Iwinna 1:16 - Edo Bible (E Baibol Ẹdo) Version 1996

¹⁶ “Wa ne etẹn mwẹ: Ẹ i mwẹ ne ẹmwẹ ne ebe ta ẹe ghẹ sẹ zẹ vbene Orhiọn Ne Ọ Huanrẹn la unu Devid ta ẹe ye otọ ighe ẹmwẹ Judas ne ọ ma iran ni do mu Jesu odẹ.

Iwinna 1:16 ပူးပေါင်းရင်းမြစ်များ

II Samuẹl 23:2

Orhiọn e Nọyaẹnmwa guan la unu mwẹ rre, uhunmwu ne ọ gie rre akhuarhamwunu mwẹ.

II Ọba 15:12

Erriọ ọ re eyan ne Nọyaẹnmwa yan ma e Jehu na do sẹ wẹẹ, “Ivbi uẹ gha rriọba vbe Izrẹl ya sẹ orre ne ogienẹ.”

Psalm 41:9

Uhin wẹ osẹ mwẹ ne ọ sikẹ mwẹ sẹẹ, ọmwa ne I mu ẹtin yan sẹẹ ọmwa ne ọ re vbe evbare mwẹ te ọ ghi mu aro da mwẹ.

Matiu 26:14

Ẹkpo nii ọre ọkpa vbe uwu iran ne erhuanegbe iweva, ne a tie ẹre Judas Iskariọt na bu avbe igie ohẹn gha khian.

Matiu 26:47

Vbene ọ wa guan nii, Judas, ọkpa vbe uwu iran ne iweva keghi rre. Emwa ni bun ni viọ orhokhua kevbe umozo mwẹ keghi lele ẹe, iran na kegha re emwa ne a gie ke ọ ghe igie ohẹn kevbe ediọn avbe Ju gha dee.

Matiu 26:54

Sokpan ọ gha ye rriọ, vbe ẹmwẹ Ebe ghi ra na sẹ hẹ wẹẹ emwi hia gha sunu vbe ne a ru ẹe na?”

Matiu 26:56

Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.

Iyẹn ne ọ Maan Ọghe Mak 12:36

Orhiọn Ne Ọ Huanrẹn rhie ẹre ye Devid unu ne ọ tae wẹẹ, “ ‘Nọyaẹnmwa khama Nọyaẹnmwa, Tota ye obọ erha ọmwa mwẹ, mẹ te do viọ avbe eghian ruẹn, ye uwẹ atataowẹ.’

Iyẹn ne ọ Maan Ọghe Mak 14:43

Te Jesu he wa ye guan vbe Judas, ọkpa vbe uwu iran ne iweva sẹ evba. Emwa ne avbe igie ohẹn, kevbe iran ni ma emwa Uhi kevbe avbe ediọn gie, keghi viọ umozo kevbe orhokhua mwẹ obọ lele ẹe gha dee.

Iyẹn ne ọ Maan Ọghe Luk 22:47

Vbene ọ wa guan ni, emwa ni bun keghi rre, “Judas, ọkpa vbe uwu iran ne iweva ọ re ọ ma iran odẹ, ọ keghi bu Jesu gha dee ne ọ do mu unu soso ẹre unu.

Iyẹn ne ọ Maan Ọghe Jọn 10:35

Ma rẹnrẹn wẹ ẹmwẹ ne ebe ne ọ huanrẹn tae, ẹmwata ẹtẹbitẹghori ọre nọ. Osanobua tie iran ne a rhie ẹmwẹ ọnrẹn na, Osanobua.

Iyẹn ne ọ Maan Ọghe Jọn 13:18

“Ẹ i re uwa hia I kha. Mẹ rẹn iran ne I mẹ hannọ zẹ. sokpan ẹ i mwẹ ne ẹmwẹ ne ebe ne ọ huanrẹn khare ghẹ sẹ wẹ, ‘Ọmwa ne ọ re vbe evbare mwẹ mu aro igbinna da mwẹ.’

