Iwinna 10:16 - Edo Bible (E Baibol Ẹdo) Version 1996

¹⁶ Emwi na keghi sunu igba eha, a keghi dọlegbe tọn emwi ni mu gha rrie odukhunmwu.

Iwinna 10:16 ပူးပေါင်းရင်းမြစ်များ

Gẹnẹsis 41:32

Ne a na miẹn wẹ igbaeva ọre u minaẹn, ọba, rhiema wẹ Osanobua mwamwa ẹn nẹ kevbe wẹ, ọ gha giẹe sunu vbe ọ ma he kpẹe wan.

Ezikiẹl 11:24

Vbe aro umian nii, orhiọn Osanobua keghi tọn mwẹ mu, ọ na mu mwẹ werriegbe bu iran ni rre iwe vbe Babilọn gha dee. Ẹre umian ni na ru gbẹnnẹ.

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

Iwinna 10:15

Urhu ni dọlegbe tama rẹn wẹẹ, “Emwi ne Osanobua kha nẹ wẹ ọ huanrẹn, ghẹ ghi kae ba ne ọ ma huan.”

Iwinna 10:17

Ọ keghi yan Pita unu uan wẹ de emwi ne a ya umian ne irẹn miẹn kha. Ẹghẹ na ne a kha na, emwa ne Kọniliọs gie miẹn ehe ne owa Saimọn ye nẹ, iran keghi mudia ye onurho.

II Kọrinti 13:1

Ukpogieha ne I ghi re ra do miẹn uwa, ọre ọna khin na. Ebe tae wẹ, “A gha ba ọmwa ifi ẹzọ, ọ kere ne a gha mwẹ osẹe eva ra eha ni gha sẹ osẹe.”