Iwinna 1:12 - Edo Bible (E Baibol Ẹdo) Version 1996

¹² Vbe iyeke ọnii, avbe ukọ keghi werriegbe ke uhunmwu oke Ọliv rre, ne ọ re omwa ukhiọnmwẹ ibiriki gha rrie Jerusalẹm.

Iwinna 1:12 ပူးပေါင်းရင်းမြစ်များ

Zẹkaraia 14:4

Ọ gha sẹ ẹghẹ nii, ọ gha mudia ye Oke Ọliv ne ọ rre odẹ ahọ ọghe Jerusalẹm, ẹghẹ nii iya nọkhua ghi gia Oke Ọliv ye ihe eva ke odẹ ahọ ya sẹ orrie. Ukhiọnmwẹ ọkpa vbọ ghi laghe odẹ okuọ, ukhiọnmwẹ nọkpa ghi laghe odẹ ekẹn.

Matiu 21:1

Iran ghi bu Jerusalẹm iran keghi do sẹ Bẹtfag vbe Oke Ọliv. Evba ọre Jesu ke gie eva vbe uwu avbe erhuanegbe ẹre ke odaro.

Matiu 24:20

Wa rinmwian Osanobua, ne ẹdẹ ulẹ ghẹ i de fi ẹghẹ okhuakhua ra Ẹdẹ Ikẹtin.

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Matiu 26:30

Iran keghi so ihuan ọkpa, iran na gha rrie uhunmwu Oke Ọliv.

Iyẹn ne ọ Maan Ọghe Luk 19:29

Ọ ghi sikẹ Bẹtfag kevbe Bẹtani ni rre uhunmwu oke erhan Ọliv, ọ keghi gie erhuanegbe eva ke odaro.

Iyẹn ne ọ Maan Ọghe Luk 21:37

Jesu keghi wa ya ẹghẹ ni hia gha ma emwa emwi vbe uwu Ọgua Osa, ọ ghẹ ghi sẹ ota, ọ ghi ya dia uhunmwu oke Ọliv ya vbe asọn hia.

Iyẹn ne ọ Maan Ọghe Luk 24:50

Ọ keghi viọ iran ladian ke ore ẹvbo ya sẹ Bẹtani, ehe ne ọ na viọ obọ ghe odukhunmwu, ọ keghi fiangbe iran.

Iyẹn ne ọ Maan Ọghe Luk 24:52

Iran keghi ya uhunmwu rhanmwẹ otọ nẹẹn, iran na dọlegbe gha rrie Jerusalẹm. Iran vuọn ne oghọghọ nọkhua.

Iyẹn ne ọ Maan Ọghe Jọn 11:18

Ke Bẹtani gha rrie Jerusalẹm ma sẹ Ibiriki eva fo.