Iwinna 1:2 - Edo Bible (E Baibol Ẹdo) Version 1996

² Ya sẹ ẹdẹ ne a tọn ẹn mu gha rrie odukhunmwu, ọ keghi ya ẹtin Orhiọn Ne Ọ Huanrẹn yi iyi ne avbe emwa ne irẹn hannọ zẹ ya ru ukọ ẹre.

Iwinna 1:2 ပူးပေါင်းရင်းမြစ်များ

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 48:16

“Banbanna nian, wa sikẹ mwẹ ne uwa họn ẹmwẹ ne I guan. Ke omuhẹn gha dee, te iwa ta ẹmwẹ mwẹ vbe azagba I keghi vbe gha ru ẹe ne ẹmwẹ mwẹ sẹ.” (Banbanna nian, e Nọyaẹnmwa ne Udazi rhie ẹtin ẹnrẹn mẹ nẹ, ọ na gie mwẹ.)

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Matiu 12:28

Sokpan Orhiọn Osanobua ọre ọ rhie asẹ mẹ ne I ya gha khulo orhiọn esu ladian, ọ ni rhie ma nian ighe Arriọba Osanobua rre ke uwa yi nẹ.

Matiu 3:16

Ugbẹn vbe a ghi samẹn ne Jesu nẹ, vbene ọ wa ladian vbe uwu amẹ, ẹrinmwi keghi kie ye otọ, rẹn keghi miẹn Orhiọn Osanobua vbe ọ tuorre, ọ yevbe idu, ọ keghi rhuẹ yan rẹn.

Iyẹn ne ọ Maan Ọghe Mak 6:30

Avbe erhuanegbe ghi werriegbe rre, iran bu Jesu gha khian. Iran keghi na iyẹn emwi ne iran ru kevbe ne iran ma emwa re ma rẹn.

Iyẹn ne ọ Maan Ọghe Luk 24:51

Vbene ọ wa fiangbe iran ni, ọ kpao sẹ iran rae, a keghi tọn ẹn mu gha rrie odukhunmwu vbe ẹrinmwi.

Iyẹn ne ọ Maan Ọghe Luk 9:51

Ẹghẹ ghi bu otọ nẹ ne a gha ya tọn Jesu mu dọlegbe gha rrie ẹrinmwi, rẹn keghi wa mu egbe ẹre, ọ na mu uhunmwu da Jerusalẹm.

Iyẹn ne ọ Maan Ọghe Jọn 1:16

Uwu uvuọnmwẹ ẹsọhẹ ọghọe, ọre ọ na fiangbe ima hia, ọ na gha kun afiangbe yan afiangbe ne ima.

Iyẹn ne ọ Maan Ọghe Jọn 13:1

A ghi tie ẹre akhuẹ ọrọre Emwiukpo Alagberra, Jesu rẹn nẹ wẹ ẹghẹ sẹe nẹ ne irẹn gha ya kpao vbe agbọn na ne ọ bu Evbavba gha khian. Ọ kakabọ ho ẹmwẹ iran ni re ọghọe vbe agbọn na, te ọ wa ho ẹmwẹ iran ya sẹ ufomwẹ.

Iyẹn ne ọ Maan Ọghe Jọn 13:18

“Ẹ i re uwa hia I kha. Mẹ rẹn iran ne I mẹ hannọ zẹ. sokpan ẹ i mwẹ ne ẹmwẹ ne ebe ne ọ huanrẹn khare ghẹ sẹ wẹ, ‘Ọmwa ne ọ re vbe evbare mwẹ mu aro igbinna da mwẹ.’

Iyẹn ne ọ Maan Ọghe Jọn 13:3

Jesu rẹnrẹn ighe asẹ hia ọre Evbavba wa rhie ne irẹn, ọ rẹnrẹn ighe ehe ne Osanobua ye ọre irẹn ke gha dee, kevbe wẹ te irẹn vbe bu Osanobua khian.

Iyẹn ne ọ Maan Ọghe Jọn 16:28

Ọ ghe Evbavba mẹ ke gha dee, I na gha die agbọn na, banbanna nian, I ra vbe kpao vbe agbọn na ne I bu Evbavba.”

Iyẹn ne ọ Maan Ọghe Jọn 17:13

Banbanna nian, I bu ruẹ dee. Te I guan ẹmwẹ na vbe agbọn, ne ọyẹnmwẹ mwẹ miẹn ehe na gha sẹ iran, ọyẹnmwẹ ne ọ sẹ otọ ẹko.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iyẹn ne ọ Maan Ọghe Jọn 20:21

Jesu keghi vbe dọlegbe tama iran wẹẹ, “Ọfumwegbe gu uwa rrọọ. zẹ vbene Evbavba gie mwẹ, erriọ mẹ vbe gie uwa.”

