Itan 7:3 - Edo Bible (E Baibol Ẹdo) Version 1996

³ Rhie emwi ne I ma ruẹn re mwẹ vbe ẹghẹ hia, gbẹn ọẹn ye ekhọe ruẹ.

Itan 7:3 ပူးပေါင်းရင်းမြစ်များ

Itan 3:3

Ghẹ rhie obọ hin agba ẹko ọmwa kevbe ekhọe esi rre, viọ iran kinnọ urhu, gbẹnnẹ iran ye ekhọe ruẹ.

Itan 4:21

Ghẹ gie iran fuẹ. Ye iran rre ne u vbe rhie iran mwẹ vbe ekhọe ruẹ.

Itan 6:21

Rhie ẹmwẹ iran mwẹ vbe ẹghẹ hia, kọ ẹe ye ekhọe ruẹ.

Itan 7:4

Gha ru ẹwaẹn zẹ vbe ovbiye uẹ kevbe a ghe u mian emwi, zẹ vbe ose ne ọ sikẹ ruẹ sẹẹ.

Aizaia 30:8

Osanobua ke tama mwẹ wẹ ne I gbẹnnẹ vbene emwa ni ye hẹ ye ebe ne a miẹn ehe na sa ẹe ye ama etẹbitẹ ighẹ vbene emwa ni rhia sẹhẹ.

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Jerimaia 17:1

E Nọyaẹnmwa keghi kha wẹẹ, “Ivbi e Juda, ukeke ematọn ọ re a ya gbẹnnẹ orukhọ uwa yotọ, emwi ne ọ mwẹ ukpe ọghe ẹdaimọn ọ re a ya gbẹnnẹ ọẹn ye uwa ẹkoko udu, a keghi kaa ẹre ye efẹn Ogiukpo uwa.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

II Kọrinti 3:3

Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.