Itan 8:20 - Edo Bible (E Baibol Ẹdo) Version 1996

²⁰ Odẹ ẹmwata ọ re ime la khian, obẹlẹ uhunmwu ẹmwẹ ọ re I la,

Itan 8:20 ပူးပေါင်းရင်းမြစ်များ

Psalm 23:3

Ọ fu ekhọe mwẹ egbe rre ọ su mwẹ vbe odẹ ẹmwata, rhunmwuda eni ẹnrẹn.

Psalm 32:8

E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.

Itan 2:20

Rhunmwuda ọnii u ghi gha ya egbe ta emwa esi ne u gha yin uyinmwẹ esi.

Itan 2:9

U gha rhie ehọ mẹ ta yi, u gha rẹn emwi ne ọ gbae, ne ọ kere kevbe ne ọ khẹke.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Itan 6:22

Emwi ne iran ma ruẹn re gha su uẹ vbe u a yo ehe, ọ gha degue ruẹ vbe asọn, ọ ghi vbe gha bu ruẹ ude vbe ẹghẹ avan.

Itan 8:19

Emwi ne u miẹn vbe obọ mwẹ maa sẹ igoru ne ọ ghi mose sẹẹ ehia, ọ maa sẹ esiliva ni huan sẹ ehia.

Itan 8:21

I ghi gha zẹ ẹfe ku iran ni ho ẹmwẹ mwẹ, I ghi ya ọmaa nagbọn vuọn iran owa.

Aizaia 2:3

Emwa iran ghi vbe gha kha wẹẹ, “Wa gie ima hin oke e Nọyaẹnmwa gha rrie Ọgua Osa ọghe Osanobua Izrẹl ọ gha ma ima emwi ne ọ ho ne ima ru, ma gha lele odẹ ne ọ zẹ gha khian. Rhunmwuda, e Jerusalẹm ọ re Nọyaẹnmwa ke ma ọmwa emwi rre, e Zaiọn ọ re ọ ke gu emwa rẹn guan rre.”

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Aizaia 55:4

I yae ru ọkaolotu kevbe ne ọkhaemwisẹ yan avbe uhunmwu ẹvbo. Obọ ẹre ọ re I la rhie ẹtinmwẹ ma iran.

Iyẹn ne ọ Maan Ọghe Jọn 10:3

Ukọ onurho ghi kie nẹ, avbe ohuan rẹn ghi họn urhu ẹre vbe ọ gha tie iran, ọ ghi viọ iran ladian.

Diuteronomi 5:32

“Ivbi Izrẹl, wa gie a miẹn wẹ wa ru emwi ne Nọyaẹnmwa Osanobua ruẹ tama ruẹn. Ghẹ i rra uhi ẹre rhọkpa.

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”