Itan 8:21 - Edo Bible (E Baibol Ẹdo) Version 1996

²¹ I ghi gha zẹ ẹfe ku iran ni ho ẹmwẹ mwẹ, I ghi ya ọmaa nagbọn vuọn iran owa.

Itan 8:21 ပူးပေါင်းရင်းမြစ်များ

Gẹnẹsis 15:14

Sokpan mẹ gha rri ẹvbo ne ọ ru iran emwi na oya, iran ghi miẹn iran emwi ẹfe ne ọ kpọlọ vbe iran a khian kpao vbe ọfumwegbe.

Psalm 16:11

Wẹ gha ma mwẹ odẹ ne ọ rriẹ arrọọ, I vuọn ne ọyẹnmwẹ rhunmwuda ighe u rre emwa na, u vbe rhie oghọghọ mẹ ẹdẹdẹmwẹdẹ.

Itan 1:13

Ma gha miẹn ẹfe ughughan nibun, ma ghi ya emwi ne a furu vuọn owa mwa.

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Itan 15:6

Ẹfe emwa esi ghi gha di iran obọ ya, sokpan, emwa dan ghi hẹ ọghe iran kua vbe ẹghẹ ne emwi hia na kan.

Itan 21:20

Avbe umẹwaẹn ghi gha rrọ vbe uwu ẹfe kevbe ọwọrhọwọrhọ, sokpan, avbe akpa, ẹgiẹgiẹ ọ re iran lo igho ne ọ la iran obọ.

Itan 24:4

Ehe ne irẹnmwi ye, emwi ighobioye ne mose ọ re a ya te avbe ughugha ni rrọọ.

Itan 6:31

Sokpan, a dẹghe a mu ẹẹn vbọ, ọ ghi ha osa ukhukhu ihinrọn yọ, ọ ghi zẹ emwi hia ne ọ mwẹ yọ.

Itan 8:18

I mwẹ uyi kevbe ẹfe ne I gha ya ru ẹse, agbọn nọ maa kevbe ọdunna ba ẹre.

Itan 8:20

Odẹ ẹmwata ọ re ime la khian, obẹlẹ uhunmwu ẹmwẹ ọ re I la,

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Ebe ne Pọl gbẹẹn gie emwa Rom 8:17

Vbene ima ghi na rre ivbi ẹre, afiangbe ẹre ne ọ rhie khẹ emwa rẹn, gha khian ọghomwa, ma ghi vbe gu Kristi gha mwẹ oghae vbe avbe emwi ne ọ hẹ khẹ ọre, rhunmwuda deghẹ ma ghae vbe oya Kristi, ma gha vbe ghae vbe uyi ẹre.

Hibru 10:34

Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

I Pita 1:4

Rhunmwuda ọnii, te ima ghi rhie aro ye odẹ wẹ, ọ gha sẹ ima obọ vbe afiangbe ọrhẹnrhẹn ne Osanobua rhie khẹ emwa rẹn. Ọ rhie ẹre hin rre khẹ uwa vbe ẹrinmwi, ehe ne ẹ i na sẹtin kẹkẹ na ne ọ rhia, ra ne ọ fafaa.

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.

I Samuẹl 2:8

Ọ tọn iran ne ẹ i mwẹ mu hin uwu usẹ iran rre. Ọ ya iran ru ihuan ivbi ọba, ọ keghi viọ iran ye ukpo uyi. E Nọyaẹnmwa ọ re ọ yan ẹyotọ agbọn na, uhunmwu iran ọ re ọ bọ agbọn yan.