10:35

Ọmwaikọmwa ne ọ mu ohan rẹn, ọ na vbe gha yin ẹse, te irẹn gha rhan obọ miẹn rẹn, ovbi ẹvbo ne ọ rhirhi gha khin.

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Iwinna 10:7

Odibosa ne ọ gu ẹe guan nii ghi kpao nẹ, Kọniliọs keghi tie eva vbe uwu avbe eguọmwadia ẹre deba ovbiyokuo ọkpa, ọmwa, ne ọ mwẹ ekhọe iyayi, ọkpa vbe uwu iran ne ọ hẹ gaga egbe.

Iwinna 11:14

Ọ gha gu uẹ guan ẹmwẹ ne uwẹ vbe ẹgbẹe ruẹ gha la miẹn imiẹnfan.’

Iwinna 13:16

Pọl keghi kpaegbe, ọ ghi ya obọ gbe ekhakha nẹ, ọ keghi suẹn gha guan, ọ wẹẹ, “Ivbi Izrẹl ne iho mwa, kevbe uwa ne ẹ i re Ju ni vbe ga Osanobua, wa danmwehọ mwẹ!

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 18:8

Krispọs ne ọre ọka Ọgua ediọn keghi ya Nọyaẹnmwa yi, ke irẹn kevbe ẹgbẹe ọre hia. Emwa ni bun ọvbehe keghi vbe họn iyẹn ne ọ maa ni vbe Kọrinti, iran yayi, a keghi sa amẹ ne iran.

Iwinna 2:5

Avbe Ju keghi rre Jerusalẹm, emwa ni ke dọmwadẹ ẹvbo vbe otọ agbọn gha dee do ru ugamwẹ.

Iwinna 22:12

“Okpia ọkpa ne a tie eni ẹnrẹn Ananaias keghi rrọọ, ọmwa ne ọ mwẹ ekhọe ne a ya ga ẹsẹse, ọ kevbe ya Uhi ima ru emwi, ọ keghi vbe gha re ne ivbi e Ju hia ni rre Damaskọs ya ọghọ na ẹsẹse.

Iwinna 8:2

Emwa ni ya ekhọe ga eso keghi ya re Stivin, iran na keghi kakabọ viẹ ọe ẹsẹse.

Iwinna 9:11

Nọyaẹnmwa keghi tama rẹn wẹẹ, “Mu egbe ne u gha rrie Idunmwu Nọdiae, u gha ghi sẹ owa Judas, u ghi nọ ẹmwẹ ovbi e Tasọs ọkpa ne a tie eni ẹnrẹn Sọl ọ gha na erhunmwu.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Kọlose 4:2

Wa mu aro ye erhunmwu ne a na, wa sikhua vbe uwa a gha na erhunmwu, ne uwa gha kpọnmwẹ Osanobua.

I Tẹsalonaika 5:17

Wa gha na erhunmwu vbe ẹghẹ hia.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”