Iwinna 1:3 - Edo Bible (E Baibol Ẹdo) Version 1996

³ Vbe uwu ikpẹdẹ iyeva, iyeke vbe ọ wu nẹ, ọ keghi rhie egbe maa iran inugba ne ọ khin, ne ọ ya gie aro iran dae vbene a i ghi na bọ iro eva wẹẹ, rẹn rre agbọn. Iran miẹn ọẹn, rẹn keghi vbe gu iran guan ẹmwẹ Arriọba Osanobua.

Iwinna 1:3 ပူးပေါင်းရင်းမြစ်များ

I Ọba 19:8

Elaija keghi kpaegbe, ọ rri evbare, ọ keghi wọn amẹ, evbare ni keghi rhie ẹtin ne ẹẹn ne ọ ya khian okhian ikpẹdẹ iyeva gha rrie Sainai ne oke ne ọ huanrẹn.

Matiu 21:43

Jesu keghi gbẹe wanniẹn wẹẹ, “Ne I tama uwa, a gha miẹn uwa Arriọba Osanobua, a ghi rhie ne emwa ọvbehe ni gha sẹtin mọ ọmọ ladian vbe ne ọ kei yi. [

Matiu 28:9

Vbe udomwurri, Jesu keghi bu iran rre, ọ wẹẹ, “Ọfumwegbe nọ ne uwa.” Iran keghi bu ẹre gha dee, iran ye obọ da ẹre owẹ yi, iran keghi ya uhunmwu rhanmwẹ otọ ne ẹn.

Matiu 3:2

“Wa zobọ vbe orukhọ ne a ru rhunmwuda Arriọba ẹrinmwi sotọ fo.”

Matiu 4:2

Jesu ghi gbe asọn iyeva kevbe avan iyeva vbe uwu ẹgbo nẹ, vbe ne ọ ma na rri evbare, ohanmwẹ kegha gbe ẹe.

Iyẹn ne ọ Maan Ọghe Mak 16:19

Ugbẹn vbe Nọyaẹnmwa Jesu ghi gu iran guan nẹ, a keghi tọn ẹn mu gha rrie ẹrinmwi, ọ na tota ye obọ erha ọmwa Osanobua.

Iyẹn ne ọ Maan Ọghe Jọn 20:26

Uzọla ọkpa ghi gberra nẹ, avbe erhuanegbe vbe si egbe koko ye uwowa ọkpa, Tọmọs keghi gu iran rre evba. Te a khui urho, sokpan Jesu la owa, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 21:1

Vbe iyeke ọnọna, Jesu rhie egbe maa avbe erhuanegbe ẹre vbe ọkpẹn odighi ne a tie ẹre Taiberias. Vbene ọ ya sunu hẹ ọre ọna khin.

Iyẹn ne ọ Maan Ọghe Jọn 21:14

Ọna ọrọre ukpogieha ne Jesu he rhie egbe maa avbe erhuanegbe ẹre, iyeke vbe ọ rhiọrre nẹ vbe orinmwi.

Iwinna 13:31

Vbe ikpẹdẹ ni bun, iran ni lele ẹe ke Galili gha die Jerusalẹm miẹn ọẹn. Iran na ọre ọ ghi re osẹe ọre vbe odaro ivbi Izrẹl.

Iwinna 19:8

Pọl keghi la Ọgua ediọn, ọ keghi ya uki eha mobọ gu avbe emwa ni guan, ọ keghi gu iran gha muan ẹmwẹ, ọ kegha ho ne ọ fi iran ekhọe werriẹ ghe ẹmwẹ Arriọba Osanobua.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Iwinna 8:12

Sokpan iran ghi ya ikporhu e Filip yi, ikporhu ọghe Iyẹn Ne ọ maa ọghe Arriọba Osanobua kevbe eni Jesu Kristi, a kegha sa amẹ ne iran, ke ikpia kevbe ikhuo.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Diuteronomi 9:18

I na vbe dọlegbe mu ẹko rhu otọ la avan iyeva ke asọn iyeva vbe odaro e Nọyaẹnmwa, I ma re, I ma da. I ru ọna rhunmwuda, wa ru orukhọ ghe Nọyaẹnmwa nẹ, wa keghi ya ẹe mu ohu.

Diuteronomi 9:9

Mẹ hin uhunmwu oke ne I ya viọ avbe uhanhan okuta ne a gbẹnnẹ ile ne Nọyaẹnmwa gu uwa ta yi, I keghi gbe asọn iyeva kevbe avan iyeva vbe evba, I ma re, I ma da.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

I Tẹsalonaika 2:12

Ma rhie ẹtin ye uwa iwu, ma fu uwa ẹko rre, ma kegha kan rẹn ye uwa ehọ wẹ, ne uwa gha yin vbene ọ gha yẹ Osanobua, ọmwa ne ọ tie uwa ne uwa do gu irẹn ghae, vbe Arriọba kevbe uyi ẹre.

I Jọn 1:1

Ẹmwẹ arrọọ ne ọ wa rrọọ ke omuhẹn gha dee, ọre ima gbẹn ebe ẹre gie uwa na. Ma họẹn nẹ, ma ye aro ima miẹn ọẹn, vbe ẹmwata, te ima miẹn ọẹn, ma na vbe ye obọ kan rẹn.