Iyẹn ne ọ Maan Ọghe Jọn 17:12

Ẹghẹ ne I na gha gu iran rrọ, ẹtin eni ruẹn ọre I ya tan ifuẹn gue iran, eni ne u mu mẹ nii, I gele tan ifuẹn gue iran, a ma miẹn ne ọ fuan vbọ, gberra ọkpa nii ne a wẹ te ọ ra fuan, ne ẹmwẹ ne ebe ne ọ huanrẹn ta ẹe miẹn ehe na sẹ.

Iyẹn ne ọ Maan Ọghe Jọn 19:36

A ru emwi na ne ẹmwẹ ne ebe ne ọ huanrẹn ta ẹe miẹn ehe na sẹ wẹ, “A i ra vbiolo ẹre ugboloko hiehie.”

Iwinna 1:20

“Rhunmwuda a gbẹn ọẹn ye ebe Psalm, “ ‘Te owa ẹre gha dihoi rua, a i gha miẹn ọmwa ne ọ gha diẹe ya.’ A ye vbe gbẹn ọẹn ye ihe ọvbehe wẹẹ: ‘Te ọmwa ọvbehe gha rhie ihe ẹre vbe iwinna.’

Iwinna 13:15

Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.”

Iwinna 13:38

Wa hia fẹrẹ, wa ne etẹn mwẹ, Ọ kere ne uwa rẹn nian vbe ne aro na da ẹe wẹ, Jesu ọre a la obọ ẹre rhie iyẹn a ya orukhọ bọ, bu uwa gha dee. Wa ghi vbe rẹn wẹ ọmwaikọmwa ne ọ yae yi, a fan ẹn fua nẹ hin obọ orukhọ hia rre, ehe ne Uhi e Mosis ma na sẹtin fannọ uwa kua.

Iwinna 15:13

Ugbẹn iran ghi dobọ ẹmwẹ ne a guan yi, Jems keghi kha wẹẹ, “Etẹn, wa danmwehọ mwẹ.

Iwinna 15:7

Ugbẹn vbe iran ghi zẹ ta ẹe yo ta ẹe rre, Pita keghi kpaegbe ọ wẹẹ, “Etẹn mwẹ, wa rẹnrẹn wẹẹ vbe ẹghẹ ne ọ kpẹe fua, Osanobua zẹ mwẹ vbe uwu ẹbu uwa wẹ ne I ya kpe orhu ẹmwẹ Iyẹn Ne ọ maa ma iran ne ẹ i re Ju, ne iran miẹn ehe na họn ne iran vbe yayi.

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

Iwinna 22:1

“Ikpia, etẹn ne ikpia kevbe avbe erha mwa, wa danmwehọ mwẹ ne I zẹ ene unu mwẹ ma uwa!”

Iwinna 23:1

Pọl keghi ziẹn aro ye emwa iko ni aro, ọ wẹẹ, “Etẹn mwẹ, orhiọn mwẹ ma bu abe gbe mwẹ hiehiere vbene uyinmwẹ mwẹ ye hẹ vbe odaro Osanobua do sẹ ẹdẹnẹrẹ na.”

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”

Iwinna 28:17

Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

Iwinna 28:25

Ẹmwẹ iran ma ghi gu egbe ro, sokpan vbe iran ghi te kpao, Pọl keghi ta ẹmwẹ ọkpa na ma iran wẹẹ, “Ẹmwata ọre ẹmwẹ ne Orhiọn Ne Ọ Huanrẹn la unu akhasẹ Aizaia tama avbe erha uwa odede wa khin wẹẹ,

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.

II Pita 2:21

Ọ te wa ma ne iran, ne iran ghẹ i zẹdẹ rẹn odẹ ẹmwata, sẹẹ ne a miẹn wẹ ugbẹn vbe iran ghi vbe rẹn ọnrẹn nẹ, ne iran fi iyeke gbe avbe iyi ne ọ huanrẹn ne a yi ma iran.