Iwinna 1:13 - Edo Bible (E Baibol Ẹdo) Version 1996

¹³ Iran la Jerusalẹm, iran kegha rrie owa ne iran dia: Pita, Jọn, Jems, kevbe Andru, Filip kevbe Tọmọs kevbe Batolomiu kevbe Matiu, Jems ne ovbi Alfiọs, Saimọn, ne ọya a ya sinmwi ẹvbo ọmwa, kevbe Judas ne ovbi e Jems.

Iwinna 1:13 ပူးပေါင်းရင်းမြစ်များ

Matiu 9:9

Jesu keghi kpao vbe evba rre, ugbẹn vbe ọ ghi khian ọ miẹn okpia ọkpa ne a tiẹre Matiu, ọ tota ye ehe ne ọ na koko igho uhunmwu. Ọ keghi khama rẹn wẹẹ, “Lele mwẹ.” Matiu keghi guakpao, ọ na lelẹe.

Iyẹn ne ọ Maan Ọghe Mak 14:15

Ọ gha ma uwa Ọgua ọkpa vbe egedege, a mwamwa ẹn ye otọ, a wa vbe te ẹre egbe, evba nii wa gha viọ emwi hia yi khẹ ima.”

Iyẹn ne ọ Maan Ọghe Mak 14:33

Ọ keghi rhie Pita, Jems kevbe Jọn ba egbe. Egbe hia keghi wa gha mannọ ẹn.

Iyẹn ne ọ Maan Ọghe Mak 2:14

Vbene ọ wa khian nii, rẹn keghi bẹghe Livai ne ovbi Alfiọs, ọ tota vbe ehe ne ọ na koko igho uhunmwu. Jesu khama rẹn wẹ, “Lele mwẹ” Livai keghi kpaegbe, ọ keghi lele ẹe.

Iyẹn ne ọ Maan Ọghe Mak 5:37

Ọ ma ghi gie ọmwa rhọkpa lele ẹe gberra Pita, Jems kevbe Jọn ne ọtẹn ọnrẹn.

Iyẹn ne ọ Maan Ọghe Mak 9:2

Ikpẹdẹ ehan ghi gberra nẹ, Jesu keghi rhie Pita, Jems kevbe Jọn ba egbe, iran ọkpa kegha rrie uhunmwu oke ne ọ yo. Ọ keghi sirra iran gha fi werriẹ.

Iyẹn ne ọ Maan Ọghe Luk 22:12

Rẹn gha ma uwa ughugha ọkpa ne a mwamwa ye otọ vbe egedege, wa mwamwa emwi hia ye evba.”

Iyẹn ne ọ Maan Ọghe Jọn 11:16

Tọmọs (ne Ivin Eva) ke tama avbe erhuanegbe ne ihua ẹre wẹẹ, “Wa gie ima hia lele Ọmamwaemwi gha khian ne a ya wu lele ẹe!”

Iyẹn ne ọ Maan Ọghe Jọn 14:22

Judas (ẹ i re Judas Iskariọt) keghi wanniẹn wẹẹ, “Nọyaẹnmwa otọ ẹre vbo ne a gha na ya egbe ne ima miẹn vbene u i ra na ya egbe ne emwa ne agbọn miẹn?”

Iyẹn ne ọ Maan Ọghe Jọn 18:17

Ọvbokhan ne ọ rre onurho nii keghi khama Pita wẹẹ, “Ẹ i re ọkpa vbe uwu avbe erhuanegbe okpia na wẹ khin?” Pita wanniẹn wẹẹ, “Hiehie, I i re ọre.”

Iyẹn ne ọ Maan Ọghe Jọn 21:2

Saimọn Pita, Tọmọs, (ne Ivin eva), Nataniẹl (ne ovbi e Kana ne Galili), avbe ivbi Zẹbede kevbe eva ọvbehe vbe uwu avbe erhuanegbe Jesu kegha rre ihe ọkpa.

Iwinna 12:17

Ọ keghi ye obọ gbe iran ekhakha wẹ ne iran gie a họn ẹmwẹ ọ keghi do rhan otọ vbene Nọyaẹnmwa ya rhie irẹn ke uwu ẹwẹdọ ladian hẹ ma iran. Ọ keghi tama iran we wa ghi na iyẹn ma Jems kevbe iran ne etẹn nekpa. Rẹn keghi kpao gha rrie ehe ọvbehe.

Iwinna 15:13

Ugbẹn iran ghi dobọ ẹmwẹ ne a guan yi, Jems keghi kha wẹẹ, “Etẹn, wa danmwehọ mwẹ.

Iwinna 2:14

Ẹghẹ ni ọre Pita ghi na guakpao, ke irẹn kevbe avbe Ukọ ne owọrọ nekpa, ọ keghi tọn urhu mu ya gu iran guan: “Wa ne Ju ne ihomwa, kevbe uwa hia ni rre Jerusalẹm, wa danmwehọ, ne I tama uwa emwi ne a ya avbe emwi na kha.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 20:8

Ukpa keghi wa bun vbe egedege nii vbe ehe ne ima gha ye.

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Iwinna 4:19

Sokpan Pita kevbe Jọn zẹ wanniẹn iran wẹ, “Wa tobọ uwa ta ne ọ maa sẹ vbọ vbe odaro Osanobua, ne a ru ne uwa khare ra ne a ru ne Osanobua khare?

I Kọrinti 15:7

Vbe iyeke ọnii, ọ keghi rhie egbe ma Jems, vbe iyeke ọnii, ọ rhie egbe ma iran ne ukọ hia.

Galatia 1:19

Ima ghi vbe miẹn ukọ ọvbehe rhọkpa gberra Jems ne ọtẹn Nọyaẹnmwa.

Galatia 2:9

Jems Pita vbe Jọn, ni ye vbe avbe ọkaolotu, wa miẹn wẹ, te Osanobua rhie iwinna kpataki na mẹ, iran keghi so imẹ vbe Banabas obọ, zẹ vbe ogieva egbe, ma keghi tae wẹ ma gha winna vbe uwu avbe iran ne ẹ i re Ju, ne iran gha winna vbe uwu avbe Ju.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.

II Jọn 1:1

Ọmwa nii ne ọre Ediọn ọre ọ gbẹn ebe na gie okpokhuo nii, ke ẹe kevbe ivbi ẹre ne I ho ẹmwẹ ọnrẹn ẹsẹse. Ẹ i re mẹ ọkpa, sokpan emwa hia ne ọ ghi rẹn ẹmwata nẹ, ọre ọho ẹmwẹ ruẹn.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.