Iwinna 10:15 - Edo Bible (E Baibol Ẹdo) Version 1996

¹⁵ Urhu ni dọlegbe tama rẹn wẹẹ, “Emwi ne Osanobua kha nẹ wẹ ọ huanrẹn, ghẹ ghi kae ba ne ọ ma huan.”

Iwinna 10:15 ပူးပေါင်းရင်းမြစ်များ

Matiu 15:11

Ẹ i re emwi ne ọ la ọmwa uwu unu ọre ọ ya ẹe khian ne ọ ma huan, sokpan emwi ne ọ ke uwu ẹre ladian ọre ọ ya ẹe khian ne ọ ma huan.”

Iyẹn ne ọ Maan Ọghe Mak 7:19

Rhunmwuda, ọ ma la uwu ekhọe ẹre, ẹkpokhurhu ọre ọ lao, ọ ghi levba hin uwu egbe rre.” [Zẹ vbe ne ọ tae na, te Jesu ghi kha ighe a sẹtin rri evbare hia.]

Iwinna 10:16

Emwi na keghi sunu igba eha, a keghi dọlegbe tọn emwi ni mu gha rrie odukhunmwu.

Iwinna 10:28

Ọ keghi tama iran wẹ, “Wa tobọ uwa rẹnrẹn ẹsẹse wẹ, zẹ vbe ne ẹmwẹ ugamwẹ khare, a i gie Ju ya gha tuẹ, ra ne ọ ya gha gu avbe emwa ne ẹ i re Ju mu obọ. sokpan Osanobua rhie ma mwẹ nẹ wẹ ne I ghẹ tie ọmwaikọmwa emwi awua ra ne ọ ma huan.

Iwinna 11:9

Urhu nii keghi dọlegbe guan ke ẹrinmwi rre wẹẹ, ‘Emwi ne Osanobua tie ẹre ne ọ huanrẹn nẹ, ghẹ ghi kae ye ne ọ ma huan.’

Iwinna 15:20

Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn.

Iwinna 15:29

wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Iwinna 15:9

Ọ ma vbe rhie alughaẹn ye ẹkpo ima vbe iran, ọ ya orukhọ iran bọ iran rhunmwuda ighẹ iran yayi.

Ebe ne Pọl gbẹẹn gie emwa Rom 14:14

Akugbe ne I mwẹ ba Kristi, rhie ma mwẹ vbe ne aro na da ẹe wẹẹ emwi ọkpa i rrọọ ne ọ wa tobọ ẹre re ne ọ ma huan, sokpan deghẹ ọmwaikọmwa na ghi ka emwi ọkpa ye ne ọ ma huan nẹ, emwi ni khian ne ọ ma huan ne irẹn.

Ebe ne Pọl gbẹẹn gie emwa Rom 14:20

Ghẹ rhunmwuda evbare mu emwi ne Osanobua ru nẹ rhia. A sẹtin rri evbare ke evbare, sokpan ọ ma kei ne a rri emwi ne ọ gha ye ọmwa ọvbehe de ye orukhọ.

I Kọrinti 10:25

U sẹtin rri emwikemwi ne a khiẹn vbe ẹki, vbe ne a i na vbe nọ ọta rhunmwuda osẹe ekhọe.

Taitọs 1:15

Emwi hia ọrọre ne ọ huanrẹn vbe obọ emwa ne iran tobọ iran vbe huan, sokpan a i miẹn emwi ọkpa ne ọ huanrẹn vbe obọ iran ne a ru ẹre awua mu rhia kevbe ne ẹ i mwẹ iyayi, rhunmwuda a ru orhiọn kevbe ekhọe iran awua mu ẹn rhia nẹ.

Arhie Maan 14:20

A keghi minọ avbe ọmọ azara nii vbe uwu okọ nii, ne ọ rre vbe a gha la hin ore ẹvbo rre nẹ, esagiẹn kegha lẹ ke uwu okọ nii ladian, ehe ne ọ lẹ orogho la kegha re omwa ibiriki uri, ne udinmwimwẹ ọnrẹn vbe re omwa ibata isẹn.