Iwinna 1:15 - Edo Bible (E Baibol Ẹdo) Version 1996

¹⁵ Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 1:15 ပူးပေါင်းရင်းမြစ်များ

Matiu 13:31

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe ọmọ erhan mọstad ne ọ re ne ọ kanmwa sẹ vbe uwu avbe ọmọ erhan hia.

Iyẹn ne ọ Maan Ọghe Luk 22:32

Sokpan mẹ na erhunmwu nuẹn nẹ Saimọn ne iyayi ruẹ ghẹ i fira, u gha ghi hinmwian bu mwẹ rre nẹ, u ghi rhie ẹtin ye avbe etuẹn iwu.”

Iyẹn ne ọ Maan Ọghe Jọn 14:12

Ẹmwata ọre I tama uwa, ọmwa ne ọ ya mwẹ yi, Ọ gha winna iwinna ne imẹ winnaẹn. Vbe ẹmwata ogha winna iwinna ni sẹ enena, rhunmwuda mẹ rrie ehe ne Evbavba ye.

Iyẹn ne ọ Maan Ọghe Jọn 21:23

Iran keghi wa rhunmwuda ọnii gha ta ẹe khian vbe uwu ẹbu avbe erhuanegbe wẹ rẹn i ra wu: Sokpan Jesu ma kha ighẹ ẹ i ra wu, emwi ne ọ khare ọre wẹ, “Deghẹ I ho ne ọ gha rre agbọn I te do rre, de ne ọ kan ruẹn vbọ?”

Iwinna 10:23

Pita keghi viọ emwa ni la owa iran na gbe asọn nii vbe evba. Ẹdẹ ghi gbe, rẹn keghi mu egbe, ọ na lele iran, eso vbe uwu avbe etẹn ni rre Jopa kevbe lele ẹe gha khian.

Iwinna 11:1

Avbe Apọsol kevbe etẹn ni rre otọ Judia hia keghi họn ighẹ avbe iran ne ẹ i re Ju vbe rhan obọ miẹn ẹmwẹ Osanobua.

Iwinna 11:12

Orhiọn keghi tama mwẹ wẹ ne I lele iran vbe ne a i na gbe ọkhọn mwẹ ẹ i khọn mwẹ. Avbe etẹn ima ne ehan na vbe lele mwẹ gha rrie Sisaria, ma hia keghi la owa Kọniliọs.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 11:29

Avbe erhuanegbe keghi ta ẹe wẹ dọmwadẹ ọghọe vbe uwu iran gha rhie vbene obọ ẹre sẹe ya ru iyobọ gie etẹn iran ni rre Judia.

Iwinna 12:17

Ọ keghi ye obọ gbe iran ekhakha wẹ ne iran gie a họn ẹmwẹ ọ keghi do rhan otọ vbene Nọyaẹnmwa ya rhie irẹn ke uwu ẹwẹdọ ladian hẹ ma iran. Ọ keghi tama iran we wa ghi na iyẹn ma Jems kevbe iran ne etẹn nekpa. Rẹn keghi kpao gha rrie ehe ọvbehe.

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 15:1

Emwa eso keghi ke Judia gha die Antiọk, iran keghi suẹn gha ma avbe etẹn emwi wẹẹ, “Vbe ẹ i re te uwa rhuẹre vbene Uhi e Mosis khare, wa i sẹtin miẹn imiẹnfan.”

Iwinna 15:3

Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn.

Iwinna 16:2

Etẹn hia ni rre Listra kevbe Aikọniọm keghi wa gha so eni Timoti ne ọ maa.

Iwinna 16:40

Pọl kevbe Sailas, keghi ke uwu ẹwẹdọ ladian, iran na gha rrie owa Lidia. Iran keghi do vba avbe etẹn vbe evba, iran ghi rhie igiẹdu ne iran ne iran nẹ, iran na kpao.

Iwinna 17:10

Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju.

Iwinna 17:14

Vbe ọwarọkpa nii, avbe etẹn keghi wa rhie Pọl gha rrie eghute, sokpan Sailas kevbe Timoti keghi ye gha rre Bẹrea.

Iwinna 17:6

Ugbẹn vbe iran ma miẹn iran, iran keghi si Jasin deba eso vbe uwu avbe etẹn bu iran ni khaemwisẹ gha khian, iran keghi wa gha goo wẹẹ, “Iran na si otighi gba ehe hia, iran vbe gha die ẹvbo ima nian,

Iwinna 18:18

Pọl keghi gu avbe etẹn tota vbe ikpẹdẹ ni bun, ọ keghi kpao vbe ehe ne iran ye, ọ keghi viọ Priskila kevbe Akuila ba egbe, iran keghi la okọ gha die Siria. Vbe iran te la okọ kpao vbe Sinkra, ọ keghi ye egbe ye ulamwẹ, ọ na khiokhio eto mu otọ.

Iwinna 18:27

Apọlọs keghi wẹ rẹn rrie Gris, rhunmwuda ọnii, emwa niyayi ni rre Ẹfisọs keghi ye ọre obọ vbekpa ne iran na gbẹn ebe gie etẹn iran ni rre Gris wẹ ne iran miẹn rẹn yi vbe odọ ni. Ugbẹn vbe irẹn ghi rre, ọ kegha re emwi iyobọ nọkhua ne iran hia ni la ekpa ẹsọhẹ Osanobua khian eniyayi.

Iwinna 21:17

Ma ghi sẹ Jerusalẹm, avbe etẹn keghi wa ghọghọ mu ima.

Iwinna 21:20

Iran ghi danmwehọ ẹre nẹ, iran keghi rho Osanobua vbe uyi. Iyeke ọnii, iran keghi tama Pọl wẹẹ, “Ọtẹn mwa, wẹ tobọ miẹn vbene emwi hia ye hẹ. Arriaisẹn arriaisẹn ọre emwa e Ju ni he yayi wa khin, deba ẹre, te iran wa he gba Uhi mu obọ gbangbaangban.

Iwinna 21:7

Ma keghi deyan okhian ma na gua ke Taia gha rrie Pitolemais ehe ne ima na ya van tuẹ avbe etẹn, a keghi vbe gu iran gbe ikpẹdẹ ọkpa.

Iwinna 22:5

Ogie Ohẹn kevbe iran ne emwa iko gha rẹn ighẹ ẹmwata ọre I ta. Iran ọre I miẹn ẹre ebe ne a rhie gie avbe Ju ne etẹn mwa ni rre Damaskọs, ọre I na gha khian ne I ya munọ emwa na, ne I ya eghan gbalọ iran hẹ gha die Jerusalẹm ne a do rri iran oya.

Iwinna 28:14

Ma keghi miẹn ivbi iyayi eso vbe evba, iran na wẹ ne ima gu iran gbe uzọla ọkpa. Iyeke ọnii ma ke do sẹ e Rom.

I Kọrinti 15:6

Iyeke ọnii, ọ rhie egbe ma iran ne ọ yan iyisẹn isẹn vbe uwu iran ni lele ẹe khian vbe ẹghẹ ọkpa nii, ni bun sẹẹ vbe uwu iran ye rre agbọn, a gha rhe miẹn wẹ eso wulo nẹ vbọ.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.

Arhie Maan 3:4

Sokpan ihozẹghẹ eso rre uwu uwa vbe Sadis ni ma ya iruẹn ye ukpọn iran. Wa gha lele mwẹ khian, a ghi yọ uwa ẹwu nọfua rhunmwuda wa sẹe ne ọ gha ru vberriọ.