Itan 8:15 - Edo Bible (E Baibol Ẹdo) Version 1996

¹⁵ I ru iyobọ ne avbe ọba ya khaemwisẹ, kevbe ne irriegie ya gha yi uhi esi.

Itan 8:15 ပူးပေါင်းရင်းမြစ်များ

I Ọba 10:9

Urhomwẹ nọ ne Nọyaẹnmwa Osanobua ruẹ. Ọ wa rhie maa vbene ẹmwẹ ruẹn ye ọre hẹ, ne ọ na ya a ma ọba, ne u gha ye ẹmwata kevbe a i ghe ikpanro khaemwisẹ.”

I Ọba 3:28

Ivbi Izrẹl ghi họn ohiẹn ne Solomọn buru, iran keghi kpa uhe ne ẹẹn, rhunmwuda, iran miẹn wẹ Osanobua rhie ẹwaẹn ne ẹẹn ne ọ ya gha buohiẹn ẹse.

I Ọba 3:9

Rhunmwuda ọnii, rhie ẹwaẹn mẹ ne I ya gha gbearoghe emwa na vbe ne a na ta ẹmwata kevbe ne a na rẹn emwi ne ọ maa hin ne ẹ i maa rre. A deghẹ ẹ i re erriọ, vbe I a gha ya gbearoghe okpe emwa ruẹn na hẹ?”

I Ọba 5:7

E Hiram ghi họn uhunmwu ne Solomọn gie, ẹko keghi rhiẹnrhiẹn ọẹn ẹsẹse, ọ wẹẹ, “Urhomwẹ nọ ne Nọyaẹnmwa ẹrẹna, ne ọ na rhie ọmọ ne ọ wan vberriọ ne Devid ne ọ rriọba yan okpẹvbo na.”

I Krọnikol 28:5

Ọ vbe viọ emọ ikpia ni bun mẹ biẹlẹ, vbe uwu iran hia, ọ kevbe zẹ Solomọn ne ọ rriọba Izrẹl ne ọ re otọe arriọba e Nọyaẹnmwa.

II Krọnikol 1:10

Rhunmwuda ọnii, rhie ẹwaẹn kevbe irẹnmwi ne I gha sẹtin ya gha khaemwisẹ yan iran mẹ. A dẹghe ẹ i re vberriọ, vbe i a gha sẹtin ya rriọba emwa ruẹn na ni bun sẹrriọ hẹ?”

II Krọnikol 1:11

Osanobua keghi zẹ mwẹ wanniẹn e Solomọn wẹẹ, “U guara zẹ nẹ. Ne u gha na te nọ ẹfe ra emwi ẹwe ra usi ra uwu avbe eghian ruẹn, ra ne a kue kha wẹ ẹdẹ agbọn nọtaẹn ọghe uwẹ, u keghi nọ irẹnmwi kevbe ẹwaẹn ne u sẹtin gha khaemwisẹ yan emwa mwẹ ne I ya uwẹ rriọba yan.

Psalm 2:10

Rhunmwuda ọnii, wa danmwehọ obọ ne a ya sekhae ne uwa na, wa ne ọba, wa vbe ruẹ iruẹmwi na, wa ni khaemwisẹ agbọn na.

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Itan 29:4

Ekhọe ọba gha rre ẹmwẹ ohiẹn ẹmwata, ẹvbo ghi wegbe, sokpan, adeghẹ ẹmwẹ igho okpa ọ re ọ rẹnrẹn, te ọ ra gbe ẹvbo ẹre sotọ.

Itan 8:16

Iyobọ mwẹ ọre irriegie ni rre agbọn na hia ya khaemwisẹ, ekhaẹmwẹ kevbe avbe eghaẹvbo ha ẹre.

Aizaia 1:26

I gha viọ iran ni khaemwisẹ kevbe iran ni gu ọmwa zẹ iro ne uwa, vbene uwa te ka mwẹ ọnrẹn ẹghẹ nẹdẹ. Ẹghẹ nii, a ghi do gha tie Jerusalẹm, ẹvbo ne uyinmwẹ ọnrẹn gbae ke ne ọ ru emwi ẹmwata.”

Jerimaia 33:15

Ẹghẹ nii, I ghi zẹ ovbi uniẹn e Devid ne ọ maa, zẹ vbe ọba. Ọba nii gha ru emwi ne ọ ghae kevbe ne ọ hẹnhẹn vbe otọe nii hia.

Daniẹl 2:21

Rẹn ọ re ọ kha yan ẹghẹ kevbe ukpo; rẹn ọ re ọ ma ọba, rẹn ọ vbe ya iran owẹ yotọ, rẹn ọ re ọ rhie ẹwaẹn kevbe irẹnmwi ne ọmwa.

Daniẹl 4:25

A gha khu uwẹ fua hin uwu ẹbu emwa nagbọn rre, u gha ya deba avbe aranmwẹ oha gha rrọọ. U gha rri irunmwu zẹ vbe ẹmila la ukpo ihinrọn, u ghi gha vbiẹ adesẹ ore ehe ne evbu gha na gha tuo yan ruẹn. Ẹghẹ nii, u ghi do miẹnkue wẹ Osanobua ne ọ Sẹehia ọ re ọ khaemwisẹ yan arriọba agbọn na hia kevbe wẹ ọ sẹtin munọ iran ne ọmwa ne ọ rhirhi khọn rẹn.

Daniẹl 4:32

A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Ebe ne Pọl gbẹẹn gie emwa Rom 13:1

Ọ kere ne emwa hia gha họn ẹmwẹ ne avbe ukọ ẹvbo, rhunmwuda asẹ ọkpa i sẹtin gha rrọọ vbe ẹ i re te Osanobua ye obọ yọ, avbe emwa ni rre asẹ hia, Osanobua ọre ọ viọ iran ye evba.

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.

Arhie Maan 19:16

A keghi gbẹnnẹ avbe ẹmwẹ na ye ẹwu ne ọ yọe kevbe owẹ ọre wẹẹ, “Ọba avbe iran ne ọba kevbe Nọyan iran ni yaẹn emwa.”

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 9:17

Ugbẹn vbe Samuẹl ghi bẹghe Sọl. e Nọyaẹnmwa keghi tama rẹn wẹẹ, “Ọmwa ne I kha ọna khin. Rẹn ọ re ọ ra gha khaemwisẹ yan emwa mwẹ.”