Iwinna 1:6 - Edo Bible (E Baibol Ẹdo) Version 1996

⁶ Ugbẹn vbe avbe erhuanegbe ghi koko egbe ya miẹn Jesu, iran nọ rẹn wẹẹ, “Nọyaẹnmwa, ẹ i re te u ra mu nene Arriọba werriegbe ne ivbi Izrẹl na?”

Iwinna 1:6 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Aizaia 1:26

I gha viọ iran ni khaemwisẹ kevbe iran ni gu ọmwa zẹ iro ne uwa, vbene uwa te ka mwẹ ọnrẹn ẹghẹ nẹdẹ. Ẹghẹ nii, a ghi do gha tie Jerusalẹm, ẹvbo ne uyinmwẹ ọnrẹn gbae ke ne ọ ru emwi ẹmwata.”

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Matiu 17:11

Jesu wanniẹn tama iran wẹẹ, “Ẹmwata Elaija ogha ka re ne ọ do mwamwa emwi hia ye otọ.

Matiu 20:21

Jesu nọ rẹn wẹẹ, “Vbe u wẹ ne I ru nuẹn?” Rẹn wanniẹn wẹẹ, “Yan ma mwẹ wẹẹ, u gha rriọba nẹ ivbi mwẹ ọre ọ ra gha tota ke uẹ, ọkpa vbe obọ erha ọmwa, kevbe nọkpa vbe obọ iye ọmwa.”

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Iyẹn ne ọ Maan Ọghe Mak 9:12

Ọ wanniẹn tama iran wẹẹ, “Elaija rre do mwamwa emwi hia ye otọ nẹ. Levba sevba, vbọzẹ ne Ebe na kha wẹẹ, Ovbi Ọmwa gha rri oya emwi ni bun, a ghi vbe hẹe ye otọ?

Iyẹn ne ọ Maan Ọghe Luk 17:20

Avbe Farisi eso na nọ Jesu ẹghẹ ne Arriọba gha ya rre. Rẹn wanniẹn tama iran wẹẹ, “Ariọba Osanobua i rre ne a do gha kpe ghe ẹre vbe ọ gha rre.

Iyẹn ne ọ Maan Ọghe Luk 19:11

Jesu keghi kpa itan na ma iran ni danmwehọ ẹre, ọ wa sẹ ọkpẹn Jerusalẹm nẹ, iran hia keghi te ro ighe to Arriọba Osanobua ghi ra suẹn.

Iyẹn ne ọ Maan Ọghe Luk 22:29

Zẹ vbene Erha mwẹ rhie ẹtin mẹ ne I ya gha khaemwisẹ, erriọ zẹ me gha vbe gu uwa hẹnhẹn ọẹn.

Iyẹn ne ọ Maan Ọghe Jọn 21:21

Ugbẹn vbe Pita ghi bẹghe ẹre, ọ nọ Jesu wẹẹ, “Nọyaẹnmwa, ọghe okpia na vbo o?”