Itan 8:17 - Edo Bible (E Baibol Ẹdo) Version 1996

¹⁷ I ho ẹmwẹ iran ni ho ẹmwẹ mwẹ, ọmwaikọmwa ne ọ gualọ mwẹ gha miẹn mwẹ.

Itan 8:17 ပူးပေါင်းရင်းမြစ်များ

II Krọnikol 34:3

Ọ ghi rre ukpo erẹnrẹn ne Josaia rriọba, vbe ọ he wa rre ọvbokhan, ọ keghi suẹn gha ga Osanobua ọghe Devid ne ọba ne erha ẹe odede. Ọ ghi rre ukpo ne ogienẹ, ọ keghi suẹn gha guọghọ aro ẹbọ kua, amazẹ Asiẹrra ne ẹbọ ne okhuo kevbe avbe amazẹ nekpa hia fẹẹrẹ.

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Itan 1:28

Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Itan 2:4

Ye ẹtin hia gualọ ẹe, vbene u gha ya gualọ esiliva ra emwi ighobioye ne a rhie lẹre.

Itan 2:5

A deghẹ u ru vberriọ, u gha rẹn emwi ne ọ khin wẹ ne a gha mu ohan e Nọyaẹnmwa, u ghi vbe sẹtin ruẹ emwi eso vbekpa ọghe Osanobua.

Itan 4:6

Ghẹ he ẹwaẹn yotọ, ọ gha vbe degue ruẹ, gha họ ẹmwẹ ọnrẹn, ọ gha wan ebe yo nuẹn.

Itan 8:16

Iyobọ mwẹ ọre irriegie ni rre agbọn na hia ya khaemwisẹ, ekhaẹmwẹ kevbe avbe eghaẹvbo ha ẹre.

Asan-Ibo 12:1

Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Ihuan Ne Ọ Sọọ Ihuan Hia 3:4

I ghi wa da kpao vbe ehe ne iran yerre I keghi miẹn ọẹn I keghi gbae ginna egbe, I ma ghi sẹ ọẹ rae. Rhinrin I te do rhie ẹre gha die owa iye mwẹ, gha die ughugha ne a na biẹ mwẹ.

Aizaia 45:19

I ma ta ẹmwẹ rhọkpa vbe ẹkhokho ra ne I rhie emwi ne I ra ru lẹre I ma kha wẹ ne ivbi Izrẹl, ya gha gualọ mwẹ vbe ehe ne ọ dihoi rua. Mẹ ọrọre Nọyaẹnmwa, ẹmwata ọ re I vbe ta; I ghi vbe gie emwa rẹn emwi ne ọ re ẹmwata.”

Aizaia 55:6

Wa werriẹ aro ghe ehe ne Nọyaẹnmwa ye ne uwa na erhunmwu ghe ẹre, vbe ẹghẹ na nian, vbene ọ ma na khian rrei.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Mak 10:14

Ugbẹn vbe Jesu ghi miẹn ọẹn, ohu mu ẹn ọ keghi tama avbe erhuanegbe ẹre wẹẹ, “Wa gie avbe emọ nii bu mwẹ gha dee wa ghẹ da iran yi, rhunmwuda emwa vbe nian ọre ọ yan Arriọba Osanobua.

Iyẹn ne ọ Maan Ọghe Jọn 14:21

Ọmwa ne ọ rhirhi rhan obọ miẹn uhi mwẹ, ọ na vbe ya ẹe gha ru emwi, rẹn ọrọre ọmwa ne ọ ho ẹmwẹ mwẹ. Ọmwa ne ọ ho ẹmwẹ mwẹ, Erha mwẹ gha vbe ho ẹmwẹ ọnrẹn. Mẹ tobọ mwẹ gha ye egbe mwẹ naẹn miẹn.”

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Iyẹn ne ọ Maan Ọghe Jọn 16:27

Rhunmwuda Evbavba tobọ ẹre vbe ho ẹmwẹ uwa. Rẹn ho ẹmwẹ uwa rhunmwuda ighẹ wa ho ẹmwẹ mwẹ, wa vbe yayi nẹ ighẹ ọghe Osanobua mẹ ke gha dee.

Iyẹn ne ọ Maan Ọghe Jọn 5:4

Rhunmwuda ẹghẹ hia ọre odibo e Nọyaẹnmwa ya tuorre la uwu odighi nii ya gha tughu amẹ ọnrẹn, ọkhọnmwọ ne ọ ghi rhirhi ka la uwu amẹ nii vbe a ghi tughu ẹe nẹ, ọ ghi fe vbe obọ emianmwẹ ne ọ rhirhi a gha khuọnmwi.]

Iyẹn ne ọ Maan Ọghe Jọn 7:37

Ikpẹdẹ ne okiekie ọghe emwiukpo ọrọre ogiete ehia. Vbe ẹdẹ ni zẹẹ, Jesu keghi kpaegbe mudia, ọ na davan wẹẹ, “Ọmwaikọmwa ne ohanmwẹ amẹ gbe, wẹ ne ọ bu mwẹ gha dee ne ọ do wọn. (

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.

I Jọn 4:19

Ma mwẹ aho ẹmwẹ ọmwa, rhunmwuda Osanobua ọre ọ ka ho ẹmwẹ mwa.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.