Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Iwinna 1:24 - Edo Bible (E Baibol Ẹdo) Version 1996

24 Rhunmwuda ọnii iran keghi na erhunmwu wẹẹ, “Nọyaẹnmwa wẹ rẹn ekhọe emwa hia. Rhunmwuda ọnii Nọyaẹnmwa rhie ne u hannọ zẹ vbe uwu iran eva na ma ima.

အခန်းကိုကြည့်ပါ။ ကော်ပီ




Iwinna 1:24
24 ပူးပေါင်းရင်းမြစ်များ  

u ghi họn erhunmwu iran. U ghi danmwehọ iran vbe owa ruẹ vbe ẹrinmwi, u ghi ya orukhọ bọ iran ne u guan yọ. Wẹ ọkpa kẹkan ọre ọ rẹn emwi ne ọ rre emwa hia ekhọe. Ru ne dọmwadẹ ọghọe zẹ vbene ọ khẹ ke ẹe.


Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.


Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.


wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.


Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.


Emwa ẹvbo iran ni wulo nẹ i sẹtin rhie emwi ni rre ehe ne iran ye lẹre ne Nọyaẹnmwa, vbe ọmwa nagbọn ra na sẹtin rhie iro ekhọe ẹre lẹre ne Nọyaẹnmwa, hẹ?


Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”


Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”


Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.


“E Nọyaẹnmwa ne Osanobua, ehe ne arrọọ hia ke rre, lahọ zẹ ọmwa ne ọ gha sẹtin su emwa na.


Jesu keghi khama iran wẹẹ, “Wa na ọre ọ rhie egbe ma emwa ne agbọn zẹ vbe emwata, sokpan Osanobua rẹn ekhọe uwa. Rhunmwuda, emwi ne emwa ne agbọn ghe gẹdẹgbẹ, ọ ma sẹ emwi rhọkpa vbe odaro Osanobua.


Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.


Iran keghi mannọ ọdiọn lele dọmwadẹ esọsi ne iran. Iran keghi ye aguẹ kevbe erhunmwu rhie iran yan Nọyaẹnmwa ne iran mu ẹtin yan obọ.


Osanobua ne ọ rẹn ekhọe emwa ne agbọn keghi rhie maa wẹ rẹn rhan obọ miẹn iran vbe ekpa ne Ọ na rhie Orhiọn Ne Ọ Huanrẹn ne iran zẹ vbene ọ vbe rhie ne ima.


Iran viọ iran gie avbe ukọ, iran keghi na erhunmwu ne iran, iran na viọ obọ yan iran uhunmwu.


Osanobua ne ọ sẹtin bẹghe uwu ekhọe emwa ne agbọn. rẹn emwi ne nene Orhiọn mu roro, rhunmwuda, te nene Orhiọn rinmwian ne emwa rẹn vbe ehe ne Osanobua ye, zẹ vbe ne ọ gua emwi ne irẹn ho ro.


Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.


I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.


E Sọl keghi tama e Nọyaẹnmwa ne Osanobua Izrẹl, “Ya uta rhie ewanniẹn mẹ. A deghẹ Jonatan ra mẹ ọ re ọ ba emwi ku ru, u ghi mu Urim, sokpan, a deghẹ ivbi Izrẹl ne emwa ruẹn nọ, u ghi mu e Tumin.” Ewanniẹn keghi rhie ma wẹ e Jonatan kevbe Sọl nọ, ọ keghi zẹ orhue ne avbe emwa ni gbe.


Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