Iwinna 1:5 - Edo Bible (E Baibol Ẹdo) Version 1996

⁵ Rhunmwuda, amẹ ọre Jọn ya sa amẹ ne emwa, sokpan vbe ọ ma he kpẹe wan, a gha ya Orhiọn Ne Ọ Huanrẹn sa amẹ ne uwa.”

Iwinna 1:5 ပူးပေါင်းရင်းမြစ်များ

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Matiu 3:11

Amẹ ọre imẹ ya samẹ ne uwa ne ọ rhie ma ighe wa gele zobọ vbe orukhọ ne a ru. Sokpan ọmwa ne ọ ghi ra rre lele mwẹ gha ya Orhiọn Ne Ọ Huanrẹn kevbe erhẹn samẹ ne uwa. Rẹn kpọlọ sẹ mwẹ ẹsẹse, mẹ ma sẹ ne ọ gha ban ẹre ibata vbe owẹ.

Matiu 3:6

Iran miẹn Orukhọ iran kue. Ọ keghi samẹ ne iran vbe ẹzẹ Jọdan.

Iyẹn ne ọ Maan Ọghe Mak 1:8

Amẹ ọre I mẹ ya samẹ ne uwa, sokpan rẹn gha ya Orhiọn Ne ọ huanrẹn samẹ ne uwa.”

Iyẹn ne ọ Maan Ọghe Luk 3:16

Rhunmwuda ọnii Jọn keghi tama iran hia wẹẹ, “Amẹ ọre imẹ ya samẹ ne uwa, sokpan, ọmwa ne ọ kpọlọ sẹ mwẹ ẹsẹse dee. Mẹ ma sẹ ne ọ gha ban ẹre ibata. Rẹn ọre ọ gha ye orhiọn Ne ọ huanrẹn kevbe erhẹn same ne uwa.

Iyẹn ne ọ Maan Ọghe Jọn 1:26

Jọn wanniẹn wẹẹ, “Amẹ ọre I mẹ ya same ne emwa, orhiọnkpa ne uwa ma rẹn rre adesẹ uwa.

Iyẹn ne ọ Maan Ọghe Jọn 1:31

Mẹ ma te rẹn ọmwa ne ọ ra gha khin, sokpan emwi ne ọ do ya mwẹ ye amẹ same ne emwa ọrọre ne I miẹn ehe na rhie e ẹre ma Izrẹl.”

Iyẹn ne ọ Maan Ọghe Jọn 1:33

I ma te yevbe rẹn ọnrẹn, sokpan Osanobua ne ọ gie mwẹ ne I do gha ye amẹ same ne emwa ọre ọ tama mwẹ wẹẹ, ‘U gha miẹn vbe Orhiọn a tuorre, ọ na rhuẹ yan ọmwa ọkpa ọmwa nii ọre ọ khian gha ya Orhiọn Ne ọ huanrẹn same ne emwa.’

Iwinna 10:45

Unu keghi wa yan avbe Ju ne ivbi iyayi ni ke Jopa gha dee wẹ Osanobua vbe tue ọhẹ Orhiọn Ne Ọ Huanrẹn yan avbe iran ne ẹ i re Ju.

Iwinna 19:4

Pọl keghi wanniẹn wẹ, “Isamẹ ọghe Jọn, ọ ghe iran ni ro iro fi uyinmwẹ werriẹ nọ, rẹn keghi vbe kha ma emwa Izrẹl wẹ ne iran ya ọmwa ne ọ ra rre lele irẹn yi, ọnii ọrọre Jesu.”

I Kọrinti 12:13

Erriọ ọre ọ ye ne ima hia, e Ju kevbe ne ẹ i re Ju, eviẹn kevbe ne ẹ i re eviẹn, a sa amẹ ne ima ye uwu egbe ọkpa nii nẹ vbe ekpa Orhiọn ọkpa nii, a keghi vbe rhie Orhiọn ọkpa nii ne ima hia wọn vbọ.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.