Itan 9:8 - Edo Bible (E Baibol Ẹdo) Version 1996

⁸ Ghẹ tama ọmwa ne ọ wẹ rẹn wa rẹn fo ighe ọ ba emwi ku ru, te ọ ra gha mu ohu ruẹ yọ. Sokpan, u gha tama umẹwaẹn ighe ọ ba emwi ku ru, ọ ghi gha ya ọghọ ne uẹn.

Itan 9:8 ပူးပေါင်းရင်းမြစ်များ

I Ọba 1:23

Vbe a do tama ọba wẹ e Natan ne akhasẹ rre. E Natan keghi la owa, ọ na vbokho uhunmwu rre ne ọba.

I Ọba 1:32

Ẹre Devid ne ọba na wẹẹ ne a tie Zadọk, e Natan kevbe Benaia rre. Iran ghi la owa,

I Ọba 22:8

Ehab keghi wanniẹn wẹẹ, “Ọkpa ye rrọọ, Makaia ne ovbi Imla, sokpan I i ho ẹmwẹ ọnrẹn rhunmwuda, ẹ i ta ẹmwẹ esi ma mwẹ, emwi dan nọ vbe ẹghẹ hia.” E Jehosiafat keghi wanniẹn wẹẹ, “Ghẹ kha vberriọ.”

Psalm 141:5

Ọmwa esi sẹtin gbe mwẹ hin ọkhọ rre, kevbe ne ọ vbe gunmwẹ gui vbe itohan, sokpan, mẹ i ra rhan obọ miẹn emwi ne emwa dan ya mu ọghọ yọmwẹ egbe, rhunmwuda, ekhọe hia mẹ ya mu erhunmwu kọ emwi dan ne iran ru.

Itan 1:5

Avbe itan na gha sẹtin rhie ba ẹwaẹn avbe umẹwaẹn, ọ ghi vbe ru igiodẹ ma emwa ni rẹn ehe.

Itan 10:8

Avbe umẹwaẹn ghi rhie vbe a gha bu iran ude esi. Emwa ni guan ẹmwẹ ukọnmwẹ gha fuan.

Itan 13:1

Ọmọ ne ọ wan ghi gha danmwehọ vbe erha ẹe a gha gu ẹe gui, sokpan, ọmwa ne ọ hio i miẹnkue ẹdẹdẹmwẹdẹ ighe rẹn ba emwi ku ru.

Itan 13:18

Ọmwa ne ẹ i ho ne ọ ruẹ emwi gha khian ovbiogue, ọ ghi vbe fa egbe ua. Ọmwaikọmwa ne ọ danmwehọ vbe a gha gu ẹe gui, te a ya ọghọ ne ẹẹn.

Itan 15:12

Emwa ni ghe ẹwẹe iran okpa i ho ne a ta emwi ne iran baku ru ma iran, iran i nọ wẹ ne ọmwa ne ọ wan sẹ iran bu iran ude ẹdẹdẹmwẹdẹ.

Itan 19:25

Ọ kere ne a rri ọmwa oya ye itengbemu, ne avbe iran ni ma vbe rẹn emwi gberra ọnii, sẹtin miẹn ọnii ya wan. Adeghẹ ọmọ ne ọ wan ọ re uwẹ khin, a gha guẹ gui, u ghi miẹn emwi ruẹ vbọ.

Itan 23:23

Emwata, ẹwaẹn, iruẹemwi, kevbe ẹwaẹn esi, ehia wa sẹ ne a ha osa yi, sokpan, emwi ighobioye ne ọ ma kei ne a khiẹn nọ.

Itan 23:9

Ghẹ gu ọzuọ zẹ iro agbọn, ẹ i zẹ yọ.

Itan 28:23

Gu ọmwa gui dia ẹre ye odẹ, vbe okiekie, ọ gha do yẹ ọ re sẹ aranmwẹ ne ọ kpe ọmwa ye ewọwọ.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 36:21

Emwa nii keghi wa hunwan zẹ vbene Hẹzekaia tama iran, iran ma vbe ta ukpẹmwẹ ọkpa.

Levitikọs 19:17

“Ghẹ mwẹ irhiaẹko ghe ọmwarhọkpa, sokpan guẹe dọlọ kugbe ne u ghẹ ya la ekpa ẹre mu orukhọ.

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Matiu 7:6

“Ghẹ rhie emwi nọhuanrẹn ne ekita, te ọ ra gha gbọọ ruẹ kẹkan. Ghẹ rhie emwi uzọmọ ye odaro esiebo, te ọ ra ya owẹ rri ẹe ginna otọ.