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iyẹn ne ọ Maan Ọghe Jọn 6:62

A deghẹ wa ghi miẹn wẹ Ovbi Ọmwa dọlegbe gha rrie odukhunmwu vbe ehe ne ọ ka ye yi vbo?

Iyẹn ne ọ Maan Ọghe Jọn 6:70

Jesu wanniẹn tama iran wẹẹ, “Ẹ i re imẹ ọre ọ tobọ mwẹ hannọ uwa iweva zẹ? Sevba esu ọre ọkpa vbe uwu uwa khin!”

Iwinna 1:11

Iran wẹẹ, “Ivbi e Galili, vbe uwa na mudia ye evba tan aro ye iso hẹ yi? Jesu na ne a tọn mu hin ehe ne uwa ye rre gha rrie ẹrinmwi, gha vbe werriegbe rre zẹ vbene uwa miẹn ọẹn vbe ọ rrie ẹrinmwi na.”

Iwinna 1:13

Iran la Jerusalẹm, iran kegha rrie owa ne iran dia: Pita, Jọn, Jems, kevbe Andru, Filip kevbe Tọmọs kevbe Batolomiu kevbe Matiu, Jems ne ovbi Alfiọs, Saimọn, ne ọya a ya sinmwi ẹvbo ọmwa, kevbe Judas ne ovbi e Jems.

Iwinna 1:9

Ọ ghi guan ẹmwẹ na nẹ, a keghi tọn mu gha rrie ẹrinmwi vbe iran wa ghe ẹre. Okuku keghi degue ẹre vbe ne iran ma ghi na sẹtin dẹghe ẹre ọvbehe.

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Galatia 1:1

E Pọl, ọmwa ne a miẹn wẹ, ẹ i re obọ ọmwa ọre ọ ke rre, ẹ i re ọmwa ọre a gie vbe a tie ẹre ne ọ do gha re ukọ, vbe ẹ i re Jesu Kristi kevbe Osanobua ne Evbavba, ne ọ huẹn ọnrẹn kpaegbe vbe idin, ọre ọ gbẹn ebe na rre.

Ẹfisọs 2:20

Wa tobọ uwa, ẹyotọ ne a vbe ukọ kevbe avbe akhasẹ gbe, ọre a bọ uwa yan, okuta ne a bọ ẹe yan keghi re Kristi Jesu tobọ ẹre.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

Hibru 9:24

Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.

II Pita 3:2

I ho ne uwa ye avbe ẹmwẹ ne avbe akhasẹ tae ẹghẹ ne ọ kpẹe fua kevbe avbe iyi ni ke obọ Nọyaẹnmwa kevbe Ọmiọnmwafan mwa rre, zẹ vbene a vbe ukọ tae ma uwa.

Arhie Maan 1:1

Emwi ne a gbẹn ye ebe na ọrọre avbe emwi ne Jesu Kristi viọ ne a miẹn. Osanobua ọre ọ viọ avbe emwi na nẹẹn ne ọ viọ ma avbe eguọmwadia Osanobua, avbe emwi ne ọ ra do sunu vbe ọ ma he kpẹe. Jesu keghi gie odibosa ne ọ ya viọ avbe emwi na ma e Jọn ne ọguọmwadia ẹre.

Arhie Maan 2:11

“Adeghẹ u mwẹ ehọ khekherriọ, u ghi danmwehọ ẹmwẹ ne Orhiọn tama avbe esọsi. Iran ni khọnmiotọ, uwu ne ogieva i ghi ra kuan iran ọvbehe.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.

Arhie Maan 2:29

“Adeghẹ u mwẹ ehọ, danmwehọ ẹmwẹ ne Orhiọn tama avbe esọsi.

Arhie Maan 2:7

“Rhunmwuda ọnii, a deghẹ u mwẹ ehọ khekherriọ, u ghi họn ẹmwẹ ne Orhiọn tama avbe esọsi. “Avbe emwa ni khọnmiotọ nẹ, I gha rhie asẹ ne iran ne iran ya re vbe ọmọ erhan ẹfe ni, ne ọ zọ re vbe uwu ogba ọghe Osanobua.

Arhie Maan 21:14

A keghi vbe gbe ẹyotọ ekẹn ẹvbo ni yan okuta iweva ne avbe gbẹnnẹ eni avbe ukọ iweva ọghe nene Oteghe Ohuan yi.

Arhie Maan 3:13

“A deghẹ u mwẹ ehọ khekherriọ, danmwehọ ẹmwẹ ne Orhiọn tama avbe esọsi.

Arhie Maan 3:16

Sokpan rhunmwuda ighẹ tu u ye rẹghẹrẹghẹ, u i mwẹ oghae, u ma furre, te I ghi ra tu uẹ fua vbe unu mwẹ na.

Arhie Maan 3:22

“Adeghẹ u mwẹ ehọ danmwehọ ẹmwẹ ne Orhiọn tama avbe esọsi.”