Iwinna 10:10 - Edo Bible (E Baibol Ẹdo) Version 1996

¹⁰ Ohanmwẹ kegha gbe ẹe, ọ kegha ho ne ọ rri evbare. Ẹghẹ ne iran na gha le evbare nii, rẹn keghi miẹn umian.

Iwinna 10:10 ပူးပေါင်းရင်းမြစ်များ

Ezikiẹl 11:24

Vbe aro umian nii, orhiọn Osanobua keghi tọn mwẹ mu, ọ na mu mwẹ werriegbe bu iran ni rre iwe vbe Babilọn gha dee. Ẹre umian ni na ru gbẹnnẹ.

Ezikiẹl 40:2

Vbe uwu umian, Osanobua, keghi mu mwẹ gha rrie otọ Izrẹl, ọ keghi mu mwẹ yan oke ne ọ yo, I keghi ya bẹghe vbe odaro mwẹ avbe owa ne a bọlọe eso, ọ keghi yevbe ẹvbo ne ọ kpolo.

Nọmbas 24:16

ne ọ sẹtin họn vbene Osanobua kha hẹ, ne ọ vbe miẹn irẹnmwi ne ọ ke ọghe ne ọ yo sẹẹ rre. I rhan aro a gba daa, I keghi miẹn ọẹn vbe umian emwi ne Osanobua Ne Oghodua mu ma mwẹ,

Nọmbas 24:4

Ne ọ vbe sẹtin họn vbene Osanobua kha hẹ. I rhan aro a gbadaa, I ke ya bẹghe vbe umian, emwi ne Osanobua Ne Oghodua mu mẹ ghe.

Matiu 21:18

Jesu ghi dọlegbe die ore ẹvbo vbe ẹdẹ ne ogieva, ohanmwẹ kegha gbẹe.

Matiu 4:2

Jesu ghi gbe asọn iyeva kevbe avan iyeva vbe uwu ẹgbo nẹ, vbe ne ọ ma na rri evbare, ohanmwẹ kegha gbe ẹe.

Iwinna 11:5

“Jopa ọre I gha ye, ugbẹn vbe I ghi na erhunmwu, I keghi miẹn umian. I keghi miẹn emwi ọkpa ne ọ ye vbe ukpọn ne a taẹn, ne a de ẹre abọ enenẹ, a keghi mu ẹn tuorre ke odukhunmwu dee, ọ keghi mudia vbe odaro mwẹ.

Iwinna 22:17

“I keghi dọlegbe gha rrie Jerusalẹm, ugbẹn vbe I ghi na erhunmwu vbe uwu Ọgua Osa, I keghi miẹn umian.

Arhie Maan 1:10

Vbe Ẹdẹ Nọyaẹnmwa, Orhiọn keghi hin yan mwẹ, I keghi họn urhu ne ọ la ọkpa ne ọ davan zẹ vbe okpe, ọ kegha guan vbe iyeke mwẹ.